Daniel 8:13 - Nobonob Baibel

¹³ Aria, da Daniel, da tuleglegppa amu antten, da laa Kayaknu oppiaawak ele daatte, nug nai mattieye, laa, nug ele Kayaknu oppiaawak ele, nug nug amegppa nai laa aum am, da ahilah nai doomi. Nug oɗ metta inam aum. “Tulegleg danab imu anidtte ele, nug tuleglegppa keeke digdig anidtte. Amu keeke amu oh ba malakku; amu haen gane laa ele ukkeb, keeke amu oh ba malakku? Tuleglegppa nug inam anidtte. Qeqeɗi amu nug heeb, deɗ oh Kayaknu mana mettak ii hemana, nug tappe nak nau heeb, nauhak okkainab daakku, nug heeb, Kayaknu mettid lag am nug eppegppa dayaya, keeke hamu bia daakku, amu nug Kayaknu daup eɗatta, heeb nauhkkulag,” awa aum.

Daniel 8:13 Referans Kwoze

Revelesen 11:2

Amge na Kayaknu mettid lagnu haɗap, iitta aɗi ag aguppa oitteb amu, na haɗap amuppa melemel aib meme. Haɗap amuam melemel maknu dimittim dayaɗ! Aɗinu? Kayak Nug haɗap amu iitta aɗi ag amuppa daaglagnu otiom. Amu iitta aɗi ag Jerusalem, aab okkai amuam Kayaknu amu, ag aab amu kalam 42 eheɗ naunab hettaglag.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Daniel 9:27

Wan laappan okkai amu nug danab ah kuɗum, wan atu kuɗumppanu ele nug tituana nai qakkak hekkulag. Amu haen maha amu gamagppa okkai amu nug heeb, Israel danab ah ag mana mettak, ofa ele iɗu iɗu Kayak mettaglagnu elele iitta daaglag. Okkai amu nug anam ha, nug heeb, ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lagppa qabappeg daakku. Nug heeb, ag appa qabappeg, keeke amuam anam dayeb ukkeb ukkeb, Kayak ib attenppa danab okkai amu nauhkkunu ɗo laa meum amu, ib amuppa danab okkai amu nug nauhkku.” Gabriel, nug da, Daniel, da amelppa anam aum.

Daniel 11:31

King amu nug heeb, nuhikkud daup ag heppeg, Kayaknu mettid lag am Kayaknu neekkakppa dubuttid tak ele daakku. Kingnu daup ag Israel deɗ oh doɗ manan, Kayak medatteb, ag amu baula hemananu appeg, ii hemana. Ag keeke naunab laa, keeke amuam heeb nauhak bekkunu keeke, ag keeke amu Kayaknu mettid lag, amuppa qabappeg daakku.

Daniel 4:13

Da abenppa niieye, tuleglegppa keeke digdig anidmi, amu andette, da neekki ukke, da noolppa nai awa ukkak danab laa, nug Kayaknu oppiaawak ele, nug hab attannu neum anidmi.

1 Pita 1:12

Aria, keeke amunu, Kayak Nug propet ag amelagppa Mesaia Nug ag ahilag haenppa beeb anidkkulagnu iitta, Mesaia Nug ag gemu daatteb, ahilag haenppa beeb anidkkulagnu aum. Amu ag keeke gemu daulagppa dootteb, Nai Ena amu Naɗinu maɗi nid ag Kayak Ouɗi hab aabppanu ɠagattagppa nai mehuqegeg dootteb amu, propet ag amunu anukka hettoɗin madippig. Keeke amu engel ag ele dooglagnu oolag naɗi daatte.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

1 Tesalonaika 3:13

amu deɗ Naɗi Jesus Nug nuhikkud oppiaawak danab ah ele eɗun nekkulag amu, deɗ amuppa ag ig Mamenig Kayak, ag Nug toppa danab ah oolagppa kaliak laa iitta, ag Kayaknu danab ah oppiaawak ele daaglagnu, Naɗi Nug heeb, ag oolag ɠagattag daaglagnu oonig ele daatte.

Luk 21:20

Amge dimppa haen ag laa dilag daup ag uɗin, Jerusalem talilidppeppeg anidna, ag amuppa dooglag, aab okkai imu he nauhaknu haen aakku miag daatte.

Mak 13:14

Anam amge, danab aun nug nai imu ebqette amu, nug meu nuhig tutukku aokkunu dabmaɗ! Ag keeke naunab laa, nug aab he nauhtte ele, ag keeke amu ii daalo, amuppa daatte anidkkulag amu, laa ag Juda wanppa daatteb, ag oolna qaukoppa ukkeg!

Matyu 24:15

Aria, propet Daniel nug keeke naunab laa, nug aab he nauhtte ele amu, nug amunu yom. Danab aun nug nai imu ebqette amu nug meu nuhig tutukku aokkunu dabmaɗ! Aria, ag keeke naunab amu aben gun eleppa meppeg dayebeb anidna amu, laa ag

Aisaia 63:18

Haen tutuib ig nahip aben nahipnu tituanak daatte gumamut Ao, ig gumamut, amge gemu amu, kekeɗ ihinig ag nahip mettid lag heeg nauhom.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Sam 79:5

O Yawe, na ihinignu oot nauhom daatte; amu haen gane laa ele ukkeb, am nahip oo nauhak am bodoedakku? Nahip oo nauhak am hanhan daakkute? Ao, na ihinignu dahil doya laa aomanu doyak aɗan daattem. Anam amu, oo aeg bak amuam aab ewak bia diditte, am haen gane laa ele ukkeb, nahip oo aeg bak amu am iitta mekku?

Jut 1:14

Enok, nug am Adamnu buɗub buɗub uɗiak eblaih aɗit ele batak amu, nug danab laa amelagppa propet nai danab nau imu dilag mehuqa inam aum. “Antteg! Naɗi amu nuhikkud engel kuɗumnab, ebaqaknu elele iitta uɗitteb. Nug hettoɗiakppa, wanppan danab ah oh epeɗiaknu, Nug heeb, danab ag nuhignu, hak nuhignu ele uuak danab daan, ag Kayaknu, hak nuhignu ele uuak kobol dim lamidna, Kayaknu, hak nuhignu ele uuak kobol nau heppig miag atiak dooglagnu, hipunin danab Kayaknu, hak nuhignu ele uuak danab daan, ag nai nau oh Kayaknu madippig, ag amu miag atiak dooglagnu, Kayak amu nuhikkud engel ele uɗitteb.”

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Sekaraia 14:5

Oolnu noak amuam ukka, Asal batakku amunu, ag Juda danab ah ⌊diia ii ukkak ele,⌋ ag oolnu noak amuppa oolna gokkulag; anukka ag Juda dilag king Usianu haenppa mim ne oolppig, amubia ag oolna gokkulag. Amu dimppa amu Yawe, dahil Kayak, Nug uɗikku; Nug nuhikkud, ag nuhignu tituanak daatteb amu, Nug ag oh ele uɗiglag.

Sekaraia 1:19

Da amu antten, da engel da ele nai mattimuɗ oɗ mettami. “Amu aɗi?” awe oɗ mettami. Da oɗ mettai, nug da amelppa aum. “Qeqeɗi amuam wan laala ɠagattag ele ag heeg, Juda danab ah, Israel danab ah, Jerusalem danab ah ele ag matatun gona, wan atu laih laih daappig ippunigtte,” awa aum.

Daniel 12:11

King laa nug aha, nug heeb, Israel danab ah ag deɗ oh doɗ mana, Kayak mettaknu mana mettak hekkulagnu elele iitta daappeg, nug keeke naunab laa, keeke amuam heeb nauhak bekkunu keeke, nug amu Kayaknu mettid lag, amuppa qabakku, haen nug amu hekku, haen amuppanu ukkeb ukkeb, deɗ 1,290 ukkeb, batakku.

Daniel 7:23

Da ool anam daye, oɗ mettai, laa da amunu oɗ mettai, nug meu inam mehuqe doomi. “Doɗ ebqak waɗele amu, doɗ amuam ɗo maɗoɗ laa wan atu gumaglag ippunigtte. Ɗo maɗoɗ amunu danab ah ag am laanab hekkulag. Ag ɗo maɗoɗ laala ahaglag bia ii daamna. Ag am wan atu ohnab aoppeg, ag eppelagppa daappeg, tappaladnana, oɗoɗadkkulag.

Daniel 7:16

Da dabmak huanak anam awen, da laa appa hibaitta dayom ele gumitten ukken, da nug keeke amu ohnu meu tutukku mehuqeb dookkulnu oɗ mettami; aakku nug keeke amu ohnu meu mehuqe doomi. Nug aum.

Daniel 4:23

O king, na nai awa ukkak laa, nug Kayaknu oppiaawak ele, na nug hab attannu na, nai mattiom tulppa anidme. Laa amu nug aum. ‘Ag ad amu oppeg qiieb, heppeg nauhaɗ! Ag amu hekkulag, amge ag ad diig am uuppeg, wanppa, gikkiɗah ooppa dayebeb, ag ⌊ad diig amu ɠagattag daakkunu,⌋ ag aen, bras ele aon, anen anenppa ring hena heppeg, ad diig talilippeg, ag qakkeg! Ad diɗi am wan ooppa uuppeg dayaɗ! ⌊Amu ad diig amunu danab laa ippunadtte.⌋ Aria nug anam dayebeb, baito habppanu naana, qeebeb, nug doɗ bia dayebeb ukkeb, maɗ eblaih aɗit ele ukkeb, nug eɗua ena dayaɗ!’ Laa amu nug anam mattiom.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Sam 74:9

Kekeɗ ag anam heppig daye, gemu ig Kayak dabmettaknu kobol danab haknu elele iitta, Kayak Nug ig butti aɗi ehanigkkunu ippunigkkunu laa ii anidttem. Propet oh iitta meppig, ig danab laa waalagppa daattem. Amu haen gane laa ele ukkeb, am anamib daakkun daatte amu, ig ii doottem.

Ikki Danab 13:18

Manoa nug anam a, Yawenu engel nug nob ma aum. “Na aɗinu da onilnu oɗ mettem? Da appi doolom amu, na oot ii maidlo,” awa aum.

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Sam 74:10

O Kayak, gemu ihinkad kekeɗ ag na aon aon nidatteb; amu haen gane laa ele ukkeb, na ag amu hemananu ib oo nekkut? Ao, na ag uuadppe, ag hanhan na oninnu, “Am keeke hamu,” danab ah laa ippunadkkulagte?

Aisaia 28:18

Ag Mauhak ele nug tituanna nai qagappig daatte amu, da nai amu heppi nauhkku. Ao, ag mamak aben ele nai mattin, nug tituanna nai qagappig amu, da heppi, nai amuam na qekku amunu uug nau, okkai amu uɗieb, ag nauhna autnanab aoglag.

Jeremaia 12:10

Danab okkai kuɗum ag uɗin, grep dad dahil tappan heppeg, dad amu nauhkku. Ao, ag uɗin, dad okkai dahil heppeg nauhkku. Ag wan ena dahil heppeg, am eɗua, hele-ettak, wan meu waknu nakokib elele, am anam daakku.

Daniel 12:8

Nug anam aum, amge da, Daniel, da nug aum amu, da amunu diignu doyak tutukku ii aɗen, da nug oɗ mettami. “Aakku, amge O naɗi, imunu gogppa tak am attem?” awe oɗ mettami.

Daniel 4:10

Da niieye tul niien, tuleglegppa keeke digdig anadmi am iikku. Da tul niie, da neekki ukke, da noolppa wan gamagppa ad laa anidmi. Ad amuam elabnab.