Duteronomi 17:14 - Nobonob Baibel

¹⁴ Ag Yawe, ahilag Kayak, Nug ag wan madatte amu, haen ag amuppa nona, aon daanna amu, ag digmena inam dabmekkulagtai. “Ig am wan laala talilikkak king ele daatteb, amubia ig king ele daalom.” Ag anam dabmekkulagtai.

Duteronomi 17:14 Referans Kwoze

1 Samuel 12:19

Danab ah ag anam doon, ag Samuel amegppa appig. “Danab naɗi, ig hipunin kuɗum hetata daamut, amge amu aakkuib iitta. Iitta! Ig gemu tuɗidta, hipunin laa ele hemut. Ig Yawe Nug ihinig king daakkunu uut, na king laa tituanppe, ig gumigkkunu oɗ mettamut amunu, Yawe heeb, ig mauhmatanu amu na Yawe, nahip Kayak, na Nug ihinignu unuqitte!” aon appig.

Josua 1:13

“Ag haknunab nai Moses, Yawenu maɗi nid, nug ag amelagppa aum amu, ag nai amu dabmetteg! Nug aum. ‘Yawe, ahilag Kayak, Nug ag Ruben buɗub, Gad buɗub, Israel dilag huu okkai Manase mahaib ele, ag amun danab amu, Nug ag maɗoɗ aon daaglagnu wan imu, Jodan lenu kaɗag uɗitteppanu daatte, ag iguppa daan oiglagnu madatte,’ awa aum.

Duteronomi 26:9

Nug anam haaha omaikke, aben imuppa uɗiut, amu wan imu, am wan enanag, wan ittag ele, imuppa ee meu huan otte, Nug wan imu mekkom.

Duteronomi 26:1

Haen ag wan, Yawe, ahilag Kayak, Nug ag aulag daakkunu madatteppa nona, aon daanna, amu dimppa,

Duteronomi 18:9

Amu ag wan, Yawe, ahilag Kayak, Nug madakkunu hette amu, haen ag amuppa nona daanna, ag ooppa uuaknab doyak kobol, danab ah appa daatteb ele gemu hetteb amu, ag hemananu dabmena autnanab aweg!

Duteronomi 11:31

Ag wan umu, Yawe, ahilag Kayak, Nug ag wan amu madatte amu, ag wan amu aon daaglagnu Jodan le imu mataɗna wana nokkulagnu hetteb. Amu haen ag wan amu aon, appa daaglag amu,

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Lewitikas 14:34

“Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Namba 33:53

Wan amu ahilag daakkunu mattami amunu, ag ahilag daakkunu, ag amuppa nona aona dayeg!

Josua 21:43

Amunu Yawe Nug Israel mamelkad aɗi amelagppa wan amu madakkunu nai ɠagattag qetta aum amu, Nug aakku wan amu oh Israel eppelagppa me, ag aon, aguppa daappig.

1 Samuel 8:11

“Danab laa, nug ahilag king daakku dayeb amu, king amu nug ahilagppa inam hekku. Nug ag bekkalkad diia heeb, ag ban daup danab daaglag. Daanna, laa ag bannu karis attan daan, ban hekkulagnu daaglag; laa ag hos attan daan, ban hekkulagnu daaglag. Amu laa ag king nug oiyaknu karis nuhigppa laih gokkunu heeb amu, ag baelagppa qaiettan, oiyaknu karis amu noob aon, anuqna gokkulag.

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

1 Samuel 10:25

Eeg amu, Samuel nug king dayaknu ɗo tutukku oh ag amelagppa awowa, nug nai amu oh bukppa ye dayeye, nug buk amu Yawenu mettid lag, amuppa me niiom. Nug amu ha malowa, nug he, danab ah oh ag eɗun, laulagppa goppig.

1 Samuel 16:3

Na gona, amu hekkutnu hena, na Jesi nug ele mana mettak amuppa uɗikkunu oɗ medappe, nug uɗieb, mana mettak amuppa aɗi keeke na hekkutnu da ool daatte amu, da geha ippunidkkul. Da danab aun nug king daakku ippunidppi, na nug king daakkunu goɗen gokkaɗakppa tituankkut,” awa aum.