Duteronomi 10:22 - Nobonob Baibel

²² Ag mamelkad aɗi, ag anukka Isip noppig amu, ag danab 70 aakkuib. Amge gemu amu, Yawe, ahilag Kayak, Nug he, ag kuɗumnab, hab waappa hoɗoppai daatteb bia appatna daatteb.

Duteronomi 10:22 Referans Kwoze

Genesis 46:27

Jakop bekka Josep nug Isip ah awom amu, appa nid danab aɗit meunatpiɗ. Nid aɗit amu, aa mamelah, aa alalah, laa oh ele Isip wanppa daappig amu, ahilag ebqak oh amu 70.

Eksodas 1:5

Amu Josep nug tatam Isip ukka dayom amunu nug, Jakop, amu nug baekkudppa ele oh Isip goppig ele, danab ah amu oh, ahilag ebqak am 70.

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Duteronomi 1:10

Yawe, ahilag Kayak, Nug he, ag appatna, ag ebqak huanak, kuɗumnab, ag hoɗoppai habppa daatteb bia daatteb!

Nehemaia 9:23

Ge, na hee, ig mamenkad aɗi ag huana appategeg, ag bekkalkad am huanak, hoɗoppai dilag ebqak bia daaeg, wan laa, na wan amu ag mamelkad aɗi mattan, ag gona aon daaglagnu ame amu, na diie, wan amuppa goppig.

Duteronomi 28:62

Am ag kuɗumnab habppa hoɗoppai daatteb bia daaglag, me laib laib aakkuib daaglag. Ag Yawe, ahilag Kayak, ag Nug oɗe ii doon oiglag, amunu anam bekku.

Aposel 7:14

Amu dimppa amu, Josep nug mameg Jakop, Jakop baekkudppa ele oh, danab ah amu ebqak ahilag amu 75, ag nug gumidna gokkulagnu aum.

Namba 26:51

Aria, Israel danab, ag maɗ 20, o iitta maɗ 20 eɗittak, ag ban hekkulagnu elele amu, ag oh ahilag ebaqak am 601,730 beum.

Hibru 11:12

amunu, danab laippu amu nuhigppa danab appatna, kuɗumnab daatteb. Nug am mauhom bia dayom, amge nug buɗub ag gemu ebqaknu elele iitta daatteb. Ag hoɗoppai habppa daatteb dilag ebqak bia, amu yu ihippa abuɗnu ebqak bia daatteb.

Namba 26:62

Amu Lewi nid danab, okkai mak ahilag kalam laippu awom, o iitta amu eɗittak ele, ebqak ahilag am 23,000. Ag ebaqappig am Israel laala ele dilag ebqak ele oh ii ebaqappig. Lewi buɗub ag am wan laa, ag aulag daakkunu ii mattak amunu, ag am Israel laa oh ele ouaqa ii ebaqak.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Duteronomi 26:5

Anam heeb, na Yawe, ahilag Kayak, Nug noobppa inam akkut. “Da mamelad aɗi ag am Aram danab, appalag diig iitta ele oinna, ag hubhub Isip wanppa nona daanna, ag appatna, huu okkainab bena, ɠagattag daappig.

Genesis 46:26

Jakop buɗub tiignab ag Isip goppig amu, ahilag ebqak am 66. Nug bekkod waalkad amu, ag ebqak amu ooppa ii daatteb.

Duteronomi 1:11

Amu Yawe, ag mamelkad aɗi dilag Kayak amu, Nug heeb, ag tausen huanaknab appatkkulagnu, ele Nug ag itadkkunu, Nug hekkunu nai anan qakkom bia amu, da Nug anam hekkunu ool daatte!