Duteronomi 12:17 - Nobonob Baibel

¹⁷ Amge ag mana mettak haknu keeke laa ele amu laulkadppa ii lakkulagoitte. Amuam, ag ee aeg, wain bau, olip goɗen bau ele obatak eblaih tanig ele ooppanu obatak laippu am Kayak mettak, aria makau ⌊dawai⌋ tatamnu, sipsip ⌊dawai⌋ tatamnu, meeme ⌊dawai⌋ tatamnu ele, amu nai genab ana qakkaknu ofa, ɗo hamu mettaknu ofa, amu keeke ag Kayak ɗo hamu mettaglagnu dabmetteb ele amu, ag amu oh ag laulkadppa ii lakkulagoitte.

Duteronomi 12:17 Referans Kwoze

Duteronomi 26:14

Da mahiakppa dayeye amu, da obatak 10 ooppanu, obatak laippunu ee laa ii lami; da Kayak ele ouqa dayaknu elele iitta haenppa keeke laa ii lauɗidmi; mauhakppa iinab mei waum. Da na, Yawe, ihinig Kayak, da na oɗen dim lamitte, na keeke ohnu, haknunab anak nai ig mekkame amu, da hemi.

Duteronomi 12:6

Am Yawe Nug aben laa ag Nug noobppa dup nona binag mekkulagnu ippuanatteb amu, ag manaknu ofa, mana mettak laala, keeke obatak eblaih tanig ele ooppanu obatak laippu Kayak mettak, keeke Kayak hamu ɗo mettak, nai genab ana qakkaknu ofa, amu laippu dayaknu ofa, makau, amu sipsip ele nalkad ⌊dawai⌋ tatamnu ele oh, ag aben amuppa Yawenu akkan wakkulag.

Duteronomi 26:12

Maɗ ohppa na nahip keh ohnu obatak eblaih tanig ele ooppanu obatak laippu Yawe medakkutoitte, amge maɗ ewam awebeb amu, na amu hewona, na keeke obatak eblaih tanig ele ooppanu obatak laippu amu Lewi buɗubppan mana mettak danab iitta, wan laihnu danab ah, nid mamelkad mauhppig, amu ah qab ele madappeg, ag ee elele aab amuppa daanna lakkulagnu elele daaglagoitte.

Duteronomi 12:26

Yawe Nug aben tituana ab, ag amuppa ag keeke Kayaknu tituanna medappig, ag ahilag nai genab ana qakkaknu ofa ele, ag amu oh aon, appa wakkulag.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

1 Korint 10:18

Israel buɗub, danab amu ag hetteb, ag amu dabmekkulag. Israel ag doɗ main Kayak medatteb amu, ag amunu laih lanana, ag qaɗabppanu laih amu iite aotteb?

1 Samuel 1:4

Am Elkana nug haen oh anam heum amunu, maɗ anen anen nug anam haaha, doɗ mana, Kayak medakkunu maɗ anen anenppa deɗ amu uɗie, nug deɗ amuppa nug nuhig teppu maha ⌊mana mettak danab eppegppanu awa, nug teppu amu⌋ awa ukka tuqe, maha kuɗum ne, nug paniom. Nug wau Penina, nuhikkud nid ele maha laippu anen anen madattom,

2 Stori 31:14

Ag amu heegeg, Imna bekka Kore, nug Lewi buɗubppan mana mettak danab iitta, ag oolagppanu, nug Yawenu mettid lagnu aɗ od kaɗag uɗitteppanu daattenu gumak okkai amu, nug Israel danab ah ɗo hamu mettaknu ofa aon uɗin, amu keeke Israel danab ah ag Yawenu daakkunu tituanna, Nug medappig ele aon uɗippig, nug amu oh gumaama, nug keeke amu oh mana mettak danab, amu Lewi buɗubppan mana mettak danab iitta, ag ele, nug ahilagnu otiatta mattom.