Biblia Todo Logo
Bib sou entènèt

- Piblisite -




Duteronomi 12:5 - Nobonob Baibel

5 Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Gade chapit la Kopi




Duteronomi 12:5
50 Referans Kwoze  

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.


na aun, na ee tatam oɗuttenu laala, ee amuam wan Yawe, ahilag Kayak, madakkunu hette, amuppan awak amu, na ee amu aon, kalegppa inan aon, Yawe, ahilag Kayak, Nug aben Nug onig aguppa daakkunu epeɗikku amu, na amuppa ukke!


Amu tuqanppa Yawe Nug eɗua, Solomon toppa na, nug amegppa inam aum. “Da nahip unuqittak doye, da lag imu, ⌊na dahilnu buume amu,⌋ da lag amu danab ah amuppa doɗ manan da meɗaglagnu tituanmi.


Ag Yawe, ahilag Kayak, ag Nug binag mekkulagnu Pasowa Hobulnu doɗ laala mana, Nug mettaglagnu amu, ag makaute, o sipsipte, o meemete, ag amuppa mana mettak amu hekkulag. Am ag mana mettak amu hekkulagnu amu, ag aben Yawe, Nug onig appa daakkunu aben epeɗikku, ag amuppa hekkulagoitte.


Amu na mettid lag imu, na, ‘Da heppi, da onil am lag amuppa daakku,’ ame amu, na deɗ oh na amen am tuqan, amun ele uɗiebeb, lag imu anidkkutnu da ool daatte. Da ool anam daattenu diig am, haen da, nahip maɗi nid, da na unuqidkkulnu hein, da neegppi, lag imuppa uɗieb unuqidppi, geha na dahil unuqittak dookkut.


Nug Israel dilag huu okkai amu ii tituanom. Iitta. Nug Israel dilag huu okkai Juda epeɗiom. Nug qauko Sion, ⌊qauko amuam Juda wanppa daatte,⌋ Nug qauko amunu oo mauhtte amu, Nug qauko amu tituanom.


Am ag mauhnoak aben laalappa, manaknu ofa manadmananu dabmena autna aweg!


Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.


Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.


Yawe Nug nai ana qakkom amu, nuhig nai qakkak amu, nug aum bia gemu oh iikku be, da mamel Dawit amu, da nug abenabppa gemu da ag Israel, da ahilag king daattem; Yawe Nug nai qakka aum amubia. Amu da Yawe, ig Israel, ihinig Kayak, da mettid lag Nug onig amuppa daakkunu aakku buumi.


Nug da mamel Dawit amegppa inam aum. ‘Haen da dahilad danab ah Israel, ag Isipnu diie uɗimi, haen amuppanu uɗie, gemu batak, da Israel dilag huu okkai oh oolagppa aab okkai laa, amuppa ag mettid lag laa, da onil amuppa daakkunu hekkulagnu amu laa ii tituanmi. Amge Dawit na amu, na dahilad danab ah gumadkkutnu da na tituanidmi,’ awa aum.


Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.


Anam heppig dimppa, haen Moses nug mettid haknu peh lag danab ah appa qagmetteb ele, nug peh amu ooppa, Yawe ele nai mattiglahnu nottom amu, nug Yawe baag doottom. Amu Tituanak Nainu Kunup kontrak inak ele mettid haknu peh lag ooppa aben gunnab, appa dayom. Tituanak Nainu Kunup amunu ameg amu golppa hak, amu ameg amuam eheɗ haknu nob nau tiigppa iitta me elele medatte ippunadtte. Tituanak Nainu Kunup amu ameg noob laih laih amu, engel okkai-kerubim aɗit dottolah hippaidya daattep amu, Yawe Nug aa gamalahppa daatte. Am Yawe Nug Moses amegppa nai mattiom amu, Nug baag am engel aɗit amu gamalahppanu uɗiom. Ib amuppa Yawe Nug Moses amegppa nai mattiom.


Amu Dawit nug aum. “Yawe Kayak laug am iguppanab daakkuoitte. Manaknu ofa haknu qaɗab, Israel danab ah ag amuppa doɗ manadna, Kayak mettaglag ele iguppa daakkuoitte,” awa aum.


Aria, Solomon bekka Rehoboam nug Juda dilag king dayom. Nug maɗ 41 dayaya, nug king ba dayom. Nug king ba, nug maɗ 17 Jerusalem appa king dayom. Yawe Nug Israel wanppanu, aab laa oh oolagppanu, Nug aab okkai Jerusalem appa Nug onig meeb daakkunu, aab amu tituanom. Rehoboam anig am Amon wanppanu ah onig Namah.


Amu dimppa, Israel danab oh ag Silo appa qagmena, ag appa mettid haknu peh lag danab ah appa qagmetteb ele, ag lag amu qabappig. Israel ag Kanan danab eɗadna, gemu ag wan amu guman daappig, ⌊amunu Kanan danab, ag Israel ele ban baula haknu dab-ii-meppig⌋,


Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.


amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.


Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.


Amu da eɗue neekke amu, Sipsip Nag Sion qaukoppa hibaitta dayeye, danab ah 144,000 Nug ele daappig anidmi. Nug onig, amu Nug Mameg onig ele ag uɗalkadppa yaak daapiɗ.


Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.


Am ag aib Yawe, ahilag Kayak, ag Nug noobppa dup nona binag mena, danab appanu ag ahilag kayak noolagppa dup nona binalag metteb bia heppig.


Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!


Ag keeke obatak eblaih tanig ele ooppanu obatak laippu amu Yawe, ahilag Kayak, Nug ag aben Nug onig aguppa daakkunu epeɗikku amu, ag obatak amu aon, appa gona, amuppa ag Nug noobppa daanna lakkulag. Keeke obatak amuam: ee aeg, wain bau, olip goɗen, doɗ sipsip, meeme, makau ele nalkad ⌊dawai⌋ tatamnu, keeke amu oh. Ag Yawe, ahilag Kayak, ag hanhan nuhignu ebehilag oh bodoetta le mekkunu ippunittak aoglagnu amu, ag keeke obatak 10 ooppan, obatak laippu aon gona, anam hekkulag.


Amu aben Yawe, ahilag Kayak, Nug onig aguppa daakkunu epeɗikku amu, aben amuam ag appalkad guguittak iitai daakku. Ele amu Yawe, ahilag Kayak, Nug ag itatteb, ag keekenu meu huanak aoglagtai. Anam bekku dayeb, diig amunu ag keeke amunu obatak laippu mawadna, appa gokkulagnu uma daye, ag keeke amu mawadna gokkulagnu elele iitta daatte dayeb,


Iitta. Ag baelkadppa ele, ag doɗ amu Yawe, ahilag Kayak, ag Nug noobppa, maɗ anen anen oh aben Nug epeɗikku, ag amuppa daanna lakkulagoitte.


Yawe, ahilag Kayak, Nug aben Nug onig aguppa daakkunu epeɗikku, amuppa ag Pasowanu sipsip amu aqappeg mauhkkulagoitte. Ag appa, haen aam nokkunu heehe, ag Isip uuppig, kalam deɗ amuppanab, ag aqappeg mauhkkulagoitte.


Amu hettoɗiakppa nai laa aheb, babaittaknu uug ele, ag aabppa hekkulagnu elele iitta dooglag dayeb amu, ag aon, aben Yawe, ahilag Kayak, Nug epeɗikku, ag amuppa ukkeg! Nai amuam laa nug layag qeum, o makkuɗe, guittak awom, o nai laa babaittaknu uug ele.


haen Israel oh ag Yawe, ahilag Kayak, ag Nug noobppa aben Nug epeɗikku, amuppa ag qagmena daappeg amu, ag ɗo imu Israel danab ah amelagppa ebqeppeg dooglagoitte.


Ag qaɗab naɗi amu qeeg, haen Israel danab ah laa oh ag danab amu ag Kanan wanppa, Gelilot appa, Jodan lenu laih qaban uɗitteppanu, Jodan le guguittak qaɗab naɗi qeppig doona,


Ag qagmena, haen amuppa Josadak bekka Jesua, mana mettak danab laala ele, amu Sealtiel bekka Serubabel, nug laikkud laala ele, ag qaɗabppa manaknu ofa, Kayaknu uɗat danab Moses ɗo naippa yom bia hekkulagnu, ag digmena, Israel dilag Kayaknu qaɗab qeppig.


Amu king laa nug, o huu laa ag dahil ɗo nakok laa eɗukkunu heppeg, o ag Kayaknu mettid lag Jerusalem daatte, Kayak Nug he, Nug onig appa daatte amu, ag lag amu heppeg nauhkunu heppeg, Kayak Nug heeb, ag nauhkkulagnu ool daatte. Da Darius, da ɗo imu iikku memi daatte. Danab oh ag yagbak doon, dim lamidna heppeg, meu oaɗ!” King Darius nug nai amu me, Tatenai, Setar Bosenai amu ahilti ehanittak ele, ahilagppa ukkom.


Na amu aon gona, Jerusalem appa na men doɗo amuppa makau dawai, sipsip dawai, sipsip gaiɗ ele daden mena, doɗ amu manadna, Kayak mettaknu mana mettak haknu ee aegnu ofa hekkutnu daatte, aria wain gokkaɗaknu ofa ele hekkutnu daatte ele, na ee aeg, wain amu ele daden mena, na nahip Kayaknu mettid lag, Jerusalem appa daatte, na amunu qaɗabppa manadna, Kayak mette!


Ag heppig amunu, da Silo appa hemi, da amubia iguppa dahil mettid lag, da amuppa hekkul. Lag amuppa amu, da onil aakku daatte; lag amu ag oolagppa daatte amunu, ag atteb. ‘Yawe heeb, ig padal ii memata,’ aon atteb. Amge da Silo appa hemi, da amubia aben imuppa, aben da ag mamelkad aɗi dilag daakkunu mattami amu, da imuppa ele hekkul.


Nug da amelppa inam aum. “Jeremaia, na ahan, da, Yawe, da laulppa Israel danab dilag haɗap-ppa daanna, na danab ah Juda aab anen anennu uɗin, ag da Yawe, ag da laulppa da noolppa dup nona binal mekkulagnu uɗitteb ele amelagppa da na aɗi nai na amenppa akkutnunab attem amu, na amu madippe doyeg! Na nai da ippunidkkul amu, na nai amu huppu nakok laa aibnab tippalme.


amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.


Ag sipsip amu aben Yawe, ahilag Kayak, Nug epeɗikku, ag amuppa main lakkulag. Ag anam hewona, buttua amu, ag eɗun gona ahilkad pehppa daaglag.


Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.


Yawe, ahilag Kayak, Nug ag ee kuɗum matta, ahilag uɗat ele itidkku amunu, ag deɗ eblaih aɗit ele amu oh aben Nug epeɗikku, amuppa ag Yawe, ahilag Kayak, ag Nug binag mekkulagnu, ag hobul amu gamag ahak ele hekkulag. Nug anam itattebeb, ag gamag ahak okkai dooglag.


Lewi buɗub laa nug amunu oo heeb, nug aab Israel ooppa daatteb, nug amuppanu aha, Yawe aben epeɗikkuppa ukka, aguppa daakku. Nug amu hekku am nai iitta.


Gemu haen oh ag Jerusalem appa, Yawenu mettid lag, amuppa mana mettak hekkulagnu aakku gotteb amunu, ag anam gona gona, geha ag ahilag dabmak eɗueb, ag ahan, Juda dilag king Rehoboam waappa daaglag. Ag da iuppeg mauhppi, ag nug waappa gona daaglag.” Nug anam dabmeum.


Amu Asiria dilag ban daup ikki banppa o ban guguittakppa daatte, nug anam awowa, nug nai tuɗitta aum. “Amu ag inam da amelppa akkulagtai. ‘Ig Yawe, Nug am ihinig Kayak, ig Nug ehanigkkunu dabmettem.’ Ag anam akkulagtai, amge Hesekaia nug ag Juda danab ah oh, laa Jerusalemnu, laa Juda wanppa laih laihnu amu, nug ag amelagppa, ‘Ag qaɗab laippu, Jerusalem iikku daatte, qaɗab amuppa aakkuib ag Yawe noobppa dup nona binag mekkulag; laa ohppa am iitta,’ awa ana he, ag Kayak amunu qaɗab, nuhig aabaabppanu mettid lag nakok ele amu, ag amu iite hatteg nauhppig?” awa aum.


amge ag eɗun, dahilppa dona, dahil haknunab anak dim lamidkkulag dayeb, kekeɗ ag heppeg, ag diia ukka laih me dayak danab ah wan batakppa gona daaglagnu dayeb amu, appanu ele da diiatten uɗien, wan da onil aguppa meppi daakkunu tituanmi ele amu, da aguppa maadppi daaglag.’ Na anam ame.


Yawe Nug atte. “Ag ahan, Silo gona, Israel danab ah ag nau hak huanak heppig amunu, da Silo appa diig amunu hei nauhom amu, ag neegna antteg!


Swiv nou:

Piblisite


Piblisite