Duteronomi 15:14 - Nobonob Baibel

¹⁴ Na nug keeke hamu, noob eɗua awaknu iitta naɗi medakkut. Na nug sipsip, meeme, amu ee aeg, wain ele medakkut. Yawe, nahip Kayak, Nug ititta, keeke mettom amu, na amuppanu itidna, keeke mette!

Duteronomi 15:14 Referans Kwoze

1 Korint 16:2

Mettid ohppa ag oh anen anen Mettid deɗppa ag men doɗo mettid ukkomppa aoppig amu dabmettanna, ag laih otin laulagppa meppeg dayebeb, geha dimppa da gumatte goppi, ag men doɗo mattaglagnu mattiaknute henana, hik ii aqama.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Sam 68:10

Danab ah nahipad ag appa gona daappig. O Kayak, nahipad danab ah oolagppa laa ag qakub mena daappig, amge na wanppan keeke kuɗum beppig amu, na ag keeke amu mattame.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Duteronomi 15:13

Na maɗi nid nahip laa, nug nahip uɗat hette ele amu, na heppe, uhuqak aokkunu amu, na nug aib eppeg hamu uuidppe ukkom.

Duteronomi 15:15

Am ag anukka Isip wanppa begbeg maɗi nid daaegeg, Yawe, ahilag Kayak, Nug ag ehanatta, nuhig ɠagattag okkaippa amunu qagaiettakppanu eɗua uhuqak heum amu, ag appa baula begbeg maɗi nid ii daatteb, ag amu daulagppa doaɗ! Diig amunu gemu da ag haknunab anak imu madattem.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.