Duteronomi 1:46 - Nobonob Baibel

⁴⁶ Amu ig Israel, ig Kades appa haen nakok elab daamut.

Duteronomi 1:46 Referans Kwoze

Namba 20:1

Amu kalam digmakppa Israel oh ag atu taɗak onig Sin, ag appa wana, ag aab onig Kades guguittak daappig. Ag appa daaegeg, Miriam mauhe, appa amu ag nug boumppig.

Namba 20:22

Edom dilag king nug ag nuhig wanppa ii wana gomananu heum dimppa amu, Israel danab ah oh ag Kades uun, ahan Hor qaukoppa goppig.

Namba 14:34

Lokkumakppa atu italak danab ag wan atu italkkulagnu maatteg goppig amu, ag deɗ 40 oippig. Anam bia, ag hipunin heeg, ag hipunin hak amunu guittak maɗ 40 batak doon oiglag. Maɗ laippu, amu deɗ anen anen, deɗ 40 wan italna oippig, am amu elele medakku. Ib amuppa amu, da ahilag hak amunu eheɗ doyeye ool ii madattem, ag amu dooglag.’

Namba 14:25

Amalek danab, amu Kanan danab ele ag Kanan wanppanu oolnu noakppa daatteb. ⌊Israel danab ah ag hipunin qeppig amunu, da geha ag ii ehanadppi, ag danab amu ii eɗadmana⌋ amunu, ag butti eɗun aon, atu taɗakppa ib laa Le Kokoɗppa ukkak amu, ib amuppa ukkeg!” Yawe Nug anam aakku aum.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Josua 24:7

Israel ag da, Yawe, dahilnu huana gaaeg amu, da ag Isip ele gamalagppa gatatu eppami. Amu, ag Le Kokoɗ mataɗana waeg, da hei, yu nug eɗua abenppa wana, Isip oh diie, yu lana mauhadppig. Ag Israel, ag akka amelagppanab da aɗi keeke haen amuppa Isip dilagppa hemi amu, ag aakku anidppig. Amu dimppa amu, ag atu taɗakppa haen elabnab daappig.