Duteronomi 12:7 - Nobonob Baibel

⁷ Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

Duteronomi 12:7 Referans Kwoze

Duteronomi 12:18

Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!

Duteronomi 14:26

Am ag gona tena, Yawe noobppa daanna, ag aɗi ee, am makautai, sipsiptai, wain o le laa amubiatai, o keeke laala lanaknu daatte, amutai lakkulagnu oolag heeb amu, ag men doɗo amuppa daden meig! Ag anam hena, ag Yawe, ahilag Kayak, ag Nug noobppa daanna, ag hobul naɗi hena, ag baelkadppa ele gamag ahak daan hekkulag.

Lewitikas 23:40

Aria, hobul amu dayaknu haen, deɗ tatam amuppa amu, ag ad meu ena oppig ele amu aonna, ad pam eppeg okkuladnan, ad laala uɗug kuɗum ele eppeg matakkadnan, ad popla ele imuag peh maknu okkulatteg! Anam hewona, ag deɗ eblaih aɗit oh, Yawe, ahilag Kayak, ag Nug noobppa gamalag ahaɗ!

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!

Duteronomi 27:7

Ag amu hena, ag qaɗab amuppa laippu dayaknu ofa ele henana, ag doɗ manadna, Yawe, ahilag Kayak, ag Nug mettanna, ag Nug noobppa teppu amuppan ee hobul hena, gamag ahak ele ee laig!

Duteronomi 15:20

Iitta. Ag baelkadppa ele, ag doɗ amu Yawe, ahilag Kayak, ag Nug noobppa, maɗ anen anen oh aben Nug epeɗikku, ag amuppa daanna lakkulagoitte.

Duteronomi 14:23

Ag keeke obatak eblaih tanig ele ooppanu obatak laippu amu Yawe, ahilag Kayak, Nug ag aben Nug onig aguppa daakkunu epeɗikku amu, ag obatak amu aon, appa gona, amuppa ag Nug noobppa daanna lakkulag. Keeke obatak amuam: ee aeg, wain bau, olip goɗen, doɗ sipsip, meeme, makau ele nalkad ⌊dawai⌋ tatamnu, keeke amu oh. Ag Yawe, ahilag Kayak, ag hanhan nuhignu ebehilag oh bodoetta le mekkunu ippunittak aoglagnu amu, ag keeke obatak 10 ooppan, obatak laippu aon gona, anam hekkulag.

Aposel 2:46

Ag anam henan, ag oh oolag laippu daanna, deɗ oh Kayaknu mettid lakka gonana, Kayaknu nai dooppig. Amge ag laulkad anen anen oh oina, ag oo gamag ahak doonna, ag Kayak amegppa, “Ena hen mekkame,” anana, ee lappig.

Malakai 2:13

Imuam keeke laa ag danab ah Judanu, ag hetteb. Yawe Nug ahilag mana mettaknu ii dabmette, Nug amunu ena doya ag eppelagppanu ii aotte amunu, ag gaanna, mahinna, ag Yawenu qaɗab amelag lebppa haut-tteb.

Aisaia 23:18

Amge Tair nug men doɗo aokku oh, am geha nukka nuhig qagmeeb ii daama. Aɗinu? Geha keeke amu oh Yawe nuhig keeke daaglag. Amu Yawenu danab ah ag geha keeke oh Tair qagmekku amu aoglag. Aon am, geha ag ee kuɗumnab lakkulagnu ele daanna, geha ag lamen ena ena ele aon mekkulag.

Duteronomi 26:11

Na anam hewona, na Yawe, nahip Kayak, Nug keeke ena na mettomnu oo gamag ahak ele ee naɗi bappaidna lakkut. Lewi buɗub, amu wan laihnu danab ah, ag uɗin, ag oolagppa daatteb, ag ele ee lanak amuppa daaglagnu aib daut atiom.

Duteronomi 12:8

Gemu ig anen anen ig aɗi am tutukku anidta hettem, amge dimppa amu, anam ii daama.

Duteronomi 28:47

Yawe, ahilag Kayak, Nug ag keeke kuɗumnab matteb, ag haen amuppa Nug waappa daanna nuhig maɗi nid daaglagnu gamag ahak, yag bak ele ii dooglag dayeb amu,

Nehemaia 8:9

Esra nug nai amu ebqeeqe, danab, ah, nid daappig ele amu, ⌊ag ɗo nai doon, elele ii heppig anidna,⌋ ag oh gaappig. Ag gaappig amunu, Juda dilag gawana Nehemaia, mana mettak danab Esra, nug ele yaak danab amu, aria Lewi buɗubppan mana mettak danab iitta, ag danab ah nai amunu meu tutukku ippunadppig, ag ele, ag oh appig. “Imuam deɗ Yawe, ahilag Kayak, Nug amunu, nuhignu tituanak daatte anidtte. Ag aib mahippig, aib gaappig,” aon appig.

Eklisiastis 3:12

Amunu da doottem, danab nug wanppa dayaya, kobol ena haaha, gamag ahak dookkunu am ena. Keeke laa amu eɗittak laal ii daatte.

Eklisiastis 3:13

Baula anak am, danab ah oh ag ee, le ele lanana, ag aɗi uɗat Kayak ag mattom am henana, uɗat amunu ag oo hak dooglagnu am ena. Amuam Kayak danab oh, ahilag daakkunu hamu mette, Nug eppegppanu uɗitte.

Eklisiastis 5:18

Da amu oh antten amu, da aakku dabmak aomi. Dabmak amuam inam. Danab nug wanppa dayaya, nug ee, le ele lanana, nug uɗat aɗi heɗiag ele aam waappa haaha, amuppa oo hak dookku am ena. Nug haen tutu Kayak Nug wanppa bau daakkunu mettom amu, nug amu hekku. Kayak anam mettom amunu, nug anam hekku.

Joel 1:16

Ig anittutut, amenigppa ee ihinig nauhom. Ig Kayaknu mettid lag, amuppa gota, oo gamag ahak doognignu ib iitta meum.

Joel 2:26

Ag ee amu aon, ag elele labeppeg, oolag didikku. Oolag dittieb, ag da, Yawe, ahilag Kayak, da ag ehanadkkulnu uɗat ɠagattagnab ele hemi amu, ag uɗat amunu da onil humaglag. Ag am dahilad danab ah. Ag baula uɗa nak ii doomna; iitta.

1 Stori 29:22

Amu deɗ amuppa danab ag Yawe noobppa daanna, ag gamag ahak okkai doon, ag ee, le ele lappig. Amu ag deɗ amuppa ele Dawit bekka Solomon, nug king daakkunu baula anana, ag Yawe noobppa goɗen gokkaɗakppa tituanppig. Laa ele ag Sadok nug mana mettak danab daakkunu goɗen nug igippa gokkaɗppig.

Aisaia 62:9

Amu ag Juda, ag ee meu amu awona, ag lakkulag. Ag lanana, ag Yawe binag mekkulag. Ge, ag Juda, ag grep meu amu aona, dahil mettid lag, amuppa ag lakkulag.” Yawe Nug anam atte.

Esekiel 44:3

Israel dilag okkai, king, nugib aben imuppa uɗia, od lag ooppa Yawe noobppa dayaya, ee lakkunu elele, amge nug oo laa, oo amu onig am Entrans Oo, nug oo amuppaib daakku. Nug appa ukka, ib uɗiomppaib eɗua gokku,” awa aum.