Duteronomi 10:14 - Nobonob Baibel

¹⁴ Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.

Duteronomi 10:14 Referans Kwoze

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Sam 24:1

Wan, amu keeke oh wanppa daatteb ele am Yawenuib. Yo wan, amu wanppan danab ah oh amu nuhigib.

Sam 115:16

Hab attan ukke ukke, adekku batatte, amuam Yawenu, amge nug wan danab ah oh mattom.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Sam 148:4

Hab attan ukke ukke, adekku batatte, hab amu ⌊na danab ah Nug binag metteb bia, na⌋ Nug binag mee! Le attan daatte ele amu, ⌊danab ah Nug binag metteb bia, na⌋ ele Nug binag me!

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

Sam 50:12

Wan, amu keeke oh amuppa daatteb ele am dahil amunu, da enug iutte elelob, da ag ee meɗaglagnu oɗ madakkulte?

2 Stori 6:18

Solomon nug anam unuqitta mala, nug tuɗitta inam ele unuqittom. “Amge O Kayak, na am genab nena, wan imuppa danab ele daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imuam nahipnu elelete? Am iittanab iitta.

Eksodas 9:29

Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

1 Korint 10:28

Amge danab laa nug ag amelagppa, “Ag doɗ teppu imu main kayak hambuppuak medappig,” ab, aria danab nug amelagppa aum amu, ag nuhig ooppan oiyak ippunittaknu ulum dabmena, doɗ amu aib lappig.

1 Korint 10:26

Aɗinu? Wan, amu keeke oh wanppa daatteb ele am Naɗinuib.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Genesis 14:19

Mattowa amu, nug Abram inam itittom. “Kayak Attannab Laa Oh Eɗattak Nug hab, wan ele haatom amu, Nug na itidkkunu ool daatte.

Aposel 17:24

Pol nug anam ana, nug tuɗitta aum. “Amu Kayak Nug wan imu ha, keeke oh wanppa daatteb, laa ig anadttem, laa ig ii anadttem ele amu, Nug heum. Kayak amu Nug habnu, wannu ele Naɗi daatte amunu, Nug mettid lag, danab eppelagppa hetteb, amu ooppa, Nug ii daatte.

2 Korint 12:2

Da danab laa nug Kristusnu daatte amu, da nug doottem. Anukka maɗ 14 ii ugekke, Kayak Nug nug awe, attan ukka, hab ewamppa teum. Nug beɗuppa dayaya teumte o iitta nug ouɗi aakkuib teum amu, da ii doottem. Kayak Nugib dootte.

Duteronomi 10:13

Ag amu henana, ag Yawenu nai haknunab anak, amu ɗo laa oh ele, gemu da ag madattem imu, ag amu dim lamidkkulag. Ag nuhig haknunab anak, nuhig ɗo ele dim lamidkkulag amu, ag ehanittak ena aoglag.

Duteronomi 33:26

Moses nug anam awowa nug tuɗitta aum. “Auntai laa Israel dilag Kayak bia iitta. Nug ag ehanadkkunu habppa oitte. Yo, Nug ag ehanadkkunu, Nug lombig attan nuhig sia kingppa dayaya, oitte.

Job 41:11

Auntai laa nug da keeke meɗom amunu, da eɗue, amunu nob nug medakkulnu daatte? Laa iitta; keeke oh hab waappa daatte amu, keeke amu oh am dahilib.

Sam 68:33

Ban daup ikki ɠagattag okkai ele laa, nuhig hosppa atu wan oh matta gotte, amubianab Yawe Nug hab anukkanab heum amu, Nug amuppa gotte. Nug lomppa nai maditte, amuam hakkaɗ qette, amubia bette.

Genesis 14:22

Sodom dilag king nug anam a amu, Abram nug Sodom dilag king oɗeppa awa aum. “Genabnab da Yawe, Nug Kayak Attannab Laa Oh Eɗattak, Nug hab, wan ele oh heum amu, da eppel nuhigppa humen, da inam hekkulnu Kayak onigppa dahil nai ɠagattag qetten, inam ami.