Duteronomi 12:23 - Nobonob Baibel

²³ Amge bauklel am tiigppa daatte amunu, ag aib tiig lappig. Ag teppu tiig ele ii lakkulagoitte.

Duteronomi 12:23 Referans Kwoze

Lewitikas 17:11

Aɗinu? Keeke oh bau daatteb ele amu, ag tiigppa bau daatteb. Qaɗabppa amu, mana mettak danab nug heeb, ahilag eheɗ haknu nob nau tiigppa iitta meeb elele medakkunu hette amunu, da ag eheɗ haknu nob nau tiigppa iitta meeb elele medakkunu hekkulagnu tiig ag mattami.

Genesis 9:4

amge ag doɗ teppu tiig ele, bau am tiigppa daatte amu, ag amu lakkulagnu elele iitta.

Duteronomi 12:16

Ii lanaknu daatte amu tiig aakkuib. Ag tiig amu le bia gokkaɗppeg wanppa ukkaɗ!

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Lewitikas 7:26

Ag adeppa adeppa daatteb ele amu, appa ag ai tiilag, o doɗ tiilag iinab lakkulagoitte.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

Duteronomi 12:22

Aun laa, nug Kayak ele ouqa dayaknu elele, o elele iitta amu, nug teppu amu lakkunu elele. Ag gasel, amu dia eleppa hetteb, anamnab hekkulag.

Duteronomi 12:24

Ag aib tiig lappig. Iitta! Ag tiig am le bia wanppa gokkaɗkkulagoitte.

Duteronomi 15:23

Amge ag tiig amu aib lappig. Tiig am, ag le bia wanppa gokkaɗppeg ukkaɗ!

1 Samuel 14:32

Ag beɗulag gai-iitta me, enug eheɗ ele aqom amunu, ⌊deɗ amu male, ag Saulnu nai ɠagattag, nuhig haen am aakku iitta me,⌋ Israel daup ag dabmak pehettak iitta eleppa sipsip, makau okkai, makau nakok ele kekeɗ dilagppa diippig amu, ag amu diin aqana, mauhnoak wanppa tuqan, teppu tiig ele lappig.

1 Samuel 14:33

Ag anam heegeg, laa ag Saul amegppa appig. “Antte! Danab ag teppu umu tiig ele latteb amunu, amuppa ag Yawenu ɗo tippalna, hipunin hetteb,” aon appig. Ag anam aeg, Saul nug nai amu doya, nug aum. “Ag genab Kayak nai dim lamidkkulagnu aakku uuppig!” awa aum. Nug anam anana amu, nug nai tuɗitta aum. “Ag paha men okkai laa duttunppeg, itoɗia teebeb, duttunppeg itoɗia neebeb uɗiaɗ!” awa aum.

Esekiel 33:25

Ag anam atteb amunu, na ag amelagppa, ‘Naɗi Yawe Nug inam atte,’ awona, na imu ele appe doyeg! ‘Ag doɗ teppu tiig ele latteb, ag kayak hambuppuak dottolkad binalag metteb, amu ag lailkad ele aqaeg mauhtteb amunu, ag wan imu ahilag daakkunu genab eɗun aon daaglagte? Iitta!