Duteronomi 12:12 - Nobonob Baibel

¹² Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Duteronomi 12:12 Referans Kwoze

Duteronomi 12:7

Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

Duteronomi 26:12

Maɗ ohppa na nahip keh ohnu obatak eblaih tanig ele ooppanu obatak laippu Yawe medakkutoitte, amge maɗ ewam awebeb amu, na amu hewona, na keeke obatak eblaih tanig ele ooppanu obatak laippu amu Lewi buɗubppan mana mettak danab iitta, wan laihnu danab ah, nid mamelkad mauhppig, amu ah qab ele madappeg, ag ee elele aab amuppa daanna lakkulagnu elele daaglagoitte.

Duteronomi 10:9

Diig amunu Israel dilag huu okkai oolagppa, Lewi buɗub ag wan laa ag aulag daakkunu ii mattak. Yawe, ahilag Kayak, Nug anam haknu aum bia, Nug nukka am ag aulag bia daatte.

Duteronomi 14:29

Amu Lewi buɗub, ag aulag wan iitta ele, ag oolagppa daatteb, aria danab ag wan laihnu danab daatteb, nid ag mamelkad mauhppig daatteb, amu ah qab ag appalkadppa daatteb, ag ele oh uɗin daan, ag lappeg, oolag aɗakkunu, ag ee amu bakkalen lakka mekkulag. Ag anam heppeg, Yawe, ahilag Kayak, Nug ag aɗi hekkulag am itidkku.

Duteronomi 12:19

Am ag ahilag wanppa daanna, ag Lewi buɗub dilag daulag atimanu, ag dabmena autna aweg!

Sam 147:1

Ag Yawe binag meig! Aɗinu? Ig Kayak ihinignu binag maknu ahi ettaladkkunig amu, amuam ena! Ge! Ig nuhignu binag maknu ahi ettaladkkunig amu, amuam enanagnab, tutukku ele.

2 Stori 29:36

Hesekaia, danab ah oh ele ag eɗun, Yawe waappa daaglagnu dabmeppig, ag Nug laugppa amu hena, Nug laugppa doɗ manadna, Nug medappig amu, ag keeke amu oh paha heppig, ag qinonob ii heppig amunu, Kayak ehanatte, ag amu heppignu gamag ahak okkai dooppig.

1 King 8:66

Amu deɗ amu ukka male, deɗ amu dimugppa wagɗe, deɗ amuppa, Solomon nug he, danab ah amu ag oh eɗun, appan appan goppig. Ge, danab ah ag king itittak ena mettona, ag Yawe Nug nuhig maɗi nid Dawit, nuhignu, amu nuhikkud danab ah, ag Israel danab ah amu, Nug ag oh ahilagnu ele keeke ena ohnu dabmenan, gamag ahak okkai doon goppig.

Josua 14:4

Nug wan laippu, ag oh aguppa daaglagnu ii mattom. Iitta. Nug ag aab, ag aguppa daaglagnu, amu aab amunu gikkiɗah dad okkai, ahilkad doɗ ag daanna gikkiɗah lakkulagnu ele mattom. Nug anam heumnu diig am, Israel dilag huu okkai Josepnu, huu amu obatak aɗit bepiɗ. Huu amu ag am Manase, Epraim ele ⌊amuppan Israel dilag huu okkai 12 wan aon daappig.⌋

Josua 13:33

Nug wan amu Israel dilag huu okkai laala, ag aulag daakkunu ag mattom, amge nug Israel dilag huu okkai Lewi wan laa, ag aulag daakkunu ii mattom. Nug ag wan laa ii mattomnu diig am, Yawe, Israel dilag Kayak, Nug ag nuhig uɗat hekkulagnu, amuppa ag ee keeke, ag aulag aakku, ag amu aoglagnu nai ana qakkom.

Namba 18:20

Yawe Nug Aron amegppa anam awowa, Nug tuɗitta aum. “Israel laa ag wan da ag madattem, ag appa ag aulag daakkunu wan laa aoglag, amge ag Lewi buɗub amu, ag wan amuppa wan laa, ag aulag daakkunu ii aomna. Israel laa, ag wan ag aulag daakkunu aoglag, amge ag Lewi buɗub, ag wan laa amubia ag oolagppa ii aomna. Iitta. Da, Yawe, da ahilagnu anambia daakkul.

Josua 13:14

Israel dilag huu okkai laa oh ag wan awak ele, amge Moses nug Israel dilag huu okkai Lewi, nug ag wan laa, ag aulag daakkunu, ii mattom. Aɗinu? Ag ahilag uɗat am, ag qaɗabppa, aab aɗunu ofa henana, doɗ manadna, Yawe, Israel dilag Kayak, ag Nug mettaglag amunu, mana mettak amu kuɗumppanu ag maha aoglag. Ag aoglag, amu amunu teppu keeke, amuppanu awak, Yawe Nug ag amu aoglagnu nai ana qakkom, aakku keeke amu oh am ag aulag.

Namba 18:26

“Na Lewi buɗubppan mana mettak danab iitta, na ag nai imu mattana, appe doyeg!” awa aum. ⌊Nug anam a amu, Moses Nug ag amelagppa inam aum.⌋ “Israel ag keeke laa, amuam ag Lewi buɗubppan mana mettak danab iitta, ag aulag bia, Yawe Nug ag mattom amu, ag amu madappeg, ag amunu obatak eblaih tanig ele ooppanu obatak laippu ofa daakkunu aon, Yawe mettaglagoitte.

Duteronomi 18:6

Lewi buɗub laa nug amunu oo heeb, nug aab Israel ooppa daatteb, nug amuppanu aha, Yawe aben epeɗikkuppa ukka, aguppa daakku. Nug amu hekku am nai iitta.

Duteronomi 16:14

Ag hobul henana, ag gamag ahak ele hekkulag. Ag baelkadppa, maɗi nid maɗi ah ele, Lewi buɗub, wan laihnu danab, aria nid ag mamelkad mauhppig, amu ah qab ele, ag appalkadppa daatteb ele, ag oh gamag ahak dooglag.

Duteronomi 16:11

Haen amuppa ag Yawe, ahilag Kayak, ag Nug aben Nug onig aguppa daakkunu epeɗikku amu, amuppa ag Nug noobppa gamag ahak ele Ee Tatam Oɗue Digma Awaknu hobul hekkulag. Ag, amu ag baelkadppa ele, ahilkad maɗi nid maɗi ah ele, Lewi buɗub aab naunau ooppa ag ele oh daatteb, wan laihnu danab, ag oolagppa daatteb, nid ag mamelkad mauhppig, ah qab, ag oolagppa daatteb oh ele, ag hobul amu gamag ahak ele hekkulag.

Jon 13:8

Awa a amu Pita aum. “Naɗi, na da bael iinab ihamna; gemu butti aɗi ele iinab ihamna,” awa aum. A am Jesus Nug aum. “Da na baen ii ihakkul dayeb amu, na dahil iitta,” awa aum.

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.

Duteronomi 12:18

Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!

Duteronomi 26:11

Na anam hewona, na Yawe, nahip Kayak, Nug keeke ena na mettomnu oo gamag ahak ele ee naɗi bappaidna lakkut. Lewi buɗub, amu wan laihnu danab ah, ag uɗin, ag oolagppa daatteb, ag ele ee lanak amuppa daaglagnu aib daut atiom.

Nehemaia 8:9

Esra nug nai amu ebqeeqe, danab, ah, nid daappig ele amu, ⌊ag ɗo nai doon, elele ii heppig anidna,⌋ ag oh gaappig. Ag gaappig amunu, Juda dilag gawana Nehemaia, mana mettak danab Esra, nug ele yaak danab amu, aria Lewi buɗubppan mana mettak danab iitta, ag danab ah nai amunu meu tutukku ippunadppig, ag ele, ag oh appig. “Imuam deɗ Yawe, ahilag Kayak, Nug amunu, nuhignu tituanak daatte anidtte. Ag aib mahippig, aib gaappig,” aon appig.

Lewitikas 23:40

Aria, hobul amu dayaknu haen, deɗ tatam amuppa amu, ag ad meu ena oppig ele amu aonna, ad pam eppeg okkuladnan, ad laala uɗug kuɗum ele eppeg matakkadnan, ad popla ele imuag peh maknu okkulatteg! Anam hewona, ag deɗ eblaih aɗit oh, Yawe, ahilag Kayak, ag Nug noobppa gamalag ahaɗ!

Duteronomi 27:7

Ag amu hena, ag qaɗab amuppa laippu dayaknu ofa ele henana, ag doɗ manadna, Yawe, ahilag Kayak, ag Nug mettanna, ag Nug noobppa teppu amuppan ee hobul hena, gamag ahak ele ee laig!