Duteronomi 1:37 - Nobonob Baibel

³⁷ ⌊Dahilnu amu,⌋ Yawe Nug ag beɗulagppa ha, dahilnu ele oo nauhe, ⌊haen amuppa⌋ da amelppa aum. “Na wan amuppa ii nomana!

Duteronomi 1:37 Referans Kwoze

Duteronomi 4:21

Amge ag beɗulagppa, Yawe Nug dahilnu oo nauhom. Nug da Jodan le mataɗe, wan ena Yawe, ahilag Kayak, Nug ag aulag daakkunu madakkunu hette ele, amuppa ii nopanu nuhig nai ɠagattag qetta aum.

Namba 20:12

Amge Yawe Nug Moses, Aron ele amelahppa aum. “Aa Israel danab ah da am Kayak oppiaawak ele daattem Israel danab ah ippunadkkulahnu dahilnu oolahppa elele genab ii doopiɗ amunu, aa geha da wan Israel danab ah madakkulnu hettemnu ami amu, aa appa ii diiya nomaya,” awa aum.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.

Namba 27:18

Moses nug anam Yawe amegppa a amu, Nug Moses amegppa aum. “Da Ouɗil amu Nan bekka Josua, nuhigppa daatte amunu, nug onigppa eppe uɗiaɗ! Nug uɗieb amu, na heppe, nug mana mettak danab Eleasar, amu danab ah oh ele noolagppa hibaitta dayebeb, baɗ mette! Amu na anam hekkutnu amu, na nug aakku nahip aben aokku ippunattak henana, nug gukka laplap eppen mekkut.

Duteronomi 3:27

Na amu Jodan le ii mataɗmana, amge na neegna, wan anttakib hekkut amunu, na Pisga qauko igippa tena daanna, laih laih ohppa neegppe ukkeb, na wan atu amu oh anidkkut.

Duteronomi 31:2

“Gemu da dahil maɗ 120 amunu, da anuqen, ag omalatte gokkulnu elele iitta. Yawe Nug da Jodan le mataɗe gopanu da amelppa aum.

Duteronomi 32:52

amunu na piɗe daanna, wan anidkkut, amge na wan, da Israel danab ah madattem, na amuppa ii nomana.” Yawe Nug anam Moses amegppa aum.

Duteronomi 3:28

Amge na Josua, nug geha danab ah imu anuqa omalatteb, ag Jodan le mataɗna, nug geha wan na gemu amenppa anidkkut ele, nug danab ah ehanatteb, ag wan amu aoglag amunu, na aakkude nug amegppa nug, amu genabnab genab hekkunu anana, ɠagattag mette!” Yawe da amelppa anam aum.

Duteronomi 4:22

Da ii nopanu aum amunu, da wan imuppa mauhkkul. Da Jodan le ii mataɗpa. Amge ag am wan aoppeg, ahilag daakkunu Jodan mataɗna wakkulag.