Duteronomi 1:35 - Nobonob Baibel

³⁵ “Ag aun aɗi ag naittuɗ meppig ele, ag menuattak huu laippu bia, ag nau hetteb ele amu, ag oolagppa laippu laa nug geha wan ena da ag mamelkad aɗi madakkulnunab nai ɠagattag qetten ami ele amu, nug am bau dayaya, ii anidma.

Duteronomi 1:35 Referans Kwoze

Sam 95:11

Anam amunu, da ool nauhe, da keeke laa hekkulnu dahil nai ɠagattag qein ami. ‘Danab ah amu ag hik awak dahil iinab aomna.’ ” Yawe Nug anam aum.

1 Korint 10:5

Amge Kayak Nug danab ah kuɗum ag ahilag eheɗ hak nau amu andatta, amuppa Nug ahilagnu oo ena ii dayom amunu Nug he, ag atu taɗakppa mauhppig.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Hibru 3:16

Anukka aun aɗi ag Kayak oɗe doona, hibguitta hena, nai nuhig tappaeg neum? Amuam danab oh Moses nug omalatte, Isip uun, ahan goppig ele. Ag kobol amu heppig.

Duteronomi 2:14

Anukka ig Kades Barneanu ahat ukkaut, maɗ 38 uue, ig anam Seretnu oolnu noak oppat-ta gomut. Am Yawe Nug anam daakkunu nuhig nai ɠagattag qetta aum bia, danab ag Kades Barnea tatam appa daanna, ban haknu ɠagattag elele amu, ag maɗ 38 amu ooppa ohnab mauhadppig.

Sam 106:26

Ag anam heeg, Yawe Nug eppeg huma, nuhig nai hekkunu ɠagattag qetta ana, Nug heeb, ag atu taɗakppa mauhkkulagnu,

Esekiel 20:15

Da hei, ag padal ii meppig, amge atu taɗakppa da inam hemi. Da eppel hume, da omaladppi, ag wan laappa, wan amuam wan enanag, wan ittag ele, amuppa ee meu huana otte, wan amu neekkak nuhig ele enanag, wan laa oh eɗattak, da wan amu madakkulnu ami amu, ag wan amuppa ii gomananu dahil nai ɠagattag qetten mattimi.

Duteronomi 1:8

Da wan imu oh ag madattem!” Yawe Nug anam aum. Wan amu ohnu amu, Yawe Nug ag mamelkad aɗi, amuam Abraham, Aisak, Jakop ele, amu ag buɗulkadppa ele madakkunu nuhig nai ɠagattag qetta aum amunu, ag amuppa nona, aon dayeg!