Duteronomi 15:12 - Nobonob Baibel

¹² Am Israel danabte, o ahte laa, nug nukka nahip maɗi nid, o maɗi ah daakkunu heeb, na daden mekkut dayeb, nug maɗ eblaih laippu ele uɗat heeb ukkeb, maɗ eblaih aɗitppa na maɗi nidte, o maɗi ahte amu heppe, nug uhuqak awaɗ!

Duteronomi 15:12 Referans Kwoze

Jeremaia 34:14

“Maɗ eblaih laippu ele ukkeb, maɗ eblaih aɗitppa Hibru danab, o Hibru ah auntai nug he, nug ag oolagppanu laa waappa nuhig maɗi nid daatte amu, ag anen anen ag danab ah amubia uhuqadppeg, ag ag waalkadppa, ahilkad maɗi nid tuɗidna aib daappig. Ag uhuqak dayeg! Danab o ah amubia ag maɗ eblaih laippu ele ahilkad maɗi nid daan, ahilag uɗat hekkulag, amge maɗ eblaih aɗitppa ag tuɗidna ahilkad maɗi nid ii daamna. Ag uhuqak aon, hamu daaglag, amu ag laa ag uhuqadkkulagoitte ami. Da anam ami, amge ag mamelkad aɗi ag da oɗel ii dooppig. Ag daulag human, nai doon, elele ii dabmedappig.

Duteronomi 15:1

Maɗ eblaih laippu ele ukkeb, maɗ eblaih aɗit ele iitta mekkunu heebeb amu, ag anen anen ag men doɗo Israel danab laa lon medappig, ag men doɗo amu eɗun mattaglagnu daatteb amu, ag lon amu hamu obippeg, iitta maɗ!

Duteronomi 15:13

Na maɗi nid nahip laa, nug nahip uɗat hette ele amu, na heppe, uhuqak aokkunu amu, na nug aib eppeg hamu uuidppe ukkom.

Eksodas 21:1

Yawe Nug anam anana amu, Nug nai tuɗitta aum. “Na ɗo imu Israel danab ah matte!