Duteronomi 17:16 - Nobonob Baibel

¹⁶ Am king nug nukka nuhig hos kuɗum ele daakkunu ii hema. Nug danab nuhikkud maatteb, Isip gona, hos daden ii mekkulagoitte. Aɗinu? Yawe Nug ag amelagppa aum. “Ag eɗun, Isip ii gokkulagoitte.”

Duteronomi 17:16 Referans Kwoze

Esekiel 17:15

Babilon dilag king nug anam heum, amge Dawit buɗub laa, Babilon dilag king nug Dawit buɗub amu nug waappa Juda dilag king daakkunu meum ele amu, king amu nug Babilon dilag king waappa daakkunu uua, nai tappe ne, nuhikkud danab laala ag Isip appanu Juda ehanittak aoglagnu he goppig. Ag Isip appa hos, ban danab kuɗumnab ele diiglagnu goppig. Juda dilag king nug anam heum amunu, da oɗ mettem. Juda dilag king amu nug nuhig dabmak amu heeb ukkeb, meu okkute? Laa nug kobol mauhnoak amu hette ele, nug heeb ukkeb, Babilon eppelagppa bu iite aoma? Ge, nug Babilon dilag king ele nug tituanya nai qagapiɗ, nug nai amu anam okkuleb, nug Babilon dilag king eppegppa bu iite aoma?’ ” awa aum.

Duteronomi 28:68

Anam dayeb, Yawe Nug ag maatteb, ag uubppa eɗun Isip gokkulag. Amuam oiyak okkainab, ag baula ii hemananu da ag amelagppa ami. Ag appa gokkulag amu, ag aakku akka ahilkad kekeɗ eppelagppa begbeg maɗi nid maɗi ah ele daaglagnu hekkulag, amge auntai laa ag daden maadkkunu oo ii daakku. Moses nug anam Yawe oɗeppanu nai Israel danab ah mattom.

Hosea 11:5

Amge dahilad danab ah ag oolag eɗueb, da dim lamiɗkkulagnu uuppig amunu, ag eɗun, Isip waalagppa daappig bia, laa waalagppa daaglag. Ao, ag Asiria waappa daaglag.

Sam 20:7

Aabaab laa ag ena ɠagattag daaglagnu ag ahilkad ban daup, amu bannu keeke elenu oolagppa genab dootteb, amge ig amu, ig Yawe, ihinig Kayak, ig nuhignu oonigppa genab doottem.

1 King 4:26

Solomon nug hos bannu karis eeɗadtteb ele, nug hos amu maadppeg daaglagnu lag kuɗum ele, amu ag lag amu ooppa hos maatteg daappig. Lag oo amu oh am 4,000, amu anen anen am hos ele. Hos 12,000 ag daappig.

Eksodas 13:17

Aria, Paro nug Israel danab ah paɗatte ukkaegeg amu, Kayak Nug omalatta, ib tutuppa ugakka, Pilistia wan oppata, lang dim lamitta ii ukkom. Aɗinu? Kayaknu dabmak inam dayom. “Israel ag ib tutu amuppa goppeg, danab ameg laa ag anadna, ahan aqaglagnu hena, ban heppeg, geha Israel dilag dabmak eɗueb, ag eɗun Isip dokkulagtai,” anam dabmeum.

1 King 1:5

Dawit, Abisak ele aa anam daaeheh, amu Adonaiya, nug King Dawit, Hagit ele bekkalah, nug king abenab awa, king daakkunu dabmeum. Dawit wau, onig Maka, nug Apsalom menue, amu dimugppa Dawit wau Hagit nug Adonaiya menuom. Adonaiya Nug danab anttak nuhig am iɗu tuqak ele, enanagnab. Nug mameg nug Adonaiya deɗ laa ii tolitta, daug laa ele ii batom amunu, nug gemu king daakkunu nug nuhig dabmak amu ɠagattag dayom amunu, nug aum. “Gemu da king bein daakkul,” anana, nug nukka nuhikkud daaglagnu, nug bannu karis laala, hos ele diiattowa, amu danab 50 ele diiom. Nug aha gokkunu oo dayeb amu, nug aha, karis laa awa ukkebeb, danab 50 amu ag anuqna, noob aon gobeppeg gokkunu diiom.

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

2 Samuel 8:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

1 Samuel 8:11

“Danab laa, nug ahilag king daakku dayeb amu, king amu nug ahilagppa inam hekku. Nug ag bekkalkad diia heeb, ag ban daup danab daaglag. Daanna, laa ag bannu karis attan daan, ban hekkulagnu daaglag; laa ag hos attan daan, ban hekkulagnu daaglag. Amu laa ag king nug oiyaknu karis nuhigppa laih gokkunu heeb amu, ag baelagppa qaiettan, oiyaknu karis amu noob aon, anuqna gokkulag.

2 Stori 9:25

Amu Solomon nug hos bannu karis eeɗppig ele, nug hos amu daaglagnu aɗ 4,000 ele. Aria, hosnu ebqak am 12,000. Nug hos, karis ele diia amu, nug aab okkai laala hos, karis ele daaglagnu aben babaittak daappig ele, nug laa appa maatte daappig. Laa amu nug he, ag nug guguittak, Jerusalem appa daappig.

Eksodas 13:18

Amunu Kayak Nug Israel omalatte, ag talilin, atu taɗakppa ukkaknu ibppa gona, Le Kokoɗppa noppig. Ag Isip uun gonana, ag ban haknu keeke ele maon oippig.

2 Stori 1:16

Hos Solomon diiom ele amu, nug Isipnu, Kuenu ele diiom. Kue appanu King Solomonnu keeke laihnu awa dadennu mak danab ag hos men doɗo ganeppa awaknu ɗo dayom bia, ag hos daden amuppa aodppig.

Aisaia 2:7

Wan ahilagppa silwa, gol ele am ambak. Amu en ele huanak, okkai ahilagppa daatte. Wan ahilagppa hos am ambak Amu bannu karis ele am kuɗum, huanak ahilagppa daatteb.

Jeremaia 42:19

Jeremaia nug Yawenu nai Juda danab ah amu amelagppa anam awowa, nug tuɗitta aum. “O Juda danab ah oɗo yaak ippa ina daatteb, Yawe Nug ag amelagppa, ‘Ag Isip aib goppig,’ aakku a dooppig daatte amu, ag imu dabmena autna aweg! Da gemu ag nau aomnanu dabmettak nai imu ag amelagppa attem.

Maika 5:10

⌊Israel ag oɗo yaak danab ah daatteb amu, ag anam hekkulag, amge tatam ahilagnu⌋ amu, Yawe Nug atte. “Deɗ amuppa amu, da ahilkad hos banppanu amu, da heppi mauhkkulag, Ao, da bannu karis ele heppi nauhna autna aoglag.

1 King 5:6

Anam amunu, na da ehaniɗkkutnu na oɗ medattem. Nahipad uɗat nid, Saidonnu amu, ag na appe, ag Lebanonnu qaukoppa gona, ad sida oadppeg, da lag amu hekkulnu ool daatte. Dahilad danab ag nahipad ehanadkkulagnuib heppi gokkulag. Amu da nahipad uɗat nid uɗat nob men doɗo gane ag madakkulnu appe amu, da anam madakkul. Aɗinu? Na doottem bia, Saidon danab ag am ad wattaknu doyak okkai, laa eɗattak ele.” Solomon nug nai anam me ukkom.