Duteronomi 15:7 - Nobonob Baibel

⁷ Amge qinob ag wan aon malan, daɗek danab ah laa aab, Yawe, ahilag Kayak, wan madatte, amuppa daaglag dayeb amu, ag akka ahilagnuib dabmena, daɗek amu ii ehanidmananu aib dabmeppig.

Duteronomi 15:7 Referans Kwoze

Duteronomi 15:9

Am ag dabmen autna aweg! Am ag dabmak nau aon aɗan, akka akka ahilagnu inam aib appig. “Nakok laa ele amu maɗ eblaih aɗit ele, amuam lonnu hippalakppanu uhuqaknu maɗ amu, maɗ amu digmekkunu daatte, am da men doɗo dahil eɗuen aokkulnu elele iittatai.” Dabmak amuam ena iitta. Ag amubia dabmena, ag daɗek keeke laa ii mattaglag am eheɗ. Danab amu amu, ag am ag lailkad, am ag ii ehanadkkulag dayeb amu, ag eheɗ heppignu Yawe oɗ mettaglagnu elele daatte. Ag anam heppeg, Kayak Nug ag eheɗ heppig akku.

Prowerb 21:13

Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Matyu 18:30

Nug anam awa aum, amge laa nug uua he, ag omalna gona, maniguittak ooppa meeg dayeye, nuhig lonnu daden nob oh eɗua mettowa, nug eɗua dimittim dokkunu aum.

Matyu 5:42

Aria, danab nug keeke medakkutnu oɗ metteb amu, na mette! Amu aun nug nahip-ppanu lon aokkunu oɗ metteb amu, na medakkut.

Eksodas 22:25

Danab o ah dahil laa ag oolagppan nug keekenu tutu mak dayaya, ahilagppanu lon aweb amu, ag danab nug bisnis uɗat ha, lonnu intres aotte amu, ag nug hette bia aib heppig. Iitta. Ag intres laa aib aoppig.

Lewitikas 25:35

Ag lailag, Israel ted laa, nug ag oolagppa dayebeb, aɗi uug beeb, daɗek ma, nug ee keeke aokkunu ib iitta daakku dayeb, nug tuɗid ag oolagppa daakkunu, ag wan laihnu danab ehanidtteb, o ag danab laa nug wan laappan uɗia, haen tutuib dayak danab ehanidtteb, amubia ag laa daɗek meum amu, nuhignu heig!

Duteronomi 15:11

Wan ag aoglag amu, amuppa haen oh laa ag oolagppa am daɗek daaglag. Diig amunu da haknunab anak nai ag Israel laala, ag daɗek daatteb amu ag ehanadkkulagnu attem.

Duteronomi 24:14

Am laa nug uɗat nid daatte me, nug am daɗek, na danab anam am aib eheɗ hettame. Nug am Israel tedte, o nug am wan laihnu danab nug uɗia, ag oolagppa aab laappa daattetai, na aib eheɗ hettame.

Nehemaia 5:1

Amu ⌊ig uɗat amu heutut,⌋ uug laa ele beum. Am inam. Juda huu laa ag ahan, Juda huu laa dilag nai hena, naippa yaaladppig.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Aisaia 58:10

ag laa enug aqadtte ele ee mattaglag dayeb, ag laa ag ɠagattag iitta daaeg, laa ag eheɗ hadatteb ehanadkkulag dayeb amu, Yawe Nug heeb, ag danab nug gatatuppa padal mekkunu oiyeye, laa amahlak mette, ena oitte, ag amubia ena daaglag. Ao, Nug heeb, ag danab nug gatatuppa padal mekkunu oiyeye, laa he, amahlak okkainab, amun bia be, ena oitte, amubia ag ena daaglag.

Esta 9:19

Diig amunu Juda aab naunauppa daatteb, ag kalam Adarnu deɗ 14, ag deɗ amuppa gamag ahak doon, ee lanak hobul naɗi henana, ag ee laanu daakkunu hamu mettak hetteb.

Esta 9:22

Nug ag deɗ aɗit amuppa ag lanak hobul okkai, gamag ahak okkai ele henana, ee hamu nug mettanna, ag daɗek ele ahilag daakkunu keeke hamu mattaglagnu aum. Amuam henana, Juda ag kekeɗ eppelagppan eɗua diiak amu daulagppa dookkunu aum. Haen amuam, ahilag haen nauhkkulagnu dayom, amge ag ahilkad kekeɗ eppelagppanu eɗua diiak aoppig. Ag oolagppa uug nau dooppig, amge ag eɗun, gamag ahak aoppig. Ag mahiak naɗi heppig am iitta me, gamag ahak aoppig.