Duteronomi 1:31 - Nobonob Baibel

³¹ Am anamib Yawe, ahilag Kayak, Nug nid mameg nuhig nid atognotte bia, Yawe Nug atu taɗakppa ag tuɗid ele mawatta atognoattatta, diiatta, aben imuppa uɗiom ag anidppig bia hekku.” Da ag amelagppa anam ami.

Duteronomi 1:31 Referans Kwoze

Aposel 13:18

Nug eɗua diia uɗieye amu, atu taɗakppa nug ahilag hak nau amu maɗ 40 Nug mawom.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Eksodas 19:4

‘Da Isip appa keeke oh ehanatte hei, ag anidppig. Amu ai igel anig nug nakkud yuɗ, nug haugppa mawadtte, amubia da ag mawatte omalatte, aben imuppa, dahilppa uɗimi amu, ag amu oh ele aakku anidppig

Namba 11:14

Danab ah imu oh amu, da dakka dabmatte, atognokkulnu elele iitta. Aɗinu? Uɗat amu haknu am uug naunab ele, da maokkulnu elele iitta doottem.

Duteronomi 32:6

O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Jeremaia 31:32

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!