Duteronomi 1:45 - Nobonob Baibel

⁴⁵ Anam daye, ag Israel ag gona, Yawe noobppa gaappig, amge Nug doyak uuom.

Duteronomi 1:45 Referans Kwoze

Hibru 12:17

Aɗinu? Ag dootteb bia, dimppa Esau nug Aisak eppegppa itittak ena aokkunu heum, amge nug elele iitta dayom. Esau nug itittak ena aokkunu gayak huana heum, amge nug ib nakoknab laa ii anttom.

Sam 78:34

Haen laala Kayak Nug laa aqe amu, haen amuppa laa daappig ag Kayaknu dabmak dooglagnu meulag ohppa dabmena, ag oolag eɗue, Kayak toppa wappig.

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Jon 9:31

Ig doottem, Kayak Nug hipunin danab oɗelag ii dootte, amge danab aun nug genab tutukku hak danab daatte, nug Kayak oo attem niitte amu hette ele amu, Kayak Nug nug oɗe dootte.

Job 27:8

Aɗinu? Danab nug Kayaknu nuhig haknu ele uuak danab daatte ele nug mauha, eɗua ena bekkunu dabmak aɗa oiyaknu ib laa iitta; Kayak Nug he, nug mauhtte, amu dimppa nug eɗua, ena daakkunu dabmak aokkunu elele iitta.

Job 27:9

Uug nau nuhigppa bette haenppa amu, Kayak Nug nuhig unuqittak doottete?

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

Prowerb 1:25

Amu genab, ag dahil ulum nai ena, ag amu oh dooglagnu uuppig. Ao, ag daug batak nai da hemi amu, ag amu uuppig.

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.