Duteronomi 14:25 - Nobonob Baibel

²⁵ ag aɗi keeke, keh keekete, doɗ keekete, amu ag dadennu meppeg, daden meppeg, men doɗo aona, ag men doɗo amu aɗan, aon gona, Yawe, ahilag Kayak, aben Nug epeɗikku, ag amuppa gokkulag.

Duteronomi 14:25 Referans Kwoze

Duteronomi 14:24

Amu aben Yawe, ahilag Kayak, Nug onig aguppa daakkunu epeɗikku amu, aben amuam ag appalkad guguittak iitai daakku. Ele amu Yawe, ahilag Kayak, Nug ag itatteb, ag keekenu meu huanak aoglagtai. Anam bekku dayeb, diig amunu ag keeke amunu obatak laippu mawadna, appa gokkulagnu uma daye, ag keeke amu mawadna gokkulagnu elele iitta daatte dayeb,

Duteronomi 14:26

Am ag gona tena, Yawe noobppa daanna, ag aɗi ee, am makautai, sipsiptai, wain o le laa amubiatai, o keeke laala lanaknu daatte, amutai lakkulagnu oolag heeb amu, ag men doɗo amuppa daden meig! Ag anam hena, ag Yawe, ahilag Kayak, ag Nug noobppa daanna, ag hobul naɗi hena, ag baelkadppa ele gamag ahak daan hekkulag.

Mak 11:15

Anam amu ag gona Jerusalem tena amu, Jesus Nug Kayaknu mettid lag nuhig tomppan keeke oh ele ooppa noa, Nug danab appa mana mettaknu keeke dadennu maadppig, laala daden meppig ele amu, Nug ag lamattom. Appan danab laala ag men doɗo baolippig ele amu, Nug ahilag balal huma awe ukka na qe, am laala ag uppuɗil beɗulag nakok maatteg daden maadppig ele, Nug ahilag dayak aben ele huma awe, ukka na qeum.

Luk 19:45

Amu Jesus Nug Kayaknu mettid lag nuhig tomppan keeke oh ele ooppa noa, nug danab appa mana mettaknu keeke dadennu maadppig amu, Nug digma ag lamattom.