Duteronomi 12:14 - Nobonob Baibel

¹⁴ Am ag mana mettak hekkulagnu amu, ag aben Yawe, Nug ahilag huu okkai laa ooppa aben Nug epeɗikku ele, ag amuppaib hekkulagnu daatte. Aben amuppa ag manaknu ofa henana, ag keeke oh haknunab anak da attem amu hekkulagoitte.

Duteronomi 12:14 Referans Kwoze

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

Duteronomi 12:11

ag keeke oh da ag haknunab attem amu, ag amu oh akkan, Yawe, ahilag Kayak, Nug onig aguppa daakkunu aben epeɗikku ele, ag amuppa wakkulagoitte. Keeke amuam inam: manaknu ofa, mana mettak laala ele, keeke obatak eblaih tanig ele ooppanu obatak laippu Kayak mettak, Kayak hamu ɗo mettak, aria aɗi keeke ena ena ag nai genab ana qakkaknu ofa hekkulagnu appig ele.

Duteronomi 12:5

Iitta! Ag Yawe, ahilag Kayak, ag Nug gumidna gona, Nug noobppa dup nona binag mekkulagnu, Nug Israel ooppa aben adekku, Israel dilag huu okkai attenppa, Nug onig aguppa daakkunu, ag amuppa Nug noobppa dup nona binag mekkulagnu tituankku, ag amuppa gona heig! Ag mauhnoak aben laalappa ii hemana.

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Sam 9:11

Yawe, Nug danab ag laa makkuɗadtteb ele, Nug ag eheɗ heppignu nob tutukku madatte amu, Nug kobol nau ag hetteb ele, Nug amu daug ii atitte. Ao, Nug laa ag gai-iitta daan, laa waalagppa eheɗ daan, Nug ehanadkkunu gaatteb amu, Nug ag ii guhuɗadtte amunu, ag Yawe, Nug Sion dayaya, danab ah gumadtte ele amu, ag nuhignu, Nug binag maknu ahi laa etteg! Ao, ag Nug keeke heumnu wanppan wan ohnu danab ah oh appeg doyeg!

Sam 5:7

Na oo mauhaknab kobol dim lamidttem amunu, da na lautppa wakkulnu elele. Da nahipnu ebehil oh bodoetta le me doyen, nahip mettid lag nahipnu tituanak daatte ele, da amu neekkitten, da dup noin binan mekkul.

Duteronomi 12:13

Am ag mauhnoak aben laalappa, manaknu ofa manadmananu dabmena autna aweg!

Duteronomi 12:15

Amge ag aab naunau attenppa doɗ teppu awaknu doɗ baalag otaɗadppeg mauhppeg tuqaglagnu am nai iitta. Ag gemu gasel, amu dia eleppa hetteb bianab hekkulag. Yawe, ahilag Kayak, Nug ag doɗ lanaknu gane madatte amu, ag am oh lakkulagnu elele. Kayak ele ouqa dayaknu elele, o ouqa dayaknu elele iitta, me ag aakku lakkulag.

1 King 12:27

Gemu haen oh ag Jerusalem appa, Yawenu mettid lag, amuppa mana mettak hekkulagnu aakku gotteb amunu, ag anam gona gona, geha ag ahilag dabmak eɗueb, ag ahan, Juda dilag king Rehoboam waappa daaglag. Ag da iuppeg mauhppi, ag nug waappa gona daaglag.” Nug anam dabmeum.

Lewitikas 17:3

‘Am Israel ted laa nug makau dawai ebehi ele, o sipsip nag, o meeme mana, Kayak medakkunu haaha, nug Israel dilag haen tutu dayaknu aab kalak ooppa, o dimittim amu hekku dayeb,

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Duteronomi 12:18

Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!

Duteronomi 14:23

Ag keeke obatak eblaih tanig ele ooppanu obatak laippu amu Yawe, ahilag Kayak, Nug ag aben Nug onig aguppa daakkunu epeɗikku amu, ag obatak amu aon, appa gona, amuppa ag Nug noobppa daanna lakkulag. Keeke obatak amuam: ee aeg, wain bau, olip goɗen, doɗ sipsip, meeme, makau ele nalkad ⌊dawai⌋ tatamnu, keeke amu oh. Ag Yawe, ahilag Kayak, ag hanhan nuhignu ebehilag oh bodoetta le mekkunu ippunittak aoglagnu amu, ag keeke obatak 10 ooppan, obatak laippu aon gona, anam hekkulag.

Duteronomi 15:20

Iitta. Ag baelkadppa ele, ag doɗ amu Yawe, ahilag Kayak, ag Nug noobppa, maɗ anen anen oh aben Nug epeɗikku, ag amuppa daanna lakkulagoitte.

Duteronomi 16:2

Ag Yawe, ahilag Kayak, ag Nug binag mekkulagnu Pasowa Hobulnu doɗ laala mana, Nug mettaglagnu amu, ag makaute, o sipsipte, o meemete, ag amuppa mana mettak amu hekkulag. Am ag mana mettak amu hekkulagnu amu, ag aben Yawe, Nug onig appa daakkunu aben epeɗikku, ag amuppa hekkulagoitte.

Duteronomi 17:8

Amu hettoɗiakppa nai laa aheb, babaittaknu uug ele, ag aabppa hekkulagnu elele iitta dooglag dayeb amu, ag aon, aben Yawe, ahilag Kayak, Nug epeɗikku, ag amuppa ukkeg! Nai amuam laa nug layag qeum, o makkuɗe, guittak awom, o nai laa babaittaknu uug ele.

Duteronomi 18:6

Lewi buɗub laa nug amunu oo heeb, nug aab Israel ooppa daatteb, nug amuppanu aha, Yawe aben epeɗikkuppa ukka, aguppa daakku. Nug amu hekku am nai iitta.

Duteronomi 31:11

haen Israel oh ag Yawe, ahilag Kayak, ag Nug noobppa aben Nug epeɗikku, amuppa ag qagmena daappeg amu, ag ɗo imu Israel danab ah amelagppa ebqeppeg dooglagoitte.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.

Josua 22:29

Ig ikka ig manaknu ofanu, o ee aegnu ofa, o mana mettak laala haknu ig ihinig qaɗab laa buuta, Yawe uut, Nug oɗe tabapput nekkunu, o Nug dimettagnignu amu, ig uuaknab doottem. Qaɗab laippuib, Yawe, ihinig Kayak, Nug noobppa mettid haknu peh lag odppa daatte amu, qaɗab amuppaib amu haknu aakkuib daatte,” aon appig.

1 King 8:29

Amu na mettid lag imu, na, ‘Da heppi, da onil am lag amuppa daakku,’ ame amu, na deɗ oh na amen am tuqan, amun ele uɗiebeb, lag imu anidkkutnu da ool daatte. Da ool anam daattenu diig am, haen da, nahip maɗi nid, da na unuqidkkulnu hein, da neegppi, lag imuppa uɗieb unuqidppi, geha na dahil unuqittak dookkut.

2 King 18:22

Amu Asiria dilag ban daup ikki banppa o ban guguittakppa daatte, nug anam awowa, nug nai tuɗitta aum. “Amu ag inam da amelppa akkulagtai. ‘Ig Yawe, Nug am ihinig Kayak, ig Nug ehanigkkunu dabmettem.’ Ag anam akkulagtai, amge Hesekaia nug ag Juda danab ah oh, laa Jerusalemnu, laa Juda wanppa laih laihnu amu, nug ag amelagppa, ‘Ag qaɗab laippu, Jerusalem iikku daatte, qaɗab amuppa aakkuib ag Yawe noobppa dup nona binag mekkulag; laa ohppa am iitta,’ awa ana he, ag Kayak amunu qaɗab, nuhig aabaabppanu mettid lag nakok ele amu, ag amu iite hatteg nauhppig?” awa aum.

1 Stori 22:1

Amu Dawit nug aum. “Yawe Kayak laug am iguppanab daakkuoitte. Manaknu ofa haknu qaɗab, Israel danab ah ag amuppa doɗ manadna, Kayak mettaglag ele iguppa daakkuoitte,” awa aum.