Duteronomi 1:19 - Nobonob Baibel

¹⁹ Yawe, ihinig Kayak, Nug ig anam hekkunignunab amenigppa a, ig Horep qauko uut, ahat yawaita, atu ag aakku anidppig ele amu, atu taɗak okkainab amuppa oit oit gomut. Danab nug atu taɗak amunu baɗak dookkunu elele. Ig atu taɗak amu oppat-ta gota, Amo dilag wanppa, laih qauko qauko eleppa tekkunignu teta, ig Kades Barnea temut.

Duteronomi 1:19 Referans Kwoze

Duteronomi 1:2

Danab ag hanhan oinna, qauko Horep uun, qauko Seir qe-eɗidna gonana, Kades Barnea gotteb ele amu, ag deɗ 11 gokkulagnu elele ⌊amge Israel danab ag Yawe oɗe tappaeg ne, haen elabnab atu taɗakppa oippig amunu⌋

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Duteronomi 8:15

Nug ag atu taɗak naɗi, danab antta baɗatte ele, Nug amuppa omalatte uɗippig, amu aib amelag atiom. Atu taɗak amuppa am mat nau, apiap ele, aam gakkaɗak huananab, le ele iitta, amge Nug menppan le he ne mattom.

Duteronomi 32:10

Nug ag atu taɗakppa mattialatta anattom. Yo, wan haɗaettak, amuppa ulah ɠagattag iwaltte amu, Nug appa mattialatta, anattom. Nug ag diia, ahilag guppiɗ dayaya atognoattom. Yo, Nug ag am nuhikkudnab amunu, Nug ha, ag dabmattom.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Namba 32:8

Haen ig Kades Barnea daatta, da ag mamelkad laala wan italkkulagnu maatti goppig amu, ag eɗun uɗin, ag heppig amubiaib ag gemu hetteb.

Duteronomi 1:7

Ag ahan, haen tutu dayaknu aab kalak uun gokkulagnu haen doum. Ag ahan, Amo dilag wan qauko qauko ele, amu atu laala, atu amu guguittak daattebppa ele gona, ⌊appan danab ah lamatteg⌋! Amuam laa ag atu onig Araba daatteb, amu laa ag qaukoppa daatteb, amu laa ag qauko qaban uɗitteppanu daatteb, qauko amu diigppa qauko nakok daatteb, laa ag amuppa daatteb, laa ag Negeb daatteb, laa ag uɗem okkai yu guguittakppa, appa daatteb. Ag Kanan danab dilag wan amu oh, Lebanon wan ele, ag appanu ukka ukka, Yupretis leppa batak ukkeg!

Duteronomi 1:20

Ig teta, da ag amelagppa ami. “Ag gemu amu, ag Amo dilag wanppa laih qauko qauko ele, Yawe, ihinig Kayak, Nug ig wan amu megakkunu hette ele amu, ag aakku anidtteb.

Duteronomi 2:7

Amu aɗinu ⌊Yawe Nug ag ee, le ele daden mekkulagnu aum⌋? Yawe, ahilag Kayak, Nug ag aɗi aɗi eppelagppa heppig ele amu, Nug uɗat amu oh itattom. Nug ag atu taɗak naɗi amuppa gonana, keeke ohnu heegeg, Nug ag atognoattom. Maɗ 40 imu ooppa, Yawe, ahilag Kayak, Nug ag ele daanna, aɗi keeke ag amu aon, bau daaglagnu doyom amu, Nug amu elele matte, ag keeke laanu ii tutu meppig.

Namba 13:13

Israel dilag huu okkai Asernu am, Maikel bekka Setur.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Josua 10:41

Josua nug danab Kades Barneanu ukka, Gasa batak, amu wan atu aab Gosen talilidtte ukka, Gibeon appa batak oh eɗattom.