Daniel 9:22 - Nobonob Baibel

²² Nug uɗia, dabmak meɗaɗa, da amelppa aum. “Daniel, da doyak dabmak ele, diignu doyak tutukku ele medakkulnu uɗimi.

Daniel 9:22 Referans Kwoze

Daniel 10:21

Nug uɗikku, amge tatam da nai buk laa onig Nai Genabnu Buk, nai buk amuppa daatte am appi dookkut. Da amu hekkul amge tatam na imu dookkut. Persia dilag okkai, Grik dilag okkai ele, danab aɗit amu aa da ele ban hettem; laa ehaniɗlob, amge laa anam ii hetteb. Iitta. Nahip ehanittak okkai Maikel, nug nukka ehaniɗtte.

Daniel 8:16

Nug tula ba, hibaitta daye, baag laa, Ulai le daugppa appa aum. “Gabriel, na danab imu nug tulegleg anidtte amu, na tulegleg amunu meu mehuqppe doyaɗ!” awa aum.

Sekaraia 1:9

Da anam anttena amu, engel laa nug da ele nai mattimuɗ amu, da nug oɗ mettami. “O naɗi dahil, umuam aɗinu anam daatteb?” awe oɗ mettami. Da anam oɗ mettai, engel nug da ele nai mattimuɗ amu, nug eɗua, da amelppa aum. “Ag attemun amu, da na ippunidkkul,” awa aum.

Revelesen 4:1

Keeke amu oh dimppa da neekke, hab aabppa od matulak dayeye anidmi. Da baag tatam trampet oqotti bia doomi amu, da baula dooiyi amu aum. “Na inam beppe, da keeke dimppa bekkuoitte ele ippunidppi antte!” awa aum.

Sekaraia 1:14

Yawe Nug engel da amelppa nai mattiom amegppa anam a, engel nug da amelppa aum. “Na danab ah oh nai imu dooglagnu eppe doyeg! Yawe Nukka Ɠagattag Oh Ele Nug inam atte. Da Jerusalemnu, Sionnu ele dilahnu dahil doya laa aomanu doyak aɗe dayak okkai doottem,

Daniel 7:16

Da dabmak huanak anam awen, da laa appa hibaitta dayom ele gumitten ukken, da nug keeke amu ohnu meu tutukku mehuqeb dookkulnu oɗ mettami; aakku nug keeke amu ohnu meu mehuqe doomi. Nug aum.

Daniel 10:14

Nug ehaniɗkkunu uɗiom amunu, da dimppa nahipad danab ah dilagppa aɗi bekkunu meu appi dookkutnu uɗimi. Aɗinu? Tulegleg imuam dimppanu keeke,” awa aum.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Daniel 10:11

Da anam daaiyi, ⌊danab da anidmi⌋ nug aum. “Daniel, Kayak nahipnu ooppa enanag dootte, amu na nai da na amenppa akkulnu hettem amu, na nai amu dabmettan autna awe! Laa he, da na gumitten uɗikkulnu uɗimi amunu, na hippaidna daye!” awa aum. Nug anam a, da hippaidmi, amge da hahaɗeɗe daami.

Daniel 10:12

Nug anam mattie, da hibaitten daai, nug tuɗitta aum. “Daniel, na aib baɗame. Aɗinu? Na digmena, diignu doyak tutukku aokkutnu henana, na nakka na nahip Kayak noobppa na onin qee neum, deɗ amuppanab Kayak Nug nahip unuqittak doya he, da ehanidkkulnu uɗikkulnu hemi,