Duteronomi 13:11 - Nobonob Baibel

¹¹ Ag anam heppeg, Israel oh ag anam heppig doona, ag baɗan, auntai laa ag oolagppa kobol nau amu baula ii hema.

Duteronomi 13:11 Referans Kwoze

Duteronomi 19:20

Danab ah laa ag amunu doona, ag baɗan, baula hak nau amubia ii hemana.

Duteronomi 17:13

Ag anam heppeg, laa oh ag amu anidna, ag baɗan, enaen mak anam am ii hemana.

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

Prowerb 21:11

Haen awa awa qettak danab nug bu aotte amu, danab nug doyak ii awak ele, ag doyak dabmak ena ele aotteb; haen danab doyak dabmak ena ele ippunittak aotte amu, nug amuppa doyak ena aotte.

Prowerb 19:25

Na awa awa qettak danab bu eheɗ medakkut dayeb amu, laa doyak ii awak ele ag anidnana, ag eheɗ bemanu dabmak awa dabmak amu dim lamittaknu kobol doon aoglag; na danab diignu doyak tutukku ele daug batakkut dayeb amu, nug doyak ena, okkai ele aokku.

Duteronomi 13:12

Wan umu, Yawe, ahilag Kayak, Nug ag wan amu madakkunu hette amu, ag wan amu aon daanna, deɗ laa ag ahilkad aab laappanu danab laala, ag ag oolagppa daan, nau hetteb ele amu, ag lailkad aab amuppanu ag kayak hambuppuak, ag ii doyadtteb elenu amelagppa, “Doppeg, ig kayak laa noolagppa dup nota binag metu!” appeg, aab amuppan danab ag danab amu oɗelag doon dim lamidppeg, danab nau amu hetteb ele, ag aakku aab amuppan danab ah ag Yawe uuidna, ib eheɗppa oiglagnu aakku heppeg anam oiglagtai.

Duteronomi 21:21

Aa anam apeɗ, danab oh aab amuppanu, ag menppa makkuɗppeg mauhkkuoitte. Kobol nau ag oolagppa daamanu, ag heppeg, aib dayom! Israel danab ah oh ag amu doona, ag baɗaglag.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Lewitikas 20:2

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug ag amelagppa inam aum.⌋ “Am Israel oolagppa, laa nug Israel ted, o wan laihnu danab, ag uɗin, ag oolagppa daatteb, am amu laatai, nug nid nuhig awa, mana mettak ha, Molek medakku dayeb amu, tamaniak ooppan danab ah ag nug menppa qeppeg mauhkkuoitte.

Namba 25:4

Israel ag anam heegeg, Yawe Nug ahilagnu oo huanak nauhe, Nug Moses amegppa aum. “Danab aun aɗi ag Peornu hambuppuak kayak Bal noobppa dup nona binag meppig ele amu, na amu dilag ikki danab oh diin aqappe mauheg! Aqan, danab ah oh anadkkulagnu gaɗalkad amu miagib amahlakppa, da Yawe, da noolppa aihatteg! Na anam heppe amu, da, Yawe, dahil oo nauhak huanaknab ele am iitta meeb, amu geha da Israel oh ii hadappi nauhmana,” awa aum.

Josua 7:25

Anam daye, Josua nug Aakan amegppa aum, “Na aɗinu ihinigppa uug aon uɗime? Yawe Nug gemu nahip-ppa uug mekku,” awa aum. Nug anam a, Israel ag Aakan, aria nuhignu ele menppa makkuɗattegeg mauheg, ag nug gaɗa, nuhignu ele manatteg eoppig.