Duteronomi 16:13 - Nobonob Baibel

¹³ Ee aeg awak haen iitta mette haenppa amu, ag ee aeg aon malana, ag leppu grep meuppa ele aon malona, ag Pehppa Dayaknu Hobul dabmena, gamag ahak ele hekkulag. Ag gamag ahak amu deɗ eblaih aɗit oh hekkulagoitte.

Duteronomi 16:13 Referans Kwoze

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Jon 7:2

Aria Juda dilag Pehppa Dayaknu Hobulnu haen miag do,

2 Stori 5:3

Aria, ag nai amu doona, ag kalam eblaih aɗitppa, kalam amuppa Peh Dayaknu hobul haenppa ag oh King Solomon gumidna uɗin qagmeppig.

Esra 3:4

Ag amu hewona, ɗo naippa yaak niitte bia ag gamag ahak ele Pehppa Dayaknu Hobul heppig. Ag amu henana, ag ɗoppa yaak niitte bia, ag manaknu ofa ebqak eleleppa, deɗ deɗppa hena, Yawe medappig.

2 Stori 8:13

Moses nug king doɗ gane Sabat deɗ anen anenppa, kalam bau betteppa, Bret Yis Iitta Lanaknu Hobul Nakokppa, Ee Tatam Oɗue Digma Awaknu Hobulppa, Pehppa Dayaknu Hobulppa ele manatta, Yawe medakkunu haknunab aum amu, Solomon nug amubiaib aakku heum.

Duteronomi 31:10

Amu Moses nug haknunab anak nai imu mattom. “Maɗ eblaih aɗit ele awebeb, amuam lonnu hippalakppanu uhuqaknu maɗ amu, maɗ amu malatte haenppa, haen amuppa ag Pehppa Dayaknu Hobul hekkulag; amu haen amuppa,

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Namba 15:20

Ag ee aeg mumuɗaknu abenppanu ee aeg aotteb amu, ag aeg naanaeg ganuɗak amuppanu bret batappatak laa, ofa daakkunu, ag aon, Nug metteg!

Jeremaia 40:10

Da amu, da ippa Mispa daappi, Babilon dilag okkai ag anigkkulagnu uɗiglag amu, ag uɗippeg, ig qagmeta daat, nai mattignig. Amge ag amu, ag gona, ee laala, amuam grep meu wain haknu, ad meu aam haenppa lep mette, amu olip meu goɗen haknu ele, ag amu aon, hinaippa inana, aab anen anen ag aguppa daaglagnu aoppig amu, ag aguppa daan oiyeg!” awa aum.