Duteronomi 16:6 - Nobonob Baibel

⁶ Yawe, ahilag Kayak, Nug aben Nug onig aguppa daakkunu epeɗikku, amuppa ag Pasowanu sipsip amu aqappeg mauhkkulagoitte. Ag appa, haen aam nokkunu heehe, ag Isip uuppig, kalam deɗ amuppanab, ag aqappeg mauhkkulagoitte.

Duteronomi 16:6 Referans Kwoze

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

Matyu 26:20

Aria tueb me, Jesus amu nuhikkud ippunittak awak danab 12 ele ag balalppa daappig.

Namba 9:11

Aun aɗi ag mauhak laate aɗappig, iitta laihte gona, eɗun ii uɗippig dayeb amu, ag Pasowanu Hobul daan hekkulagnu amu dimppa, kalam tatamnu uueb, kalam amu dim lamidtte ele, kalam amunu deɗ 14ppa tuebnab hekkulag. Ag sipsip lanana, bret yis iitta, amu keh mua ele amu lakkulag.

Namba 9:3

Haen da amippa ag Pasowanu Hobul daan hekkulagnu amu, kalam imuppa, deɗ 14ppa ag tuebnab, haen amuppa ag digmena hekkulag. Ag ɗo da ag mattami, ag ɗo amu oh dim lamidna, Pasowanu Hobul daan hekkulag,” awa aum.

Eksodas 20:24

Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.

Duteronomi 16:5

Ag aab naunau, Yawe, ahilag Kayak, Nug ag madakkun hette amu, ag amuppa Pasowa Hobulnu sipsip ii lakkulagoitte.