Duteronomi 12:1 - Nobonob Baibel

¹ Yawe, ag mamelkad aɗi dilag Kayak, Nug wan ag madatte, ag wan amu aon, amuppa daanna, ɗo iɗu iɗu ag dim lamidkkulagnu daatteb am iikku. Ag wan amuppa daanna amu, ag dim lamittaknu ii uuglagoitte.

Duteronomi 12:1 Referans Kwoze

1 King 8:40

Aɗi diignu da na anam hekkutnu oɗ medattem am, nahipad danab ah ig, ig wan na ig mamenkad aɗi mattame ele, ig amuppa bau daatta, ig haen amu ohppa nahipnu ebehinig oh bodoetta le meebeb, ig nahip ɗo, nahip hak ele dim lamidta oignig.

Job 7:1

Ig danab ig wanppa daat oittem amu, ig heɗiag hetata ele iite daattem? Ge, ig danab wanppa daattem, ig uɗat ɠagattag, danabnu uɗat nid nuhig uɗat hette, ig amubia wanppa daatta, iite hettem?

Sam 146:2

Da bau dayeye, da Nug binag mekkul. Ge, da dahil Kayak binag mekkulnu amu, da ahi edetteib daappi ukkeb mauhkkul.

Sam 104:33

⌊Yawe Nug anam daatte amunu,⌋ da bau daattem, haen imuppa da nuhignu ahi edakkul. Yo, haen oh da bau wan imuppa dayeye, da dahil Kayak, da nuhignu ahi edakkul.

Duteronomi 12:19

Am ag ahilag wanppa daanna, ag Lewi buɗub dilag daulag atimanu, ag dabmena autna aweg!

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Duteronomi 4:19

Aria ag neegppeppeg, lomppa teeb, ag aam, kalam, hoɗoppai ele, ag keeke amu oh anadna amu, ag aib amuam kayak daatteb anana, noolagppa dup nona binalag mak heppig. Yawe, ahilag Kayak, Nug keeke oh hab waappa daatteb amu, Nug am wanppan danab ah oh ehanadkkunu hattom.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 11:32

ag ɗo iɗu iɗu oh gemu da ag madattem imu oh tutukku dim lamidkkulagoitte.

Sam 119:5

O Yawe, da haen oh nahip ɗo dim lamidkkulnu ool okkai daatte. Ao, da amu hekkulnu ool okkainab daatte. Da keeke laa hekkulnu ool hette ele amu, da amunu ool nakokib hette.

Esekiel 20:19

Da am Yawe, ahilag Kayak. Ag dahil ɗo iɗu iɗu dabmettan, pehettak dim lamidna,

Duteronomi 3:18

Haen amuppa da haknunab nai imu Israel dilag huu okkai, ag Jodannu kaɗag uɗitteppanu daaglag amu, da ag amelagppa ami. “Yawe, ahilag Kayak, Nug ag wan imu aon, ahilag keeke daakkunu mattom, amge ag ahilkad ban danab ɠagattag amu maadppeg, ag Jodan mataɗna wana, ag lailkad Israel laa appa daaglag amu, ag ag ehanadkkulagnu ban haknu bappaidna anuqna gokkulagoitte.

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!