Duteronomi 1:36 - Nobonob Baibel

³⁶ Jepune bekka Kalep nug aakkuib wan amuppa nokku. Nug wan amuppa nokkunu diig am, nug da, Yawe, nug da tutukkunab dim lamiɗom. Da geha nug, am nug buɗuppan ele, wan haen nug lokkumakppa itala oiyom ele, da wan amu laa ag madakkul,” awa aum.

Duteronomi 1:36 Referans Kwoze

Namba 14:24

Amge dahil maɗi nid Kalep, nug am diig laa; nug oo unuqag eleppa genab da dim lamiɗtte amunu, da geha nug omale, wan nug ukkom eleppa gokkul. Amu nug buɗub ag geha wan amu aon daaglag.

Namba 26:65

Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.

Namba 13:30

⌊Danab ah ag lokkumakppa atu italak danab ag mattieg doona, ag huana baɗappig,⌋ amge Kalep nug Moses noobppa, danab ah toettan daaglagnu anana, nug aum. “Yawe Nug ehanigkku amunu, ig hekkunignu elelenab. Anam amunu, ig gota, wan amu, ig aguppa daagnignu aotu!” awa aum.

Namba 13:6

Israel dilag huu okkai Judanu am, Jepune bekka Kalep.

Namba 34:19

Israel dilag huu okkai anen anenppanu danab otiadkkulag ele onilag amu iikku. Kalep, nug am Jepune bekka. Nug am Israel dilag huu okkai Judanu.

Hibru 3:16

Anukka aun aɗi ag Kayak oɗe doona, hibguitta hena, nai nuhig tappaeg neum? Amuam danab oh Moses nug omalatte, Isip uun, ahan goppig ele. Ag kobol amu heppig.

Sam 63:8

Da na guguitten dim lamitti oiɗɗa, na da atognoiɗna autnanab aottem.