Duteronomi 13:14 - Nobonob Baibel

¹⁴ Anam beeb, ag amunu dooglag dayeb amu, ag hettoɗiak okkai, elelenab hekkulagoitte. Ag hettoɗiak anam henan, danab amu ag genab kobol amu, Kayak Nug kobol amunu ooppa uuaknab dootte ele, ag kobol amu ag oolagppa heppig anidkkulag dayeb,

Duteronomi 13:14 Referans Kwoze

Duteronomi 17:4

am laa ag nug amu heum appeg dooglag dayeb, ag nug anam heumte, o iittate, ag amu hettoɗin autnanab aweg! Am nug genab, ooppa uuaknab doyaknu kobol amu laa, Israel oolagppa heum dayeb amu,

1 Timoti 5:19

Am danab laippu laa nug, “Ikki danab imu nug eheɗ heum,” ab amu, na amu aib doome. Aɗi heehe anttomnu mattiak danab aɗit o ewam ag anam appeg amu, na doye!

Jon 7:24

Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Duteronomi 10:18

Nug nai doya mala hettoɗia epeɗia elele mettak kobol dim lamittatta, nid ag mamelkad mauhppig, amu ah qab ele dilag nai epeɗiadtte. Nug wan laihnu danab ah ele, Nug amu dilagnu oo mauhak doya, ee madatta, lamen ele madatte.

Namba 35:30

Amu laa nug laa doyaya qeeb mauhkku dayeb, hettoɗiakppa aɗi heehe anttomnu mattiak danab ag aɗi anidppig hettoɗiak danab amelagppa appeg, laa nug genab anam heum dayeb amu, ag qe mauhak danab amu qeppeg mauhkku; amge danab aɗit, o iitta ewam, ag nug genab anam heum amelagppa anidppig daakkun daatte. Laippu anttom dayeb, amuam elele iitta.

Duteronomi 13:15

amu ag ahilkad qep elabppa, aab amu aqaknu ban heppeg, aab amuppan danab, ah, nid, doɗ ele oh ag Yawenuib nuhig pelemppa dayeg!

1 Samuel 1:16

Da oolppa uug naunab, ninig ele doottem, amunu na dahilnu, da am nahip maɗi ah amu, na dahilnu ‘Ah nau,’ aib dabmeme,” awa aum.

1 Samuel 2:12

Elkana, Hana ele aa goya aabppa daaeheh, Samuel nug Eli ele Silo appa daapiɗ. Aa anam daaeheh, Eli bekoɗ, aa onilah am Hopni, Pinias ele, aa mana mettak uɗat hepiɗ, amge aa am danab nau; aa Yawenu, “Nug am keeke hamu,” doopiɗ.