Daniel 7:28 - Nobonob Baibel

²⁸ Da Daniel, da anam aakku antten doomi, amu da dabmak huanak aomi. Da iɗul am hakkab eppom, amge da laa amegppa amunu laa ii mattimi.

Daniel 7:28 Referans Kwoze

Luk 2:51

Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Luk 2:19

Amge Maria nug nai amu ooppa me dayeye, dabmettom.

Daniel 10:8

Ag oolna gona, lokkumna daappig amunu, da dakka dayeye, da tulegleg ɠagattag amu anidmi. Da anittitti, da beɗul gai-iitta me, da iɗul hakkab eppe, da aɗi hekkulnu elele iitta daami.

Daniel 8:27

Da, Daniel, da amu antten malen, da beɗul gai-iitta me, da deɗ nakok kuɗum oɗe mein daami. Da oɗe mein daai ukke, eɗue ahen, kingnu uɗat tuɗitten hemi. Da tulegleg anidmi amu, da amunu dabmak huananab aomi. Laa nug tulegleg amunu diignu doyak tutukku aɗakkunu elele iitta.

Daniel 7:15

Da, Daniel, da anam tuleglegppa keeke digdig anadmi, da amunu da oolppa uug nau doyen, da amunu dabmak huanaknab ele aomi.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Luk 9:44

“Ag nai imu daulagppa tutukkunab doyeg! Dimppa haen elab iitta, laa nug Danab Bekkalag da, nug da awiɗa, danab eppelagppa meiɗkku,” awa aum.

Mak 9:15

Danab ah ag Jesus anidna, ag huana ottaina, ag ahan gumidna gona, “Aakku uɗime,” appig.

Daniel 12:13

Amu Daniel, nahipnu, na wanppa daanna, na maɗoɗ ele daye! Na wanppa oinna, wanppa dayak nahip iitta meeb, na hik aon daappe ukkeb, gog tak haenppa na eɗun hippaidna, aug ena Kayak medakkunu tituanom daatte amu, na aokkut,” awa aum.

Daniel 12:9

Da anam oɗ mettai, nug da amelppa aum. “Daniel, na maɗoɗ ele daye! Aɗinu? Nai imu qettoɗmanu babaittak aakku daatte. Am anam dayebeb ukkeb, gog tak haenppa nai imuam daakku.

Daniel 11:27

Amu beeb, king aɗit amu, laa wan yawalti uɗitteppanu dilag king, laa wan yau uɗitteppanu dilag king amu, king aɗit amu aa oolahppa dabmak eheɗ ele balalppa daayya, aa nug hambubuittak heyaya, nai mattiglah. Aa anam hekkulah, amge aa aɗi aɗi hekkulahnu dabmeyaya, nug bubuittak heya, nai mattiglah amu, nai amuam meu ii oma. Aɗinu? Gog tak haen am haen adekkuppa bekkunu tituanak daatte, haen amuppa aakku bekkuoitte. Nug hambuppuak nai ahilah am heeb, haen amu ii baolima.

Daniel 8:19

Da hibaitten daaiyi, nug da amelppa aum. ‘Tulegleg na anidme ele am gog tak haennu keeke ippunigtte amunu, da qinob, Kayak oppoɗi beeb, bu mettak haenppa aɗi aɗi bekkunu daatte am appi dookkut.

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Daniel 5:6

King nug amu antta, nug eheɗ baɗe, iɗu hakkab eppe, baeg eheɗ hahaɗe, gateg laih ona laih qeeqe, gateg laih uɗia, laih qeeqe, baeg laih laih oh gai-iitta meum.

Genesis 37:10

Nug mameg ele amegppa anam a, amu nug mameg daug bata aum. “Tul niiak amu attemun? Da, na anin, amu na awanad ele ig genabte na noomppa gatenig qaun ota, gomelta, iɗunig wanppa mekkunig?” awa aum.

Genesis 37:11

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Daniel 8:1

Amu King Belsasar nug king abenab awa, nuhig king dayaknu maɗ ewamppa da, Daniel, da tulegleg laa anidmi. Tulegleg tatam anidmi, amuam laa, imuam laa.

Daniel 10:16

Da anam daaiyi, laa beɗu danab bia nug da ottil nakokib aɗe, da oɗelppa digmein nai mattimi. Da laa da noolppa daye, nug amegppa ami. “O naɗi dahil, da tulegleg imu anittitti, tulegleg he, da beɗulppa guittak dooi, beɗul gai-iitta ma aut auta awom.

Daniel 4:16

Heppeg, danab amunu dabmak danab bia aib dayom; doɗ bia dayaɗ! Nug amubia dayeb ukkeb, maɗ eblaih aɗit ele ukkeb, nug eɗua ena dayaɗ!