Duteronomi 13:3 - Nobonob Baibel

³ ag aib nuhig nai dooppig. Aɗinu? Yawe, ahilag Kayak, Nug ahilagnu ma anttak, ag nuhignu meulag ohppa, oolag ohppa ele oolag mauhttete, o iittate, Nug amu anidkkunu hette.

Duteronomi 13:3 Referans Kwoze

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

Sam 66:10

Am genab, O Kayak, na ma anttak ig mekkame. Ao, danab nug silwa babaitta epeɗia awak daakkunu uɗat hette, amubia ig enanag bekkunignu, na hee, uug ihinigppa beum.

Duteronomi 6:5

Ag Yawe, ahilag Kayak, ag nuhignu ag meulag ohppa, oolag ohppa, ahilag ɠagattag ohppa ele oolag mauhaɗ!

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

2 Tesalonaika 2:11

Ag doyak diig genabib uuppig amunu,, Kayak Nug heeb, laa nug hambuppualatta aut autanab aweb, ag hambuppuak amu oolagppa genab dooglag.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

1 Jon 4:4

O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

2 Korint 8:8

Da ami amuppa amu, da ag ɗo ii madattem. Iitta. Amge da danab laala ag uɗat pehettak hetteb ele andette, ag Korint ag aɗi heppeg ele anttena, da ahilag oo mauhak am keeke hamutai o iitta keeke genab eletai dookkul.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Eksodas 20:20

Ag anam appig, amge Moses nug ag amelagppa aum. “Iitta! Ag aib baɗappig. Aɗinu? Kayak Nug ag nuhig nai tabappeg nemanu hette. Ag nuhig ɠagattag okkai huanak ele anidna, ag nuhignu ebehilag oh bodoetta le meeb, ag hipunin ii hemananu, nug nuhig ɠagattag okkai huanak ele ippunadtte,” awa aum.

Ikki Danab 2:22

Yawe anam ha, amu Kanan danab, amu dilagppa, Nug he, Israel ag, ag mamelkad aɗi ag Yawe oɗe dim lamidna, nuhig ib genab dim lamidppig, ag amubia hekkulagte, o iittate ma anttak mattom.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

1 Samuel 26:19

O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.

1 King 13:19

Aakku Kayaknu propet Judanu, nug nai amu doya, nug ahe, propet kaino ele eɗuya, nug laugppa goya, ee, le ele mette laum.