Duteronomi 16:16 - Nobonob Baibel

¹⁶ Maɗ anen anenppa haen ewam ag Israel danab oh, ag Yawe, ahilag Kayak, ag aben Nug epeɗikkuppa Nug noobppa dup nona binag mekkulagnu, ag Nug amegppa uɗieg! Ag amu hobul gamag ahak ele ewamppa hekkulagoitte. Hobul dayak ewam amuam Bret Yis Iitta Lanaknu Hobul Nakok, Ee Tatam Oɗue Digma Awaknu Hobul, amu Pehppa Dayaknu Hobul ele. Ag Yawe, ahilag Kayak, ag Nug aben epeɗikku, amuppa haen anen anen amu ohppa Nug noobppa miag atiglag, ag ɗo hamu mettak Yawenu aon wakkulagoitte. Ag hamu aib goppig.

Duteronomi 16:16 Referans Kwoze

Sam 96:8

Yawe onig am binag amahlak oppiaawak ele, ag amu doyeg! Ao, ag doɗ laa manan mettaglagnu aon, Nug laugppa uɗieg!

Hagai 1:9

Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Eksodas 34:20

Ag donki ⌊gaiɗ⌋ tatamnu qagaiettakppanu eɗua uhuqak dayaknu hekkulagnu, ag sipsip nag laa aon main, Kayak mettaglag, amge ag amu hekkulagnu uuglag dayeb amu, ag donki ⌊gaiɗ⌋ amu duug qiippeg mauhkku. Anam amge, ahilkad nid danab tatamnu amu, ag tituanakppanu eɗua uhuqak hekkulagoitte. ⌊Amu oh dahilad daatteb amunu,⌋ laa nug dahil mettid lakka, da noolppa eppeg hamu aib uɗiom.

1 King 9:25

Am maɗ ohppa haen ewam amu Solomon nug qaɗab, nug Yawenu heum, amuppa nug manaknu ofa, amu laippu dayaknu ofa ele haaha, nug kalu danab ile muttuɗig enanag bette ele Yawe noobppa manom. Solomon nug anam haaha amu, amuppa nug Yawenu mettid lagnu ɗo aakku elele mettom.

Aisaia 23:18

Amge Tair nug men doɗo aokku oh, am geha nukka nuhig qagmeeb ii daama. Aɗinu? Geha keeke amu oh Yawe nuhig keeke daaglag. Amu Yawenu danab ah ag geha keeke oh Tair qagmekku amu aoglag. Aon am, geha ag ee kuɗumnab lakkulagnu ele daanna, geha ag lamen ena ena ele aon mekkulag.

Mak 12:3

amge dad uɗat danab ag aɗana, makkuɗna meeg, eɗua hamu ukkom.

Jon 7:2

Aria Juda dilag Pehppa Dayaknu Hobulnu haen miag do,

Eksodas 34:24

Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

Lewitikas 23:34

“Na Israel danab ah nai imu appe doyeg!” awa aum. ⌊Nug anam a amu, Moses nug nai inam ag amelagppa aum.⌋ “Pehppa Dayaknu Hobul amu, am kalam ebqak eblaih aɗit ele, kalam amunu deɗ 15ppa digmekku. Yawe noobppa hobul dayak amu, am deɗ eblaih aɗit oh daakku.

Duteronomi 16:15

Yawe, ahilag Kayak, Nug ag ee kuɗum matta, ahilag uɗat ele itidkku amunu, ag deɗ eblaih aɗit ele amu oh aben Nug epeɗikku, amuppa ag Yawe, ahilag Kayak, ag Nug binag mekkulagnu, ag hobul amu gamag ahak ele hekkulag. Nug anam itattebeb, ag gamag ahak okkai dooglag.

Duteronomi 16:17

Anen anen ag Yawe, ahilag Kayak, ag Nug ag itatta, keeke mattom amu, ag amu dabmena, ɗo hamu mettak anam biappa Nug mettaglagnu dabmekkulagoitte.

Duteronomi 31:11

haen Israel oh ag Yawe, ahilag Kayak, ag Nug noobppa aben Nug epeɗikku, amuppa ag qagmena daappeg amu, ag ɗo imu Israel danab ah amelagppa ebqeppeg dooglagoitte.

1 Samuel 1:3

Aria, Elkana nug maɗ anen anen oh haen laippu nug Yawe Nukka Ɠagattag Oh Ele noobppa dup noa binag mekkunu, nug ele doɗ mana, Nug medakkunu, nug Ramanu aha, Silo ukkom. Silo appa amu mettid haknu peh lag dayeye, Eli bekoɗ Hopni, Pinias ele aa Yawenu mana mettak danab daapiɗ.

1 Samuel 6:3

Ag anam oɗ mattaeg amu, Pilistia dilag mana mettak danab, keeke doyaknu eman hak danab ele ag appig. “Ag Israel dilag Kayaknu Tituanak Nainu Kunup meppeg, nug eɗua nuhig abenppa gokkunu hekkulagnu hetteb dayeb amu, ag hamu aib meppeg ukkom. Iitta! Ag keeke laa, eheɗ haknu ofa daakkunu ele meppeg ukkaɗ! Ag anam heppeg amu, Kayak Nug heeb, ag eɗun ena daaglagtai. Ena daaglag dayeb amu, amuppa ag genab dooglag, Yawenu Tituanak Nainu Kunup ippa dayom amunu, Nug he, uug okkainab aqom,” aon appig.

2 Stori 8:13

Moses nug king doɗ gane Sabat deɗ anen anenppa, kalam bau betteppa, Bret Yis Iitta Lanaknu Hobul Nakokppa, Ee Tatam Oɗue Digma Awaknu Hobulppa, Pehppa Dayaknu Hobulppa ele manatta, Yawe medakkunu haknunab aum amu, Solomon nug amubiaib aakku heum.

Nehemaia 8:15

Ag amu anidna, Yawe Nug ag nai laa imu Israel danab ah dilag aab ohppa, Jerusalem appa ele inam meppeg gokkunu aum ele anidppig. Nai am inam. “Ag Israel danab ah oh, Pehppa Dayaknu Hobulppa daaglagnu haenppa ag ahan, aab dimittim qauko qaukoppa gona, appa ag olip ad ebekkud, olip dakkuɗ ebekkud, ad mirtel ebekkud, ad pam ebekkud, amu ad laala lokko ena ele eppelkad okkuladna, peh hekkulagnu aon uɗieg!” Kayak nai amu Moses bukppa yom amu, ag eɗun anidppig.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Sam 122:4

Yawenu ɗo atte bia, nuhikkud danab ah, Israel dilag huu okkai ohppanu, ag Jerusalem ippa uɗin, Yawe amegppa, “Ena hen mekkame,” akkulagnu uɗitteb.

Esra 3:1

Haen danab amu ag eɗun uɗin, ahilkad aab anen anenppa daan amu, maɗ amuppa kalam eblaih aɗitppa Israel danab oh ag Jerusalem appa laippu aɗamen qagmeppig.

Sam 84:8

O Yawe Kayak Nakka Ɠagattag Oh Ele, na dahil unuqittak dookkutnu oɗ medattem. Ao, O Jakopnu Kayak, na da dooiɗkkutnu unuqidttem. Sila.

Aisaia 33:20

⌊Genab, Yawe Nug anam heeb, danab nau amu ii daamna,⌋ na neegppe ukkeb, Sion anidkkut; Sion appa amu, ig ihinig qagmak gamag ahak ele hettem. Ao, na neegppe ukkeb, na Jerusalem anidkkut. Na neegna anidna, Jerusalem am aab maɗoɗ daatte anidna, na Jerusalemnu, aab amuam peh lag hanhannu bia anidkkut. Aab amuam danab nug pehnu pin elab wanppanu ii aotte, peh hanhan aguppaib daatte, aab amuam anamib daakku. Ao, peh laanu muɗi ii pagutte, peh am hanhan qappakib daatte amu, aab amuam anamib daakku.

Esekiel 36:38

Israel danab ah ag ahilag wanppa appa ambaknab daaglag. Anukka danab ah huanaknab ag Jerusalem tena, hobul dayaknu haen epeɗiak bia, ag appa daaegeg, sipsip bodok iitta main, da Yawe meɗaglagnu, sipsip amu ambak daappig, amubia danab ah bodok iitta, aabaab nauhattak daappig, amuppa ambak daaglag. Ag anam daaglag amu, ag dooglag, da am Yawe.” Yawe Nug anam atte.