Duteronomi 17:15 - Nobonob Baibel

¹⁵ Am anam daakku dayeb amu, Yawe, ahilag Kayak, Nug ahilag king otieb, abenppa mekkulagnu dabmetteg! Israel ted laa mekkulagoitte. Ag wan laihnu danab aib meppig.

Duteronomi 17:15 Referans Kwoze

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

1 Stori 22:10

Solomon nug da laul, da onil aguppa daakkunu buukku. Nug am da bekkal daakku, da nug mameg daakkul. Laa nug Israel dilag gumak uɗat nuhig nug eppegppanu matakka ii aoma; da heppi, hanhan nug eppegppa, nug buɗub eppelagppa ele daakku.’ Yawe Nug he, da nai amu aakku doomi.

1 Stori 12:23

Yawe Nug Dawit, Saul abenab awa, king daakkunu aum bia amu, Israel danab kuɗum laa, danab amu oh ag ban hekkulagnu keeke eppelagppa aɗappig ele, ag king dayaknu ehah Saul eppegppa dayom aon, Dawit mettaglagnu Dawit gumidna, Hebron goppig. Am danab amu, ahilag ebqak am inam.

1 Samuel 10:24

Nug dayeye, Samuel nug danab ah oh amelagppa aum. “Danab imu amu, Yawe nug king daakkunu tituanom. Ig oonigppa amu, danab laa nugbia ii daatte,” awa aum. Nug amu a, danab ah oh ag baalag okkaippa, “King nug haen elab bau dayaɗ!” ena appig.

Jeremaia 2:25

Anam amu da ami. “O ag Israel, ag eheɗ amu hekkulagnu aib qaiettan gonana, ag baalag qaɗaietteb, baelag gaɗa ele nauhom,” ami. Da anam ami, amge ag appig. “Iitta. Ig ib laa iitta. Hakib hekkunig. Ig kayak hambuppuak laihnu awadkkunignu oonig mauhtte amunu, ig ib amuib dim lamidkkunigoitte,” aon appig.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

2 Samuel 5:2

Amu anukka Saul nug ihinig king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

Matyu 22:17

amunu, na keeke imu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?” aon appig.

1 Stori 28:5

Anam ha, Yawe Nug da bekkalad kuɗum meɗom, amge Solomon Nug da dimulppa king abenab awa, king daakkunu Nug tituanom. Nug Yawenu danab ah, am Israel danab ah, nug ahilag king daakku.

1 Samuel 8:5

Ag gona appig. “Na am kaino meme. Na begapaɗ amu, aa nahip hak ena ii dim lamidttep amunu, ig wan laappan danab king ele bia, ig king ele daagnignu na danab laa, nug ihinig king dayaya, ig gumigkkunu tituane!” aon appig.

1 Samuel 16:3

Na gona, amu hekkutnu hena, na Jesi nug ele mana mettak amuppa uɗikkunu oɗ medappe, nug uɗieb, mana mettak amuppa aɗi keeke na hekkutnu da ool daatte amu, da geha ippunidkkul. Da danab aun nug king daakku ippunidppi, na nug king daakkunu goɗen gokkaɗakppa tituankkut,” awa aum.

2 Samuel 5:1

Amu dimppa amu, Israel dilag huu okkaippan danab oh ag Dawit gumidna, Hebron uɗippig. Ag uɗin appig. “Ig na ele ig oh tiinig laippu.

Sam 89:20

Da dahil maɗi nid Dawit anidmi. Da Kayak, da goɗen dahilnu tituanak daatte, da amu laa awen, goɗen gokkaɗakppa tituanmi.