Daniel 8:8 - Nobonob Baibel

⁸ Meeme dawai nug anam he, sipsip dawai nug nauha daye, meeme dawai nug onig, ɠagattag okkai ele awa oiyom. Nug anam oiyom, amge nug ɠagattag, onig ele okkainab maama, gogppa te, laa he, qeqeɗi amu qiiom. Qeqeɗi amu qiie, aben qeqeɗi dayomppa amu qeqeɗi waɗele aakku beppig. Qeqeɗi amu ag elab mena, tutukku qappak ii daappig. Iitta. Ag kalin laih laih gona daappig. Laa kalia yawalti uɗitteppanu daye, laa kalia kaɗag uɗitteppanu daye, laa kalia yau uɗitteppanu daye, laa kalia qaban uɗitteppanu dayom.

Daniel 8:8 Referans Kwoze

Daniel 7:2

Nug inam yom. “Da, Daniel, da tuqan tulegleg laa antten, tulegleg amuppa da neekki ukke, ulah waɗele, am yau, yawalti, qaban, kaɗag ele, ag oh uɗin iwalegeg, yu naɗi koɗkoɗ eheɗ qeum.

Revelesen 7:1

Da keeke amu anttoya, da engel waɗele laa, ag wan daug laih laih waɗele amuppa hippaidna, ulah waɗele ippulag aben abenppa uɗippeg, yuppa ulah daamanu, wanppa ulah daamanu, ad amu keeke laala oh ulah aomnanu, ag ulah ippulag oh oo neppig ele anidmi.

Daniel 8:22

Qeqeɗi amu qiie, qeqeɗi waɗele amu beppig am, qeqeɗi amu ag ɗo maɗoɗ waɗele, ɗo maɗoɗ tatamnu abenabppa dimppa bekkulagnu epponaknu keeke daatteb. Ɗo maɗoɗ waɗele ag bekkulag, amge ag ɠagattagnab, king tatam ɠagattagnab dayom, ag amubia, ii daamna.

Daniel 8:5

Da amu antten, dabmein daaiyi, meeme dawai laa, nug qeqeɗi ɠagattag ameg aɗit gamalahppa dayom ele qaban uɗitteppanu uɗieye anidmi. Nug uɗiomppanu wan am oh obata, huan eheɗnab uɗiom, baeg am wan ii tappom.

Daniel 5:20

Amge na mamen nug nukka, nug onig huma, beɗuppa tak danab ba, nug dada danab ele ba dayaya, nug kobol ena hemanu dabmak nuhig ɠagattag eppom amunu, Yawe he, nug king ii daya, binag amahlak oppiaawak ele nuhig ele iitta meum.

2 Stori 26:16

Amge Usia nug ɠagattag ba dayowa, Usia nug dada danab be, kobol amu he, nug na qeum. Nug dada danab ba daya oiya, nug Yawe, nuhig Kayak, nug Nug ippunattomnu oo metta ii uuak kobol ii dim lamitta ha, ⌊nug nukka nug mana mettak danab abenab awa,⌋ nug Yawenu mettid lag ooppa ukka, nug kalu danab ile muttuɗig enanag bette ele amuppa kalu muttuɗig enanag ileb baknu qaɗabppa amotkkunu ukkom.

Mak 13:27

Da uɗien, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Daniel 11:4

Amge nug aha, king ɠagattag anam dayeb ukkeb mauheb, wan oh nug gumakku ele amu obatak dayeb, laala ag gumaglag. Wan amu maha laa am wan yau uɗitteppanu daakku, maha laa am wan Yawalti uɗitteppanu daakku, maha laa am wan kaɗag uɗitteppanu daakku, amu laa am wan qaban uɗitteppanu daakku. Danab waɗele ag wan waɗele amu gumaglag amu, ag laa king daya mauhom ele, ag nug bekkod iitta. Ag danab laa. Amu wan anen anen ag ɠagattagnab, king naɗi ii mauhom haenppa, wan laippu ɠagattagnab dayom, amubia ii daama. Aɗinu? Wan laippu amu obatak waɗele beeb, okkai waɗele laa ag gumaglag.

Daniel 7:6

Aria, amu dimppa da neekki ukke, doɗ ebqak ewam anidmi. Doɗ amuam lepad bia, amge doɗ amu gomeppa haug waɗele, ai haug bia daaeg, doɗ amu ikki am waɗele. Anam amu, laa nug doɗ amu wan gumattaknu ehah nug mettom.

Daniel 4:31

Nebukatnesar nug anam mattia dayeye, haen amuppanab baag laa hab attannu na, inam aum. “King Nebukatnesar, laa nug na king daakkutnu ehah aakku aɗitta awom. Ɗo nahipnu aakku anam daatte.

Esekiel 28:9

Anam amunu, haen nahipad kekeɗ ag uɗin nittaglagnu hebeppeg amu, na haen amuppa ele, ‘Da am kayak laa,’ akkut-te? Iitta! Haen ag eheɗ heidkkulagnu hebeppeg, na kayak iitta, na danabib daakkut.

Esekiel 16:7

Da anam awoya, da hei, na datta keeke eppak ena bette, amubia na ena menana daame. Da anam hei, na ena mena, na ah makkun enanagnab beme, neekkak enanag. Nahip huh am uunela mala, na ikkin uɗug elab neum. Da hei, na beɗun enanag anam beum, amge na bam iitta, beɗun miag ele daame.

Jeremaia 5:27

Danab nug ai uhuippa awa, ai lakka maatte, ambak daatte, amubia danab amu laulkadppa en huanak daatte, amge ag keeke amu aoglagnu amu, ag kobol hambuppuakppa hena aoppig. Ag keeke kuɗum amu anamppa aoppig amunu, ag enub danab, ɠagattag ele daatteb.

Esta 9:4

Am king nug Mordekai awa me, gumak uɗat aben attannabppa ta daye, nuhig hak, nai amunu wan maha ohppa ugekke, nug binag awe, ɠagattag okkai ele naɗi meeme, nai amu ele ukkom ⌊amunu, okkai danab laa ag nuhignu baɗappig⌋.

Duteronomi 31:20

⌊Aa ahi amu yaaya ippunadkkulahnu diig am inam.⌋ Da Kayak, da geha Israel danab ah diie, wan ag mamelkad aɗi madakkulnu dahil nai ɠagattag qette ami, amuppa nokkul. Wan amuam enanag, wan ittag ele, amuppa ee meu huana otte. Appa ag ee ohnu elele lanana, ag beɗulag ena ele daaglag. Haen ag anam daan amu, geha ag da guhuɗilna, digmen kayak laala noolagppa dup nona binalag mekkulag; ag dahilnu ena iinab doonna, ag da ele nug tituanak nai qakkak hemut, ag amu tippalkkulag.

Jeremaia 49:36

Ulah aben ohppa uɗitteb, amuam yawalti, kaɗag, yau, am qaban ele. Ulah amu oh aben ohppa uɗin, keeke uug iitta ele aon, laih gotteb, amubia da heppi, kekeɗ ag uɗin, Elam eɗadna heppeg, Elam danab ah ag wanppan wan ohppa matatun gona daaglag. Ge, Elam danab ah ag diia ukka laih me dayak danab ah wanppan wan ohppanab daaglag. Wan laippu laa ii eɗidmana.

Daniel 8:7

Nug qaietta ukka, sipsip dawai qekkunu huana ha, nug he, sipsip dawai qeqeɗi aɗit oh aakku qiipiɗ. Qeqeɗi qiieh, sipsip dawai nug ɠagattag daakkunu, aɗi laa hekkunu am elele iitta. Nug gai-iitta anam dayeye, meeme dawai duttune, sipsip dawai na qe, meeme dawai nug baegppa tappa oɗoɗe nauhom. Amu laa nug sipsip dawai ehanitteb, ena daakkunu elele iitta.