Duteronomi 10:18 - Nobonob Baibel

¹⁸ Nug nai doya mala hettoɗia epeɗia elele mettak kobol dim lamittatta, nid ag mamelkad mauhppig, amu ah qab ele dilag nai epeɗiadtte. Nug wan laihnu danab ah ele, Nug amu dilagnu oo mauhak doya, ee madatta, lamen ele madatte.

Duteronomi 10:18 Referans Kwoze

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Sam 68:5

Kayak Nug nuhig aben nuhignu tituanak daatte ele, Nug amuppa daatte. Nug laa oh ag mamelkad mauhadppig ele, Nug ag mamelag daatte. Nug ah qab atognoadtte.

Jeremaia 49:11

Amge ahilkad nid naunau, anilkad mamelkad iitta amu, da ag mauhmananu ehanadkkul. Ahilkad ah qab ele, ag dahilnu oolagppa genab dooglagnu elele,” awa atte.

Aisaia 1:17

Ag dabmak ena aon, kobol genab tutukkuib hekkulagnu dabmettan, aon aɗan oiyeg! Ag kobol genab tutukku amu henana, ag nai doya mala hettoɗia epeɗia elele mettak kobol dabmenan, dim lamitteg! Ag danab laala ag lailkad laa, ɠagattag nakokib eheɗ hadatteb ele amu, ag hak nau amu bappaladnana, eheɗ hak danab bu matteg! Ag nid ag mamelkad mauhppig ele, ag hettoɗiakppa atognoatteg! Ag ah qab, laa ag amu dilag eheɗ hadatteb anidna, ag hettoɗiakppa, o adekkuppa ag ah qab amu ehanadnana, atognoatteg!” Yawe Nug anam awa atte.

Sam 145:9

Yawe Nug danab ah oh dilagppa ena hette. Nug aɗi keeke Nug eppegppa heum ele amu, Nug amu ohnu oo bodoetta le mette.

Sam 103:6

Yawe Nug danab ah ag ɠagattag iitta oh, danab laa ag eheɗ hadatteb ele amu, Nug ahilagnu uɗat genab tutukku ha, nai doya mala hettoɗia epeɗia elele mettak kobolppa ehanadtte, amu amuppa ag ena daatteb.

Hosea 14:3

Asiria ag ig ehanigkkulagnu elele iitta. Ao, ig ban haknu hosppa ban hetata, ena daagnignu ii dabmemata. Ig keeke dottolkad eppenigppa hak, ig amu dilagnu baula, ‘Am ihinig kayak,’ ii amata. Aɗinu? Na aakkuib nid anilkad mamelkad iitta dilagnu oot bodoetta, le mette.” Ag anam aig!

Eksodas 22:22

Ag ah qab, o nid laa anilkad mamelkad mauhppig amu, ag laa amubia, ag ahilagppa aib eheɗ heppig.

Aposel 14:17

amge Nug daatte, Nug amunu haen amuppa ele ag ippuanattatta, Nug hab aabppa dayaya he, gu ahilagppa neum, ahilag ee ena beum, ag ee elele aoppig, amu ag gamag ahak okkai dooppig,” aoya apiɗ.

Matyu 5:45

Amuppa ag Mamelag, hab attan daatte ele amu, ag Nug bekkod daaglag. Nug he, aam danab nau amu danab ena ele oh qaɗelagppa nette. Nug ele he, gu genab tutukku hak danab, amu genab tutukku hak danab iitta ele oh dilagppa nette.

Eksodas 22:23

Ag laa amubia, ag ahilagppa eheɗ heppeg, ag da amelppa amunu gaappeg amu, da ahilag ewak genabnab genab dookkul.

Namba 10:32

Doppe, ig ele gotu! Yawe Nug keeke ena ena oh ig megakku amu, ig na ele oh amu aognig,” awa aum.

Duteronomi 27:19

Appeg, Lewi buɗub ag inam akkulag. “Aun laa nug nai doya mala hettoɗia epeɗia elele mettak kobol, wan laihnu danab ah, nid mamelkad mauhppig, amu ah qab dilagppa ele elele ii hette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

Eksodas 22:20

Da am Yawe, amu ag doɗ main, daib meɗeg! Danab laa nug doɗ laa mana, kayak hambuppuak laa medakku dayeb, ag heppeg, danab amu nug dahilnuib, dahil pelemppa dayaɗ!

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Lewitikas 25:35

Ag lailag, Israel ted laa, nug ag oolagppa dayebeb, aɗi uug beeb, daɗek ma, nug ee keeke aokkunu ib iitta daakku dayeb, nug tuɗid ag oolagppa daakkunu, ag wan laihnu danab ehanidtteb, o ag danab laa nug wan laappan uɗia, haen tutuib dayak danab ehanidtteb, amubia ag laa daɗek meum amu, nuhignu heig!

Sam 10:18

Na nid anilkad mamelkad mauhppig, danab ah, laa eheɗ hattak waappa daatteb ele amu, na ahilagppa nai doya mala hettoɗia epeɗia elele mettak kobol dim lamidkkutnu, na anam hettem. Ge, nau hak danab ag baula heppeg, nid anig mameg iitta ele, danab ah, laa eheɗ hattak waappa daatteb ele amu, ag baula eheɗ nau baɗamnanu na anam hettem.

Sam 68:6

Kayak Nug he, danab ah aun aɗi ag baelkadppa iitta ele amu, ag baelkadppa laa bena daatteb. Kayak Nug danab ah ag maniguittak daatteb amu, Nug he, ag uhuqak aon, ag gamag ahak aotteb. Amge danab ah aun aɗi ag nai tappe nak hetteb, ag wan gakkaɗak qaɗaiettak, keeke laa amuppa ii betteb ele, ag amuppa daatteb.