Duteronomi 1:32 - Nobonob Baibel

³² Da Nug ahilagnu anamnab heum ami, amge ag amu doon, ag doonna, Yawe, ahilag Kayak, ag nuhignu oolagppa genab doyak uuppig.

Duteronomi 1:32 Referans Kwoze

Sam 106:24

Israel danab ah ag Kanan noaknu uuppig. Ag Yawe ag ehanadkkunu nai anan qakkom ele, ag nai amu oolagppa genab ii dooppig.

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.

Hibru 3:12

O lailad, ag lailag laa ag oolagppanu nug dabmak nau, amu ooppa genab doyak ele iitta, amubia oiyaya, Kayak bauklel dimettamanu, ag dabmena autna aweg!

Sam 78:22

Yawe Nug aɗinu ahilagnu oppoɗi beum? Ag Kayak, ag nuhignu oolagppa genab ii dooppig. Ao, Nug ag atognoadkkunu genab elele ii dooppig.

2 Stori 20:20

Aria anam heeg ukke, deɗ amu uue, deɗ amu wagɗe, Juda dilag daup ag ahan, atu taɗak onig Tekoa, ag appa gokkulagnu goppig. Ag gokkulagnu daaegeg, Jehosapat nug aha, danab ah amelagppa aum. “O Juda danab ah oh, laa ag Jerusalemnu, laa ag Juda wanppa laih laihnu, ag dahil nai doyeg! Ag Yawe, ahilag Kayak, ag nuhignu oolagppa genab doyeg! Ag amu hekkulag dayeb, Nug heeb, ag ɠagattag qak daaglag. Ao, ag nuhikkud propet nainu oolagppa genab doyeg! Ag amu hekkulag dayeb amu, ag aɗi hekkulagnu hetteb, amuam meu okku.” Jehosapat nug anam awa aum.

Hibru 4:2

Aɗinu? Ig anukka Israel ag Nai Ena dooppig bia, ig ele doomut, amge ag am hamu bia doonna, ag oolagppa genab ii dooppig amunu, Nai Ena ag dooppig ele amu, ii ehanattom.

Namba 14:11

Ag antteg amu, Yawe Nug Moses amegppa aum. “Danab ah imu ag dahilnu, ‘Keeke hamunab,’ dootteb; amu haen gane laa ele ukkeb, ag dabmak amu uuglag? Da ag oolagppa dahilnu dabmettaknu kobol danab haknu elele iitta iɗu iɗu hattami, amge ag dahilnu oolagppa genab ii dootteb. Amu haen gane laa ele ukkeb, ag dabmak amu uun, ag dahilnu oolagppa genab dooglag?