Duteronomi 1:27 - Nobonob Baibel

²⁷ Ag peh ahilkadppa daan, naittuɗ mena appig. “Yawe Nug ihinignu nau ninig ele dootte amunu, Amo danab ag ig iqaglagnu, Nug ig Isipnu awikka, omaikka ippa uɗiom.

Duteronomi 1:27 Referans Kwoze

Duteronomi 9:28

Na heppe, danab ah imu padal mekkulag dayeb amu, Isip ag akkulag. ‘Yawe he, padal meppig diig am, Nug wan ag madakkununab nuhig nai ɠagattag qetta aum amu, Nug amu hekkunu elele iitta.’ O iitta, ag akkulag. ‘Nug he, ag nauhppig diig am, Nug ahilagnu nau ninig ele doyom; Nug atu taɗakppa ag aqakkunu Nug Isipnu diia, omalatte uɗippig,’ akkulag.

Sam 106:25

Ag wan amuppa nokkulagnu elele, amge ag peh ahilkadppa daan, naittuɗ meppig. Ag pehppa daanna, naittuɗ menana, Yawe oɗe doon hekkulagnu uuppig.

Namba 14:3

Yawe Nug aɗinu omaikkeb, wan amuppa gokkunignu hette? Danab ag appa daatteb, ag am ihinig kekeɗ, ig ag ele ban heta amu, ag ig iqaglag. Ag iqappeg mauhpput amu, ag ihinkad ah, nid naunau ele aɗualadppeg, ag eppelagppa daaglag. Ig wan amuppa gokkunig am ena iitta. Ig eɗut Isip gokkunig amu ena,” aon appig.

Luk 19:21

Aɗinu? Da na anidttem, na danab ɠagattag. Danab laa nug keeke me daatte amu na aona, danab laa ee ebatte amu, na amunu meu ele aottem. Amunu da nahipnu baɗami,’ awa aum.

Matyu 25:24

Am danab nug talent laippu awom nug ele doa, nuhig okkai amegppa aum. ‘Naɗi, da doottem, na am danab ɠagattag, na ii eppameppa meu aokkutnu doottem. Am na ee aeg ii tauɗmeppa ele meu aokkutnu doottem.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Eksodas 16:3

ag aa amelahppa inam appig. “Ig Isip daapput, Yawe heeb mauhlom am ena. Aɗinu? Aa ig awigya, omaigya atu taɗak ee iitta ele imuppa enug iqeeb, ig ohnab mauhkkunignu uɗipiɗ. Isip appa amu, ig daatta, ig doɗ teppu, ee iɗu iɗu laa ele elelenab lakkunignu amu, ig aot lamut,” aon appig.