Duteronomi 14:2 - Nobonob Baibel

² Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Duteronomi 14:2 Referans Kwoze

Duteronomi 7:6

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

Lewitikas 20:26

Da, Yawe, da oppiaawak daattem amunu, ag dahilnu oppiaawak ele daaglagoitte. Da ag danab ah diilag laa ele daan, dahiladnab daaglagnu, danab ah laa oh oolagppanu tituanadmi.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Lewitikas 19:2

“Na Israel danab ah oh amelagppa nai imu appe doyeg!” awa aum. ⌊Nug anam a amu, Moses nug Yawe oɗe awa, Israel danab ah amelagppa inam aum.⌋ “Da Yawe, ahilag Kayak, da oppiaawak daattem amunu, ag ele oppiaawak dayeg!

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Duteronomi 28:9

Ag Yawe, ahilag Kayak, ag nuhig nai haknunab anak dim lamidna, ag nuhig kobolppa oiglag dayeb amu, Yawe Nug heeb, ag nuhignu, oppiaawak ele daan, ag danab ah nuhignab daaglag. Nug amu hekkunu nuhig nai ɠagattag qetta aum amu, Nug anam hekku.

Lewitikas 11:45

Aɗinu? Da am Yawe. Da ag ahilag Kayak daakkulnu, da ag Isip wanppan diiyi, ippa uɗippig. Da am oppiaawak daattem amunu, ag dahilnu, oppiaawak ele daaglagoitte,’ awa aum.

Aisaia 62:12

Amu laa ag nuhikkud danab ah dilagnu, “Danab ah Yawenu oppiaawak ele,” akkulag. Ag, “Danab ah umu amu, Yawe Nug ag hipuninnu qagaiettakppanu eɗua uhuqak ha mattom,” akkulag. Ag Jerusalemnu, “Danab ah ag aab okkai amunu oolag hette,” anana, ag, “Aab okkai amu hamu dayom, amge gemu anam ii daatte. Danab ah ag eɗun, appa daatteb,” akkulag.

Daniel 8:24

Nug ɠagattag okkainab ele ba daakku, amge ɠagattag amu oh nuhig hakppaib ii bema. ⌊Iitta. Laa nug ehanitteb, ɠagattag okkainab ele daakku.⌋ King amu nug heeb, keeke kuɗumnab laa nauhakib daakku. Nug aɗi aɗi hekkunu heeb, am anamib bekku. Nug danab okkai ɠagattag ele eheɗ hatta, Kayaknu danab ah, ag Kayaknu oppiaawak ele daatteb, nug ag eheɗ hatteb, ag nauhkkulag.

Duteronomi 14:21

Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.

Daniel 12:7

Laa nug danab lamen linenppa hak takka, le attan dayom anam oɗ mette, nug eppeg naɗiap, naneh ele hume, habppa te, nug Kayak, Nug hanhan daatte, nug Nug onig awa, nuhig nai ɠagattag qetta, nug nai laa a doomi. Nai nug aum am inam. “Haen maha ewam, haen maha laanu maha ele ukkeb, keeke amu oh ba malakku. Danab ah ag Kayaknu oppiaawak ele ag akka ahilagppa ɠagattag laa iitta ele daappeg, haen amuppa keeke amu oh meu okku,” awa aum.

Esekiel 21:2

“Danab bekka, na Jerusalem neekkidna, aben ag binag mak hetteb elenu nai uug ele mehuqnana, Israel danab ah dilagnu uug naunab beeb anidkkulagnu propet nai anana,

Aisaia 6:13

Am danab ah laib laib laa wan imuppa daaglag, amge da baula heppi, wan imu eɗua baula nauhaknab daakku. Amge amu dimugppa danab ah dahilad oppiaawak ele laippu laippunab, ag ad laa oeg qiiom, diig daatte, ag amubia daaglag. Ag ad terebint laa, o ad ok laa ele oeg, diig dayaya, ita bette amu, danab ah dahilad ag amubia hekkulag,” awa aum.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

Duteronomi 4:20

Ahilagnu amu, Yawe Nug ag ehanatte, ag Isip wanppa ii daatteb! Isip amu aab dittiak naɗi bia he, ag guittak okkainab ele doonna daaeg, Yawe Nug ag Isipnu diia, omalatte uɗippig. Ag nuhig danab ah daaglagnu, Yawe Nug ehanatta diie, ag gemu nuhignab aakku daatteb.

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

Esra 9:2

Israel danab ag danab laa umu aɗelkad, ahilkad ah daaglagnu diion, appanu ah diin, ag bekkalkad dilag ah daaglagnu mattanna, ib amuppa ag heeg, ig danab ah, ig Yawenu tituanak daattem, ig laa ag Yawenu danab ah iitta amu, ig tiinig aakku kaboliak daatte. Amu Israel dilag ikki danab, ahilag ehanittak anuqak danab ele, ag Kayak kobol amunu ippunikkomnu oo metta ii uuak kobol ii dim lamidna, amu hekkulagnu danab ah noolag aon ukkaeg, Israel laa ag amu hetteb.” Ag da amelppa anam appig.

Aisaia 41:9

Da umanabnu diiatti, ag iguppa daatteb. Ao, da wan batakppanu diiatte hei, ag uɗin, iguppa daatteb. Da ag amelagppa, ‘Ag am dahil maɗi nid,’ ami. Da ag tituanadmi. Da ag ii geɗadmi.

Jeremaia 2:3

Ag Israel ag dahilnu tituanak daappig. Ag ee tatam oɗutte dahilnab daatte, ag amubia daappig. Laa mana mettak danab iitta, nug baekkudppa ele iitta, nug ee bau dahilnab amu latte dayeb, nug beɗuppa aab ele daatte, amubia aun nug Israel eheɗ hattom, nug beɗuppa aab ele dayeye, uug naunab nuhigppa te, padal meum.’ Da Yawe, da anam aakku attem,” awa aum.

Lewitikas 20:24

Amge, wan ahilag, wan amuam enanag, wan ittag ele, amuppa ee meu huana otte amu, da wan amu madappi, ag aoglagnu nai ain qakkami, wan amuam ag aulag daakku. Da am Yawe, ahilag Kayak. Da aakku, ag danab laa oh oolagppanu ag danab ah laa daaglagnu tituanadmi.

Duteronomi 7:7

Yawe Nug ahilagnu oo mauhom, Nug ag tituanattom, amge ag danab ah kuɗumnab, huu laa oh eɗattak, diig amunu Nug amu ii heum. Iitta! Ag am wanppan wan laa oh oolagppa ebqak nakoknab daaegeg, ⌊Nug amu heum⌋.