Duteronomi 17:11 - Nobonob Baibel

¹¹ Ag ɗo uug amunu aɗi ippunadtte anidna malana, aun eheɗ heum, eheɗ ii heum ele anidna, laa eheɗ heum nug aɗi bu aokku ele anidna appeg amu, ag anam haknu appig, amubianab ag hekkulagoitte. Ag aib dabmak laa aon baolippig.

Duteronomi 17:11 Referans Kwoze

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.

Jut 1:8

Aria, danab tamaniak ooppa lokkumna noppig, ag dabmak tutukku iitta amu, ag Sodom aɗi heppig bianab hetteb. Ag hipunin digdig heeg, ag beɗulkad dubuttid tak ele daatteb. Ag Kayak oɗe dimettan, nuhig nai tappaeg ne, hab aabppan engel dilagnu baeg qak nai maditteb.

2 Pita 2:10

Kayaknu kobol amuam, nug genab danab laa ag ahilag oo hak naunab dim lamidnana, Kayak oɗe dim lamittaknu ena iinab dootteb, am ag tonadkku. Ippunittak danab hambuppuak amu, ag akka ahilagnu ag am ɠagattag doonna, ag laanu dab-ii-menana, ag hab aabppan engel dilagnu baeg qak nai mattiglagnu ii baɗatteb.

Taitus 3:1

Na danab ah ag ahilkad ikki danab, amu ahilkad danab gumaknu ehah ele waalkadppa daaglagnu daulkadppa dokkunu, ag oɗe dim lamittak danab daan oina, ag aɗi uɗat amu uɗat ena hekkulagnu babaittak daaglagnu,

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

2 Samuel 14:19

Ah nug anam a amu, Dawit nug oɗ mettom. “Joap nug na ame bia appe dookkulnu aumte?” awa oɗ mettom. Oɗ mette, am ah nug aum. “O naɗi dahil, na king, na gemu genab bau daattem, genab amubia laa nug hambuppuidkkunu elele iitta. Aɗi am genab daatte amu, na anidkkut. Ao, nahip maɗi nid Joap nug da inam hekkulnu ana, nug da aɗi nai na amenppa akkulnu ele da amelppa aum.

Josua 23:6

Amunu ag ɠagattag dayeg! Nai dim lamittaknu amu, ag Ɗo Nai Buk Kayak Nug Moses amegppa a, Moses nug bukppa yom amu, ag buk amuppa yaak oh daatte amu dabmettan autna aon, dim lamitteg! Ag ɗo nai amu uun, laih naɗiap-ppa, o laih nanehppa aibnab goppig.

Duteronomi 28:14

Ag da haknunab anak nai attem imu aib ii dim lamidppig. Ag haknunab anak da attem imu tutukkunab henana, ag aib kayak laala waalagppa daan ag oɗelag dim lamidppig.

Duteronomi 25:1

Danab aɗit laa aa mattiak ahilah aoya, hettoɗiakppa goya daaglah dayeb, epeɗiak danab nug laa amu tutukku atte, laa nug eheɗ heum akku.

Duteronomi 17:20

Laa ele amu, nug laikkud laa dilagnu, “Da ag eɗadttem, da am enanag,” doomnanu, nug ɗo laippu laa ii dim lamidmanu, nug anam hekku. Anam heeb, nug am, nug buɗub ele ag Israel haen elabnab gumadkkulag.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Lewitikas 10:11

Amu ag da Yawe, da ɗo nai oh Moses mettami ele amu, ag Israel danab ah ippunadkkulagoitte,” awa aum.

Duteronomi 17:10

Amu aben Yawe Nug epeɗikku ele, amuppa nai attem beeb, mana mettak danab, epeɗiak danab ele ag amunu aɗi appeg, ag hanhan anamnab dim lamidkkulagoitte. Am ag appig, amubianab haknu daakku.