Daniel 6:24 - Nobonob Baibel

²⁴ Ag amu anidna, king haknunab a, daup ag danab ag Daniel beɗuppa nai genab iitta yaappig ele, ag danab amu, ahilkad ah, ahilkad nid ele diin dona, moɗ naɗi laion daattebppa buɗiatteg noegeg, ag moɗ batakppa ii noegeg, laion aelkadppa, eppelkadppa ele kattiɗadna heeg, huppu huppu neppig.

Daniel 6:24 Referans Kwoze

Aisaia 38:13

Laion nug danab ebehi oh he qiie, danab nug gayaya daatte, amubia da gaai ukke, wakkaɗom. ‘Da Yawe Nug he, da mauhkkulnu hettem,’ ami

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Sam 54:5

O Kayak, dahil kekeɗ ag da guittak meɗaglagnu maidtteb ele amu, ahilag maittak amu akka ahilagppa heppe bekkunu oɗ medattem. Ao, na dahilnu oo metta ii uuak kobol dim lamidna heppe, ag iitta mekkulagnu unuqidttem.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

2 King 14:6

Nug he, aa mauhpiɗ, amge nug Yawenu haknunab nai, Ɗo Nai Buk, Kayak Nug Moses amegppa a, Moses nug bukppa yom amu, nug nai amu laa dim lamitta, danab amu, aa nug mameg qeeh mauhom, nug aa bekkalti ii aqe mauhppig. Haknunab nai amuam inam. “Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.” Nai amu daatte amu, Amasaia nug amu dabmaama, nug nai amu dim lamittom.

Duteronomi 24:16

Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.

Prowerb 11:8

Kayak Nug genab tutukku hak danab ehanitte, nug qagaiettakppa ii daatte; amge Nug nau hak danab paɗe, nug uug waappa daatte.

Esta 9:10

Danab amu ag am Haman bekkod 10 aakku. Haman nug am Hamedata bekka. Nug Juda dilag kekeɗ dayom. Juda ag danab aun aɗi ag ahilagnu kekeɗ daanna, aqaglagnu heppig amu, ag danab amu aqappig, amge ahilkad keeke amu ii aoppig.

Daniel 3:22

King nug daup ag amu hekkulagnunab ɠagattag ana tappaɗatte, daup ag Satrak, Mesak, Abetnego ele aab aɗu ewak naunab nau ele, amuppa buɗiatteg teppig. Amu daup ag buɗiatteg teppig amu, ag anam heegeg, aab gakkaɗak he, daup ag mauhppig.

Prowerb 19:9

Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Jeremaia 34:17

Nug anam atte amunu, Yawe Nug ele inam atte. “Ag dahil nai ii dim lamidppig. Ag laa, ag ag ele tiilag laippu, ahilkad maɗi nid daatteb amu, ag uhuqatteg, ag uhuqak aon, hamu ii daatteb. Iitta! Ag ag waalagppa ahilkad maɗi nid daatteb amunu, ag da dahil nai ii dim lamidppig ele, da ag uhuqak laa madakkulnu hettem. Uhuqak amuam ag qep elabppa mauhkkulag. Uhuqak amuam ag oɗe nau danab kuɗum aqe mauhtteb, ag amuppa mauhkkulag. Uhuqak amuam ag enugppa mauhkkulag. Amu da heppi, wan ohppa danab ah ag ahilagnu oolagppa uuaknab dooglag.