Daniel 9:13 - Nobonob Baibel

¹³ Moses ɗoppa yom bianab uug naunab amu oh ihinigppa beum, amge ig na ihinignu oot gai-iitta doon oot mekkan ehanigkkutnu ig ihinig hipunin ii dimettat, ig na Yawe, na ihinig Kayak, ig nahip doyak diig genabib ii dabmetat dim lamidmut.

Daniel 9:13 Referans Kwoze

Daniel 9:11

Ig Israel danab ah oh, ig na dimettat, ig na dim lamidkkunignu uut, ig nahip ɗo tippalmut. Moses, nug na Kayak, nahip maɗi nid amu, nug danab ah ag nahip ɗo ii dim lamidkkulag dayeb, ag eheɗ laa awaknu anak waappa daaglagnu aum. Amu nug na danab ah ag nahip ɗo ii dim lamidkkulag dayeb, na uug madakkutnu nahip nai ɠagattag qettan mattime ele yom. Moses nug anam yom amu, na yaak amubia na he, ig bu qak nai ippunigtte bia aomut. Ig hipunin nahip-ppa hemut amunu, ig bu anam aomut.

Jeremaia 2:30

Da ag Israel ag oolag eɗukkunu bu mattami, amge ag oolag eɗukkunu uuppig. Ag laion doɗ laa aqe mauhtteb, amubia ag qep elabppa dahil propet aqaeg mauhppig.

Aisaia 9:13

Anam bekku, amge Israel danab ah ag amu anidna, amuppa oolag eɗueb, laa ag bu madakku ele gumidna iinab gomana. Ag eɗun, Yawe Nukka Ɠagattag Oh Ele, Nug anidna dim lamidkkulagnu ii mattimna.

Hosea 7:10

Israel danab ah ag am beɗuppa tak danab ah. Ahilag beɗuppa tak kobol am he, ag eheɗ hetteb am miag atiak daatte, amge ag Yawe, ahilag Kayak, ag eɗun, Nug waappa daaglagnu, o Nug mattin anidna dim lamidkkulagnu ii hetteb.

Jeremaia 31:18

Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Sam 119:27

Da nahip kobol danab hekkunu elele iitta, da amunu dabmak unuqag awewe daakkulnu amu, na ehaniɗna heppe, da nahip oo yaak nai ɗo bia, da nai amunu meu dooppi ool maidkkunu oɗ medattem.

Job 36:13

Danab ag Kayaknu nuhig haknu ele uuak dootteb amu, ag oolagppa oo aeg bak ambak daatte; Kayak ag dabmak eɗuglagnu dabma, amunu qakkaladtte amu, haen amuppa ele ag amu dabmenana, Nug ag ehanadkkunu onigppa ii etteb.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Epesus 4:21

Iitta. Ag nai dooppig ele amu, ag Jesusnu aeg iite dooppig? Ag Kristen beeg, ag nuhig nai genab aeg iite dooppig? Yo, ag anam dooppig.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Jon 8:32

Ag geha doyak diig genabib dooglag, amu doyak diig genabib amu heeb, ag uhuqak enappa daaglag,” awa aum.

Jon 6:45

Propet dilag yaakppa, nai inam niitte. ‘Danab ah oh am Kayak nukka nuhig kobol ippunadkku.’ Aria aun aɗi Nug ag ehanatta ippuanatte, ag Mame oɗe doona, nuhig kobol aona amu, ag dahilppa dotteb.

Luk 24:45

Nug anam ana, Nug Kayak nai amu ag ag oolagppa tutukkunab genab maitteb dooglagnu ippuanattatta,

Hosea 7:14

Ag oolag unuqagnabppanu da ii unuqiɗtteb. Iitta. Ag niiak balal attan daanna gaatteb. Ao, ag ee aeg bau, wain ele da madakkulnu unuqittak hekkulagnu qagmetteb, amge ag da dimeɗatteb.

Hosea 7:7

Ag oh nau hekkulagnu duttunak okkai doon, aab huana ewawa, keeke he iitta mette bia, ag heeg, ahilkad danab okkai ag iitta metteb. Ao, ahilkad king oh ag nena qeegeg, laa nug da ii unuqiɗtte.

Gayak Nai 5:21

O Yawe, na heppe, ig eɗut, na gumidta wata, anukka ig na gumidta wata, ena daamut bia daagnignu oɗ medattem.

Jeremaia 44:27

Yawe Nug ahilagnu inam atte. “Aɗinu anam bekku? Da heppi, uug ahilagppa bekku. Da heppi, ena ahilagppa ii bema. Juda danab ah Isip daatteb ag qep elabppa, enugppa ele mauhadppeppeg ukkeb, iitta mekkulag

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Aisaia 42:9

Antteg! Keeke da anukka bekkulagnu ami amu, ag aakku beppig. Gemu da keeke bau laanu appi dooglag. Keeke bekkulagnu ii digmeppig ele amu, da ai, ag bekkulagnu daatteb,” awa aum.

Sam 119:73

Na da heiɗme. Ao, na eppen da heiɗom. Na da ehaniɗna heppe, da ɗo nahipnu diignu doyak tutukku doyen dim lamidkkulnu oɗ medattem.

Sam 119:18

Da nahip ɗoppa ena hak genabnabnu ib anidkkulnu, da na heppe, da anidkkulnu oɗ medattem.

Sam 85:4

O Kayak, na Padal ii maknu ehanittak ihinig daattem. Na eɗun aigppe, ig na guguittak daagnignu oɗ medattem. Ao, na ihinignu baula oppoɗin bemanu unuqidttem.

Duteronomi 29:4

Amge anukka, gemu ele ⌊ag kobol amu ohnu diignu doyak tutukku aoglagnu oolagppa guittak ii dootteb⌋ amunu, Yawe Nug ag anidkkulagnu, o ag daulagppa dooglagnu amu, Nug heeb, ag diignu doyak tutukku aoglagnu ii heum.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

2 King 22:16

Yawe Nug inam atte. “Da heppi, uug naunab aben imuppa, danab ah aben imuppanu dilagppa ele, buk Juda dilag king ebqeum eleppa yaak oh niitte bia bekku.

Aisaia 43:22

Da hei, ag Israel ag huu anam daatteb, amge ag Israel, ag Jakop buɗub amu, ag da onilppa ii eppig. Ao, ag Israel buɗub, ag hik aqeeqe, da ii dim lamiɗppig.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Jeremaia 30:14

Wan atu laalappan danab ag ehanadkkulagnu appig amu, danab amu ag ag Juda, ag ahilagnu ag daulag aakku atia malom. Ahilagnu ag, ‘Ag keeke hamu,’ doon oitteb. Ag Jakop buɗub, ag beɗulagppa aab nau ele. Ao, ahilag hipunin am huanak. Am anam amunu, da Yawe, da kekeɗ makkuɗadlo bia da ag makkuɗadmi. Ao, danab nug laa guittak medakkunu ooppa uug ii dootte amu, da amubia ag bu mattami.

Jeremaia 44:23

Ag kalu danab ile muttuɗig enanag bette manan, kayak hambuppuak medappig, ag Yawe, nuhigppa hipunin heppig, ag Yawe oɗe ii dim lamidppig, ag nuhig ɗo, nuhig nai ele ii dim lamidppig amunu, uug naunab ahilagppa beum. Uug beum amu ag aakku anidtteb,” awa aum.

Esekiel 16:43

Na yuɗ daame, ehanittak laa iitta ele daame, na nid ahin daanna, laa atognoidkkulagnu iitta ele amu, haen amuppa da na ehanidmi. Da anam hemi, amge na okkai mena, na dahil ehanittak amu ii dabmeme. Iitta. Na ii dabmenana, na kobol nau huanak hee, da oppoɗil beum. Na anam heme amu, da genab hak nau nahipnu bu elele medakkul. Amu na kobol digdig, da kobol amunu oolppa uuaknab doottem amu, na amu hena, na gappai heeb baknu kobol ele dim lamidme.” Naɗi Yawe, Nug anam awa atte.