Duteronomi 1:38 - Nobonob Baibel

³⁸ Amge nahip qekkaɗak, Nan bekka Josua, nug nokku. Nug geha Israel danab ah anuqa, omalatteb, wan amuam ahilagnu, ag aulag daakkunu nokkulag amunu, na nug wan amuppa nokkunu nug oo ɠagattag qette!

Duteronomi 1:38 Referans Kwoze

Duteronomi 3:28

Amge na Josua, nug geha danab ah imu anuqa omalatteb, ag Jodan le mataɗna, nug geha wan na gemu amenppa anidkkut ele, nug danab ah ehanatteb, ag wan amu aoglag amunu, na aakkude nug amegppa nug, amu genabnab genab hekkunu anana, ɠagattag mette!” Yawe da amelppa anam aum.

Namba 14:30

Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

1 Samuel 16:22

Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.

Duteronomi 31:23

Aria, Yawe ⌊aum bia, Moses, Josua ele aa mettid haknu peh lag odppa daaeheh, Yawe amu mattia mala,⌋ Nug Nan Bekka Josua, ehah nai imu mettom: “Na ɠagattag daan, ootppa ɠagattag ele doye! Aɗinu? Da Israel danab ah wan madakkulnu, dahil nai ɠagattag qette ami amu, na ag amuppa omaladna nokkutoitte. Da ag ele daagnig,” awa aum.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.

Namba 26:65

Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.

Namba 14:38

Danab 12 ag wan amu italkkulagnu goppig, amge Nan bekka Josua, amu Jepune bekka Kalep ele aakkuib amu bau daapiɗ.

Namba 13:16

Danab amu ag, Moses nug ag Kanan wan tutukku neegna anidkkulagnu maatte goppig. Josua nug am Nan bekka. Tatam amu, nug onig Hosia dayom, amge Moses nug onig Josua ataɗom.

Namba 13:8

Israel dilag huu okkai Epraimnu am, Nan bekka Hosia.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Eksodas 24:13

Yawe Nug Moses amegppa anam a, aria Moses nug nuhig maɗi nid Josua ele aa ahaya, Moses nug Kayaknu qauko igippa tekkunu teum.

Josua 1:1

Yawenu maɗi nid Moses nug mauhom dimppa amu, Yawe Nug Nan bekka Josua, Mosesnu ehanittak danab, Nug nug amegppa aum.

Namba 34:17

“Na danab laala ag wan ag aulag daakkunu epeɗin paniglagnu otiatte! Danab amuam mana mettak danab Eleasar, Nan bekka Josua ele,

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

Jeremaia 40:10

Da amu, da ippa Mispa daappi, Babilon dilag okkai ag anigkkulagnu uɗiglag amu, ag uɗippeg, ig qagmeta daat, nai mattignig. Amge ag amu, ag gona, ee laala, amuam grep meu wain haknu, ad meu aam haenppa lep mette, amu olip meu goɗen haknu ele, ag amu aon, hinaippa inana, aab anen anen ag aguppa daaglagnu aoppig amu, ag aguppa daan oiyeg!” awa aum.