Duteronomi 11:21 - Nobonob Baibel

²¹ Ag Yawenu ɗo ag amelagppa daakkunu anam heppeg, gemu hab, wanppanu attan daatte amu, hab amu anam dayeb ukkeb ukkeb, haen adekku batakku amu, haen gamag amu ohppa ag, ahilkad nid ele ag wan amu, Yawe Nug ag mamelkad aɗi madakkunu nai ɠagattag qetta aum amu, ag wan amuppa haen amu oh daaglagnu, ɗo imu oh dim lamitteg!

Duteronomi 11:21 Referans Kwoze

Prowerb 4:10

Doye, o bekkal! Da nai attem imu, na aon aɗana oiye! Na anam hekkut amu, na maɗ maɗ bau daakkut.

Prowerb 3:2

Na anam hekkutnu diig am, dahil ippunittak nai, dahil haknunab anak ele aa hepeɗ, na geha haen elab bauklel daakkut. Ao, aa hepeɗ, na ena daakkut.

Prowerb 9:11

amunu na da, Doyak Dabmak Ena Ele dim lamiɗkkut dayeb amu, na haen elab wanppa daakkut. Ao, na da, Doyak Dabmak Ena Ele dim lamiɗkkut dayeb amu, da maɗ nahip tuɗidppi, kuɗum daaglag.

Sam 72:5

⌊Danab ah ag anam anidna amu,⌋ ag butti aɗi, haen adekkuppa aam qauha, iitta mekku, amge aam ii iitta mette, haen gamag imuppa amu, aam neebeb, danab ah ag nahipnu ebehilag oh bodoetta le mekku. Ao, ag butti aɗi, haen adekkuppa kalam qauha, iitta mekku, amge kalam ii iitta mette, haen gamag imuppa amu, kalam lomppa haɗaɗa dayebeb, danab ah ag nahipnu ebehilag oh bodoetta le mekku. Amuam, hanhan ag anam dooglag.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Revelesen 20:6

Aun nug eɗua hibaittak ebqak 1, nug amuppa eɗua hippaidtte amu, nug Kayaknu itittak ena awom daatte; nug am oppiaawak ele. Amu ele mauhak ebqak 2 nug danab amu heeb, nau aoglagnu ɠagattag iitta. Ag maɗ 1,000 amu ooppa ag Kayak, Kristus ele dilah mana mettak danab daanna, ag Kristus ele king daaglag.

Aisaia 65:20

Haen amuppa da heppi, nid laa doa, haen tutuib dayaya, ii mauhma. Ge, ⌊gemu laa hetteb amubia⌋ danab laa nug kaino ii meum ii mauhma. Amu laa nug maɗ 100 dayaya mauhlo amu, laa ag nuhignu, ‘Nid bau aakku mauhom,’ dabmelob. Genab, laa nug maɗ 100 ii aolo dayeb amu, laa ag nuhignu, ‘Nug hipunin he, Kayak he, nug mauhom,’ alob.

Prowerb 3:16

Doyak dabmak ena ele am ah laa nug keeke laa paniattaknu eppegppa aɗatte bia. Nug eppeg naɗiap-ppa amu, nug maɗ kuɗumnu bau dayak aɗatte; Ao, nug eppeg nanehppa amu, nug enub, binag ele aɗatte.

Duteronomi 5:16

Na da Yawe, da haknunab nai mattami bia, na mamen, anin ele binalah mate! Ge! Na wan laappa, da Yawe, nahip Kayak, da na medakkulnu hettem amu, na appa haen elab daakkutnu, nahip-ppa ena elele ba daakkunu amu, na anam hekkut.

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Duteronomi 11:9

Diig laa am, ag oɗe dim lamidkkulag dayeb amu, ag wan, Yawe Nug ag mamelkad aɗi, amu ag buɗulkad madakkununab nuhig nai ɠagattag qetta aum amu, ag wan amuppa haen elab daaglag. Wan amuam wan enanag, wan ittag ele, amuppa ee meu huan otte!

Sam 89:30

Amge Dawit bekkod ag dahil ɗo dim lamittak uuna, ag dahil ib, ɗo dahil ippunadtte amu, ag amu ii dim lamidkkulag dayeb,