Duteronomi 1:33 - Nobonob Baibel

³³ Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.

Duteronomi 1:33 Referans Kwoze

Namba 10:33

Moses nug Hobap ele aa amu mattiya malaeh, dimppa amu Israel danab ah ag Sinai qauko uuna, ag digmena, deɗ ewam goppig. Laa ag Yawenu Tituanak Nainu Kunup kontrak inak ele, laa ag amu maoppig ele amu, ag Yawe Nug ag haen tutu dayak aab adekkuppa kalaglagnu ippuanatteb daaglagnu, ag danab ah noolag aon anuqna goppig.

Sam 78:14

Nug amunppa lombigppa ag noolag awa ukkom. Ao, tuqan haenppa Nug aab ewewe, amahlak amuppa ag noolag awa ukkom.

Nehemaia 9:12

Amunppa na lombig teppu ele attan takppa daan, noolag aon gonana, tuqan na aab ewak okkai attan takppa daan, noolag aonna, amahlak mattan, atten atten oiglagnu daye ippunadnana, noolag aon gome.

Sekaraia 2:5

Amu Yawe Nug atte. Aab laa aɗ iitta, amge aab ewak hanhan aab amu talilitta ewawa dayaya, aab amunu aɗ daatte, amubia da dakka, da Jerusalemnu aɗ daakkul amunu, diig amunu laa ag aab amuppa, aab amunu aɗ dimittim daaglag ele ag enaib, maɗoɗ ele, qagaiettak iitta ele daaglag. Amu da, da aab amunu binag amahlak oppiaawak ele daakkul, awa atte.” Engel laa nug engel laa amegppa nid amu amegppa anam akkunu aum.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Sam 105:39

Yawe Nug amunppa ehanatta he, lombig ikkilagppan blanget bia tonatte goppig. Ao, tuqanppa amu Nug he, aab dittiak naɗi gatatuppa amahlom.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Sam 77:20

Na nahipad danab ah sipsip ameg laa diia ukkak bia omaladme. Na Moses, Aron ele ehanate, aa amu hepiɗ.

Eksodas 14:24

Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.