Duteronomi 1:29 - Nobonob Baibel

²⁹ Amge da ag amelagppa ami. “Ag baɗak eheɗ nau aib dooppig! Ag aib baɗappig!

Duteronomi 1:29 Referans Kwoze

Namba 14:9

Keeke laippu am okkainab daatte. Amuam, ag Yawe dimettan, nuhig nai aib tabappeg noum. Laa amu, ig geha danab ah wan amuppanu eɗadta autta aognig amunu, ag aib ahilagnu baɗappig. Ag am ehanittak laa iitta, amge Yawe Nug ig ele daattem. Ag ahilagnu aib baɗappig,” aoya apiɗ.

Duteronomi 1:28

Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Nehemaia 4:14

Da amu hein maloya, da keeke oh antte, itale malen, da anuqak danab, Juda dilag ehanittak anuqak danab, amu danab ah laa oh ele amelagppa ami. “Ag kekeɗ dilagnu aib baɗappig. Naɗi, Nug ɠagattag okkai ele, danab Nug antta, ebehi oh bodoetta le mette elenu Kayak, Nug daatte amunu, ag Nug dabmenana, ag, ag awalkad amalkad, ag bekkalkad aɗelkad, ag waalkad, ag laulkad ele ena daaglagnu ban heig!” awe ami.

Duteronomi 7:18

Amge ag ahilagnu aib baɗappig! Yawe, ahilag Kayak, Nug Paro, amu Isip wan ohppa ele dilagppa heum amu, hak amu ag daulagppa doaɗ!

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

2 Stori 20:15

Amu Yawenu Ouɗi Nug Jahasiel, nuhigppa daye, Jahasiel nug aum. “O King Jehosapat na, amu ag Juda danab, laa Jerusalemnu, laa Juda wanppa laih laihnu amu, ag oh nai doyeg! Yawe Nug ag amelagppa inam atte. ‘Ag daup huanaknab uɗin daatteb amu, ag amu dilagnu aib baɗappig; ahilag dabmak amu dilagnu qe nak aib dayom,’ awa atte. Aɗinu? Ban imu haknu am ahilag keeke iitta. Iitta! Am Kayaknu keeke.

Nehemaia 4:8

Ag oolag huana nauhe, ag qagmena, ag banenig uɗin heppeg, ig danab ah Jerusalem daattem ele ootot daagnignu maittak aoppig.