Duteronomi 12:10 - Nobonob Baibel

¹⁰ Ag haen elab iitta, Jodan le mataɗna wana, ag wan Yawe, ahilag Kayak, Nug ag madatte, ag amuppa daaglag. Wan amuam ag aulag daakkunu ag madatte. Yawe Nug ag ehanatteb, ahilkad kekeɗ eɗadna, ag appa aben aon, baɗak iittappa daanna amu,

Duteronomi 12:10 Referans Kwoze

Esekiel 34:28

Wanppan wan laalappan danab ag baula uɗin, eheɗ hattana, ahilag keeke akkan ii gomana. Doɗ dakkuɗ nau ele baula aqan ii lattamna. Dahilad danab ah ag baɗak iittappa daappeg, laa heeb baɗaglagnu laa ii daama.

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Duteronomi 11:31

Ag wan umu, Yawe, ahilag Kayak, Nug ag wan amu madatte amu, ag wan amu aon daaglagnu Jodan le imu mataɗna wana nokkulagnu hetteb. Amu haen ag wan amu aon, appa daaglag amu,

Duteronomi 4:22

Da ii nopanu aum amunu, da wan imuppa mauhkkul. Da Jodan le ii mataɗpa. Amge ag am wan aoppeg, ahilag daakkunu Jodan mataɗna wakkulag.

Duteronomi 3:27

Na amu Jodan le ii mataɗmana, amge na neegna, wan anttakib hekkut amunu, na Pisga qauko igippa tena daanna, laih laih ohppa neegppe ukkeb, na wan atu amu oh anidkkut.

Esekiel 38:8

Aɗinu? Butti haen adekku ban hekkulagnu ewak daakku, ag haen amuppa goppeg, wan laa ele ban hekkulag. Wan amuppan danab ah ag tatam banppa eheɗ aon, wan kuɗumppa daappig, amge Yawe he, ag wanppan wan laa kuɗumppanu eɗun uɗin, ag ahilag wanppa, am Israel wan, wan amuam haen elab hele-ettak dayom amu, ag eɗun, aguppa daatteb. Wan amuppan danab ah ag wan laalappa daaegeg, Yawe he, ag eɗun uɗin, baɗak iittappa daatteb. Amu, Gog, haen amuppa na, amu nahipad ele ag goppeg, danab amu ag ele ban hekkulag.

Esekiel 34:25

Amu Yawe Nug anam awowa, Nug nai tuɗitta atte. “Israel danab ah ag am dahilad sipsip, amu da haen amuppa heppi, ag da ele ig maɗoɗ dayaknu nug tituanta nai qakkagnig. Ig amu heta, da heppi, ahilag wanppa doɗ dakkuɗ nau laa ii daama amunu, ag atu taɗakppatai daaglag, o iitta atuppa niiglagtai amu, ag baɗak iittappa daaglag.

Esekiel 28:26

Da amu heppi, Israel danab ah ahilag wanppa baɗak iittappa daaglag. Ag appa lag buun, grep dad ele eppaglag. Da danab ah ag Israel taliliadna daanna, Israel dilagnu ena iinab dootteb amu, da eheɗ hatten, bu matten malappi, dimppa Israel danab ah ag enaib daaglag. Da amu heppi amu, ag dooglag, da am Yawe, ahilag Kayak.” Yawe Nug anam atte.

Jeremaia 32:37

Qinob da wan oh, da dahilad danab ah ag ahilag eheɗ hak amunu ool huanak nauhe, oppoɗi bak okkainab ele doyen heppi, kekeɗ ag eɗadna diin, wan atu laalappa goppeg, matatun daaglag ele amu, da wan amu ohppanu qagmaatten omaladppi, ag eɗun uɗin, wan imuppa daaglag. Da ag ehanadppi, ag baɗak iittappa daaglag.

Jeremaia 23:6

Haen nug king dayebeb amu, Juda ag geha padal memananu ehanittak aon daaglag. Ao, Israel danab ah ag baɗak iittappa daaglag. Geha ag king amu onig am inam ataɗkkulag. ‘Yawe Nug Kobol Genab Tutukku, Nug Amunu Diig Daatte.’ ” Yawe Nug anam atte.

Prowerb 1:33

Anam aakku, amge aun nug Doyak Dabmak Ena ele da, nug da oɗel dootte, nug baɗak iittappa daakku. Ao, aun amu hette ele amu, nug manin, baɗak iitta ele daakku,” awa atte.

Sam 4:8

O Yawe, na aakkuib dabmeɗeɗe, da baɗak iittappa daattem amunu, geha da ool maɗoɗ ele ukke, qein niikkul.

1 King 4:25

Haen Solomon nug king dayeye amu, Juda danab ah, am Israel danab ah ele, aab onig Dan, appanu ukka ukka, Berseba aabppa batak, ag oh baɗak iittappa daappig. Amunu danab oh anen anen ag ahilag ad fig, amu muɗi grep ele waappa daanna, ag gumappig. Haen amuppa keeke eheɗ laa ahilagppa ii beum. Iitta.

1 Samuel 7:12

Israel ag Pilistia anam lamatteg, Samuel nug men naɗi laa awa, aab aɗit Mispa, Sen ele gamalahppa qappe dayeye, nug, “Yawe ehanikke uɗie uɗie, iikku batom,” anana, nug men amu onig, “Ebenisa,” ataɗom.

Josua 4:12

Israel dilag huu okkai Ruben, Gad, amu Israel dilag huu okkai Manase mahaib ele, amu dilag ban danab, ag Israel danab ah laa noolagppa, Moses amelagppa aum bia, ag hena, Jodan le mataɗna goppig. Ag bannu bappaidna goppig.

Josua 3:17

Israel danab ah ag le letan, laih wan qaɗaiettakppa ukkaegeg, mana mettak danab ag Yawenu Tituanak Nainu Kunup kontrak inak ele, ag kunup amu maoppig amu, ag Jodan le dayomppa gamagppa wan qaɗaiettakppa hippaidna daaegeg, danab ah oh mataɗna, laih wappig.

Duteronomi 33:28

Kayak Nug anam hette amunu, Israel ag baɗak iittappa daaglag. Jakop buɗub ag enaib daaglag. Ag geha wan, wain bau, ee ele kuɗum, ag wan amuppa daaglag. Ag baito lomppan ele aoglag.

Duteronomi 33:12

Moses nug Lewi buɗubnu anam awowa, nug Israel dilag huu okkai Benyamin dilag imu aum. “Yawe, Nug Benyamin danab ah dilagnu oo mauhtte. Ag nuhigppa baɗak iittappa daatteb. Aɗinu? Nug deɗ oh amun tuqan ele ag taliliatta daatte. Ao, Nug ag guittak aomnanu, ag aɗualatta dayaya, tuɗid ele dabmadatte,” awa aum.

Duteronomi 9:1

O Israel danab ah, ag daulag human doyeg! Gemu ag Jodan le mataɗna wana, danab ag eɗattak, ɠagattag okkai ele, ag ag ahilkad wanppanu lamadna aoglagnu daatteb. Danab amu ag aab okkai aɗ attannab tak eleppa daatteb!

Eksodas 33:14

Moses nug anam a, aria Yawe Nug aum. “Da amu, da geha ag ele oh gokkunig, amu amuppa da na dahil oo maɗoɗ na medakkul,” awa aum.

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

1 King 8:56

“Ig Yawe binag humatu! Nug ig Israel, nuhikkud danab ah, Nug nai ana qakkom, amubia Nug ig maɗoɗ mekkom. Nug nuhig nai qakkak ena oh Moses, nuhig maɗi nid, nug oɗeppa ihinignu mattiom amu, nug nai amu oh hamu laa ii mattiom. Iitta. Nug nai amu oh, nug aum bia heum.

Josua 14:1

Nan bekka Josua, mana mettak danab Eleasar, amu Israel dilag huu okkai anen anen dilag aab igippan ikkilkad danab ag wan laala Kanan appa daappig amu panin, Israel danab ah madappig am iikku. Wan amuam ag aulag daakkunu dayom.

1 Stori 22:18

nug aum. “Yawe, ahilag Kayak, Nug ag ele iite daatteb? Nug he, ahilag kekeɗ ag taliliadna daatteb ele, gemu ag ban hemananu toettan iite daatteb? Aɗinu? Yawe Nug he, danab wan imuppa daappig ele eɗatti, gemu wan imuam Yawenu, nuhig danab ah dilag ele daatte.

Esekiel 38:11

Na amu dabmenana, na akkut. ‘Da heppi, da dahilad daup ele ig wan laa, ag ban hekkulagnu babaittak ii daatteb, ag uug laa bekkunu ii dabmena daatteb ele, ig appa banelag gokkunig. Ahilkad aab am aɗ iitta, hamu daatteb. Danab ah appa daatteb ele amu, ag maɗoɗib daatteb. Ag, “Kekeɗ uɗippeg, ig ele ban hekkunig,” ii dabmetteb. Ahilag aab oh aɗ iitta, aɗnu od iitta, od manak qaknu keeke ele iitta. Ag hamu anamib daatteb.