Duteronomi 11:12 - Nobonob Baibel

¹² Wan amu Yawe, ahilag Kayak, Nug atognotte ele. Nug deɗ deɗ ohppa dabmedette dayeye, maɗ digmakppa ukkeb, maɗ batakppa batak.

Duteronomi 11:12 Referans Kwoze

Jeremaia 24:6

Da ag atognoatten ehanadppi, ag wan imuppa eɗun uɗiglag. Da ag atognoadppi, elele daaglag. Da eheɗ hadappi ii nauhmana. Da danab keeke eppe, ena bette, da amubia ahilagppa hekkul. Danab nug keeke hiɗe nauhtte, da amubia ahilagnu ii hepa.

1 King 9:3

Am Yawe Nug Solomon amegppa inam aum. “Da nahip unuqittak, oot ohppa oɗ meɗak ele na da amelppa ame amu, da doomi. Am da na mettid lag imu, na buume amu, da lag amu dahilnu tituana meɗak daakkunu aakku hemi. Haen oh da onil aguppa daakku. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

Sam 33:18

Anam aakku daatte, amge Yawe Nug danab ag nuhignu ebehilag oh bodoetta le mette ele, Nug ag ehanadtte. Yo, Nug laa ag nuhig oo mauhaknab kobolnu dabmenan oitteb ele amu, ag ehanadtte.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Esra 5:5

⌊Uug Juda dilagppa bekkunu elele dayom,⌋ amge Kayak, Juda dilag Kayak, Nug Juda dilag ikki danab amu ehanatte, Tatenai aɗi ag paha Juda ag uɗat amu uuglagnu ii heppig. Iitta. Ag Juda hettebnu nai amu meppeg ukkeb, Darius antta mala, nai eɗua meeb uɗieb, aɗi ab doon, ag nai amu dim lamidkkulagnu heppig. Darius nug ag heppeg, Juda ag uɗat amu uuglagnu nai meeb uɗikku dayeb amu, haen amuppa ag amu hekkulagnu dabmeppig.

2 King 18:32

Ag anam daanna labeppeg ukkeb, da eɗuen uɗien, da omaladppi, ag gona wan laappa, wan amuam ahilag wan imubia amu, da omaladppi gona, aguppa daaglag. Wan amuppa ee aeg, amu muɗi grep ele betteb. Ao, appa ag ee, wain bau ele elelenab aoglag. Wan amuppa bret, grep dad ele elele daatteb. Ao, wan amuppa olip ad ag beegeg, uppuh leppu ele daatte. Ag bau dayak tituaneg! Ag mauhak aib tituanppig! Ag Hesekaia atte amu, ag aib dooppig. Aɗinu? Nug atte. “Yawe Nug ehanikkeb, ig Asiria dilag king eppegppa ii daamta,” awa atte,

Sam 65:11

Na hee, ig ee elelenab kuɗum be aottem. Na hee, ee mak lakka amuppa, ee elelenab kuɗum meeg daatte.