Duteronomi 12:25 - Nobonob Baibel

²⁵ Am keeke oh ahilagnu, ahilkad nid naunau dilagnu ele, ena gokkunu amu, ag aib tiig lappig. Ag amu hekkulag dayeb amu, keeke oh ahilagppa ena gokkunu diig am, ag Yawe, Nug nuhig neekkakppa aɗi am tutukku, ag amubianab hekkulag.

Duteronomi 12:25 Referans Kwoze

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

1 King 11:38

Am na geha dahil haknunab nai oh dim lamidna, ib ena da tituanmi, amuppa na oinna, na ɗo nai oh, haknunab nai dahil ele dim lamidnana, amuppa na kobol oh dahil neekkakppa am ena ele heppe, dahil maɗi nid Dawit heum amubia, am da na ele daaɗa, da na ehanidkkul. Da heppi, na Israel dilag king daakkut. Am haen oh geha, da heppi, na buɗunad oolagppanu laala ag ahilag haen anen anenppa ag geha king daaglag. Da Dawitnu hemi amubia heinne, Israel medappi gumadkkut.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Duteronomi 13:18

Ag Yawe, ahilag Kayak, ag Nug oɗe doon, ag nuhig haknunab anak da gemu attem am dim lamidnana, ag Nug oo hette, ag kobol tutukku amu dim lamidkkulag dayeb amu, diig amunu Yawe Nug ahilagnu oo gai-iitta doya oo metta ehanatta heeb, ag danab ah kuɗum daaglag.

Duteronomi 6:18

Am ahilagppa ena, elele ba daakkunu amu, ag Yawe noobppa kobol tutukku, kobol ena ele hena, amu ag Yawe Nug wan ena, ag mamelkad aɗi madakkunu nuhig nai ɠagattag qetta aum eleppa nona aon daaglag.

Esekiel 33:25

Ag anam atteb amunu, na ag amelagppa, ‘Naɗi Yawe Nug inam atte,’ awona, na imu ele appe doyeg! ‘Ag doɗ teppu tiig ele latteb, ag kayak hambuppuak dottolkad binalag metteb, amu ag lailkad ele aqaeg mauhtteb amunu, ag wan imu ahilag daakkunu genab eɗun aon daaglagte? Iitta!

Eklisiastis 2:26

Amunu diig am, Kayak Nug doyak dabmak ena ele, doyak ena, amu oo gamag ahak ele danab ag Nug waappa daanna, dim lamidtteb ele, ag madatte, amge Nug he, hipunin danab ag en ahilag danab ena amu mattaglagnu uɗat ge iitta henana, keeke aon qagmekkulagnu hetteb. Amu oh gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia aakku daatte.

Sam 112:2

Danab amu bekkod ag geha onilag okkai ele ihinig wanppa daaglag. Yo, Yawe Nug geha danab amu, nug genab tutukku hak danab amu, Nug nug buɗub itadkku.

Duteronomi 12:28

Amu ahilagppa, ahilkad nid dilagppa ele ena, elele ba daakkunu amu, ag haknunab anak amu tutukku dabmettan dim lamitteg! Ag anam hekkulag dayeb amu, keeke oh ahilagppa ena gokku. Am ena gokkunu diig am, ag Yawe, ahilag Kayak, ag Nug nuhig neekkakppa aɗi am ena, aɗi am tutukku amu, ag amubianab hekkulag.

Duteronomi 5:16

Na da Yawe, da haknunab nai mattami bia, na mamen, anin ele binalah mate! Ge! Na wan laappa, da Yawe, nahip Kayak, da na medakkulnu hettem amu, na appa haen elab daakkutnu, nahip-ppa ena elele ba daakkunu amu, na anam hekkut.

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 12:24

Ag aib tiig lappig. Iitta! Ag tiig am le bia wanppa gokkaɗkkulagoitte.

Eklisiastis 8:12

Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.

Duteronomi 21:9

Ag amu hekkulag amu, ib amuppa laa beɗuppa aab iittanu qe mauhaknu aab, am ahilagppa ii daama. Aɗinu? Ag Yawenu neekkakppa kobol tutukku aakku hekkulag.