Duteronomi 1:28 - Nobonob Baibel

²⁸ Ig attem heta, wan amu ooppa nota aognig? Ihinkad lokkumakppa atu italak danab ag nai aeg, ig oonigppa gai-iitta doottem. Ag atteb, ‘Danab wan amuppan ag am elab, ag ahilag ɠagattag amu ig eɗikkak. Aab okkai ahilkad am okkai okkai, aab amunu aɗ amu attannab tak. Appa danab okkai okkainab daatteb. Danab okkai okkai amu ag am Anak buɗubppan!’ ” Ag anam aakku appig.

Duteronomi 1:28 Referans Kwoze

Ikki Danab 1:20

Am Moses nug Hebron aab Kalep aokkunu amegppa nai anan qakkom amunu, Juda danab ag nug medappig. Mettaeg amu, Kalep nug danab ah appa daappig lamatta eɗattom. Danab ag appa daappig am Anak bekkod ewam, ag buɗulkadppan danab.

Josua 15:14

Kalep nug Anak danab ewam Hebronnu lamatta eɗattom; ag onilag am, Sesai, Ahiman, Talmai ele. Ag oh am Anak buɗub.

Josua 14:8

Da wan amunu anam aakku mattimi, amge da lailad, da ele oh gomut ele amu, ag ahilag naippa heeg, danab ah ag eheɗ baɗappig. Amge dahilnu amu, da Yawe, dahil Kayak, da meul ohppa Nug oɗe dim lamidmi.

Josua 11:22

Anak buɗub laippu laa uuitte, Israel wanppa laa iinab dayom, amge laala ag Pilistia wanppa, aab Gasa, Gat, amu Asdot ele appa daappig.

Esekiel 21:7

Na anam mahin gaappe, Israel laa ag ‘Aɗinu na anam hettem?’ oɗ medappeg, na inam appe doyeg! ‘Kayak Nug kobol laa uug naunab ele bekkun daatte am da amelppa aum amunu, da inam hettem. Kobol laa beeb, danab ohnab ag dabmak ɠagattag iitta ele daappeg, ag eppelkad ele gai-iitta mekkulag. Ag oolagppa ɠagattag dayaknu dabmak laa iinab dayeb, ag gatelkad am eɗun, le bia daaglag. Kobol amuam genabnab genab bekku.’ ” Naɗi Yawe Nug anam atte.

Aisaia 13:7

Yawe Nug geha anam hekku amunu, danab ah oh geha ebehilag gokkaɗa nekku. Ao, ag oh ag oolagppa ɠagattag iinab daamna.

Ikki Danab 1:10

Amu Juda ag banelag gona, Hebron, anukkan onig am Kiriat Arba amu, ag appa noeg, Kanan danab ag appa daappig, ag ag ele ban heppig. Hebron appa amu ag Sesai, Ahiman amu Talmai ele, ag ag, ahilkad ban daup ele eɗadppig.

Josua 2:24

Aa ele apiɗ, “Yawe Nug genabnab wan imu oh ig mekkom amunu, danab ah wan amuppa daatteb, ag oh ihinignu baɗak okkai dootteb,” aoya apiɗ.

Josua 2:11

Haen ig ag king aɗit, ahilti danab ah ele dilagppa heppig doomut amu, ag Israel, ahilagnu amu, ig baɗak okkai doota, ooppa ɠagattag doyak ihinig iitta meum. Aɗinu? Yawe, ahilag Kayak, Nug hab aabppa Kayak daatte, ippa wanppa ele Kayak daatte.

Duteronomi 20:8

Ban daup ikki ag anam awona, ag tuɗidna, inam ele akkulag. “Aun laa na baɗak, o na ban haknu elele ii doottem? Na anam bia doottem dayeb amu, na laa amu ippunidppe, nug ele anam doya, nug baɗa, ban ii hemanu na aabppa ukke!” Ag amu ele akkulag.

Eksodas 15:15

Edomnu ikki danab ag eheɗ nau baɗaglag. Ao, Moap danab ɠagattag ele amu, ag ebehilag huanaknab hahaɗadkku. Kanan danab ah dilag ɠagattag am eɗua, le mekku.

Genesis 11:4

Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.

Duteronomi 1:29

Amge da ag amelagppa ami. “Ag baɗak eheɗ nau aib dooppig! Ag aib baɗappig!

Duteronomi 2:10

⌊Moap wanppanu amu,⌋ danab okkai okkainab, Em atteb amu, ag appa daadppig. Ag am kuɗumnab, ɠagattag ele. Ag am danab elab elab Anak danab bia. Anak ag ele danab okkai okkai.

Duteronomi 7:17

Am ag inam dabmekkulagtai. “Wan anen anen umun danab, ag ahilag ɠagattag ig eɗikkak daatteb amunu, ig attem heta lamadkkunignu elele daagnig?” Ag anam dabmekkulagtai.

Duteronomi 20:20

Amge ag ad laala ag dootteb, am ee iitta, ag amu oadkkulag. Ag amu diin, aab okkai amu talilittak, ban haknu keeke hattana, ban hebeppeg ukkeb, eɗitteg!