Duteronomi 11:13 - Nobonob Baibel

¹³ Ag haknunab anak nai, gemu da ag madattem imu oh tutukku dim lamidnana, ag Yawe, ahilag Kayak, ag meulag ohppa, oolag ohppa ele nuhignu oolag mauheb, ag Nug waappa daan Nug oɗe dim lamidkkulag dayeb amu,

Duteronomi 11:13 Referans Kwoze

Duteronomi 10:12

Gemu amu, ag Israel, ahilagnu amu, Yawe, ahilag Kayak, Nug ag aɗi hekkulagnu atte? Nug ag imu hekkulagnu atte. Nug ag nuhignu ebehilag oh bodoetta le meeb, nuhig nai dim lamidnana, nuhignu oo mauhak doonna, ag Nug waappa daan Nug oɗe dim lamittak kobol ag meulag ohppa, oolag ohppa ele hekkulag.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.

Duteronomi 11:8

Ag keeke oh Yawe Nug heewo anidppig amunu, ag haknunab anak nai gemu da ag madattem imu, ag tutukkunab dim lamitteg! Ag amu hekkulagnu diig am, wan ag Jodan le mataɗana, nona aoppeg, ahilag daakkunu daatteb amu, ag nai amu oh dim lamidkkulag dayeb, ag amu hekkulagnu ɠagattag elele.

Duteronomi 6:17

Ag Yawe, ahilag Kayak, ag ebehilag qaietteb dabmena autnanab aonna, nuhig haknunab anak nai dim lamidkkulagoitte. Amuam ɗo iɗu iɗu oh Nug ag mattom.

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Duteronomi 11:22

Aɗinu ag Yawenu haknunab anak oh da gemu ag madattem dim lamidkkulag? Ag amu hekkulag dayeb, amuam ag Yawe, ahilag Kayak, ag nuhignu oolag mauheb, guguittak daanna, Nug ag aɗi hekkulagnu aum amu hekkulag amu,

Lewitikas 26:3

Ag ɗo dahil dim lamidna, ag haknunab anak dahil pehettak dabmettan dim lamiɗkkulag dayeb amu,

Duteronomi 7:12

Am ag ɗo imu doon dabmattan, tutukku dim lamidkkulag dayeb, Yawe, ahilag Kayak, Nug ag mamelkad aɗi dilagppa hekkunu nuhig nai ɠagattag qetta aum, amubia Nug he, Nug ag ele nug tituanna nai qagappig amu, Nug ahilagnu oo mauhaknab dookkunu nug tituana nai qakkak nuhig amu aɗa daakku.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 28:1

Amu Moses nai tuɗitta mattiom. Ag genab Yawe, ahilag Kayak, ag Nug oɗe doon, ag haknunab anak nai gemu da ag madattem imu dabmettaglag dayeb amu, Yawe, ahilag Kayak, Nug heeb, ag wan laa oh eɗattak daan, ag binag okkai, amu onig okkai ele daaglag.

1 King 3:3

Am Solomon nug Yawenu oo mauhehe, kobol ena oh dim lamittatta, mameg Dawit aum bia heum. Amge Solomon nug ele aabaabppanu mettid lag nakokppa doɗ manatta, Yawe medatta, nug ele kalu danab ile muttuɗig enanag bette ele appa mana, Yawe mettom.

Sam 119:2

Genab, aun aɗi ag Yawenu ɗo, kobol ele ɠagattag aɗan dim lamidtteb, ag Nug anidna dim lamidkkulagnu meulag ohppa Nug maditteb ele amu, ag itittak ena aoppig daatteb.

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,

Esekiel 34:26

Da ag, amu aben oh dahil qauko Sion talilittak daatteb ele itadppi, ena daaglag. Da heppi, gu nuhig haenppa elele neeb, itittak ena ele aakkuib daaglag.

Lewitikas 26:4

da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag.