Duteronomi 1:1 - Nobonob Baibel

¹ Buk imu amu Israel danab ah ag laih Jodan lenu kaɗag uɗitteppanu, appa atu onig Araba, appa daaegeg, Moses ag amelagppa nai mattiom ippunigtte. Ag haen tutu dayaknu aab Araba appa, Sup guguittak kalan daappig. Paran amu ag heqolag laih dayeye, Topel, Laban, Haserot, Disahap ele amu heqolag laih daappig.

Duteronomi 1:1 Referans Kwoze

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

Josua 22:7

Amu Moses nug matu Basan wan, wan amuam laih Jodannu kaɗag uɗitteppanu daatte amu, nug wan amu Israel dilag huu okkai Manase mahaib ag mattom. Amu Josua nug Israel dilag huu okkai Manase mahaib laa, am wan laa laih Jodannu qaban uɗitteppanu, ag lailkad oolagppa ag mattom. Aria gemu amu, Josua nug Ruben, Gad, amu Israel dilag huu okkai Manase mahaib ele, nug danab amu oh maatteb gokkulagnu heum amunu, ag anam gokkulagnu daaegeg, nug ag itattowa,

Josua 22:4

Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Josua 9:10

Ig Yawe Nug Hesbonnu King Sihon, amu Basannu King Og, nug Astarot dayom amu, ig Nug ahilahppa aɗi heum amu, ig doomut. King aɗit amu aa Amo dilag king, aa Jodan lenu kaɗag uɗitteppanu daapiɗ.

Josua 9:1

Aria, Jodan lenu qaban uɗitteppanu king oh ag aɗi keeke beumnu dooppig. King amu ag am Hit, Amo, Kanan, Peres, Hiwi, amu Jebus ele dilag king. King amu ag wan laih qauko qauko ele, amu qauko nakok qauko okkai diigppa daatteb, amuam laih qaban nedeppan wan laih, amu laih Mediterenia yu ihi ukka, Lebanon batakppa, ag appa daappig.

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Namba 35:14

Jodan laih ippanu amu, ewam mattanna, amu Kanan appanu ag ewam laa nug ii doyaya laa qe mauhomnu ehanittak aab okkai mattaglag.

Namba 34:15

Israel dilag huu okkai aɗit amu, amu Israel dilag huu okkai laa mahaib ele, ag matu aulag wan laih aam bedeppanu, heqo laih, le Jodannu Jeriko guguittak appanu aoppig,” awa aum.

Namba 32:32

Ig geha Yawe noobppa ban hekkunignu bannu keeke aɗualadta, ig le mataɗta, laih Kanan wakkunig, amge keeke aulag ig aognig ele, amuam Jodan le laih ippanu daakku,” aon appig.

Namba 32:19

Aɗinu? Yawe Nug ig wan aunig, ippa Jodan laih kaɗag uɗitteppanu mekkom amunu, ig wan aunig Israel laala ele oh laih Jodannu qaban nedeppanu amu, ig amu ii aomta,” aon appig.

Namba 32:5

amunu na ootppa ihinignu ena doottem dayeb amu, na wan imu, ig, ig am nahipad maɗi nid amu, na ig megakkutnu oonig huana hette. Megappe, ihinig dayebeb, ig wan amuppa daagnig. Na heppe, ig Jodan le mataɗta, laih wata, appa daagnignu oonig ii daatte.” Ruben buɗub, Gad buɗub ele, danab amu ag anam aakku appig.

Namba 13:3

Yawe Nug anam haknunab aum amunu, Moses nug Paran atu taɗakppa, appanu danab amu maatte goppig. Danab amu oh ag Israel dilag ikki danab.

Namba 12:16

Miriam nug haen tutu dayaknu aab kalak amuppanu meeg, dimittim dayom ukke, ag eɗun aon doeg, Israel oh ele daappig dimppa, ag ahan, Haserot uuna gona, haen tutu dayaknu aab bau Paran atu taɗakppa, appa kalappig.

Namba 11:35

Aakku Israel danab ah ag Kibrot Hatawa uun, ahan gona, Haserot appa daappig.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Genesis 21:21

Nug atu taɗak onig Paran amuppa dayeye, nug anig Isip ah laa awa mettom.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Habakuk 3:3

Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Namba 33:20

Ag Rimonperes uun, ahan gona, Lipna appa haen tutu dayaknu aab kalan daappig.

Duteronomi 2:8

Yawe Nug anam aum amunu, ig gotata, Esau buɗub, Seir daatteb, ig lainkad amu, ig ag qe-eɗadmut. Ig qe-eɗadta, ig ib Elat amu Esiongeber ele, aab aɗit amuppanu uɗiaknu ib, ib amu onig am Arabanu ib, ig ib amu uut, ib laa atu taɗakppa ukka, Moap wanppa gotte ele amu, ig ib amu aot gomut.

Duteronomi 4:46

Ag haen tutu dayaknu aab Betpeor guguittak appa oolnu noakppa kalan daaegeg, haen amuppa nug mattom. Betpeor am Jodan lenu kaɗag uɗitteppanu, appa daatte. Sihon, Amo dilag king, nug Hesbon dayaya, nuhikkud danab ah gumattom, ag appa, nuhig wanppa daappig. Moses, Israel ele ag Isip uun, Kanan gokkulagnu gonana, ag Sihon, nuhikkud danab ele eɗadna, heeg nauheg, appa haen tutu dayaknu aab kalan daaegeg, Moses nug ɗo imu oh ag mattom.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.

Namba 33:21

Ag Lipna uun, ahan gona, Risa appa haen tutu dayaknu aab kalan daappig.

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 27:1

Aria, Israel dilag ikki danab ag Moses ele hippaidna daanna, nug haknunab anak nai danab ah matta aum. “Ag haknunab anak nai gemu da ag madattem imu oh tutukku aɗeg!

Duteronomi 29:1

Yawe Nug Israel ele Horep appa nug tituanna nai qagappig. Aria, Moap appa Yawe, ag ele baula nug tituanna nai qagappig. Amuam nug tituanna nai qakkak bau, qauko Horep appa heppig am tuɗittak. Amu Yawe Nug Moses, Israel amelagppa, ag nai amu dim lamidkkulagnu, ag attem attem hekkulagnu amelagppa ab dooglagnunab aum am, amuam aakku.

Duteronomi 31:1

Moses nug nai amu oh Israel danab ah amelagppa mattia mala, nug tuɗitta, nai imu ele ag amelagppa aum.